Julio Sosa
![](http://upload.wikimedia.org/wikipedia/commons/thumb/8/80/JulioSosa.jpg/200px-JulioSosa.jpg)
Julio Sosa (Las Piedras, Canelones, Uruguai, lo 2 de heurèr de 1926 - Buenos Aires, lo 26 de noveme de 1964) que ho un deus cantaires mei famós de l'istòria deu tango. Qu'èra uruguaian de neishença mes que he la soa carrièra artistica en Argentina on e ho chafrat el Varón del tango ("lo Sénher deu tango" en castelhan).
Qu'èra vadut dens ua familha prauba ; lo son pair, Luciano Sosa qu'èra peón (qu'ei a díser "vailet") e la soa mair, Ana María Venturini, lavadora. Que's maridé ua purmèra vegada a l'edat de 16 ans dab Aída Acosta ; que separoren dus ans arron. Lo praubèr que l'obliguè a practicar plusors mestièrs. Que comencè a cantar en 1947 en Uruguai dab l'orquèstra Carlos Gilardoni puish que trauquè l'arriu de la Plata entà intallà's a Buenos Aires on comencè la soa grana carrièra e on enregistrè lo son purmèr disc titolat justament El Varón del Tango.
En 1958 ue's tornè maridar dab Nora Edith Ulfeldt entà divorciar chic arron per víver dab Susana "Beba" Merighi.
En 1960 qu'escrivó los son libe Dos Horas antes del alba (en occitan : "Duas oras abans l'auba").
Sosa qui aimava hèra las autòs qu'avèva avut quauques accidents de circulacion e que's morí justament a Buenos Aires dens un accident de veitura aus 38 ans.
Tangos famós interpretats per Julio Sosa
[modificar | Modificar lo còdi]- Justo el 31 (1953)
- Bien bohemio (1953)
- Mala suerte (1953)
- ¡Quién hubiera dicho! (1955)
- Abuelito (1955)
- Padrino Pelao (1955)
- Cambalache (1955)
- Seis Años (1960)
- La Cumparsita (por qué canto así) (1961)
- Rencor (1961)
- María (1962)
- Tarde (1962)
- En esta tarde gris (1963)
- Nada (1963)
- Nunca tuvo novio (1963)
- Qué me van a hablar de amor (1963)
- Guapo y varón (1964)
- El firulete (1964)