Fiat
| Fiat Automobiles S.p.A | |
.svg){kind=logo} | |
| Tipe | fabricant d'automòbils (ca)  , marca comercial (ca) , negòci e societat a accionaires multiples  |
|---|---|
| https://www.fiat.it | |
modificar  |
|
Fiat S.p.A., acronim de Fabbrica Italiana Automobili Torino ò en occitan "Fabrica Italiana d'Automobilas de Turin", es un constructor automobil italian, establit a Turin. Depende de Fiat Group contrarotlat per la familha Agnelli.
Fiat Group contraròtla lei marcas Fiat Auto, Fiat Professional, Alfa Romeo, Lancia, Maserati, Ferrari, IVECO, CNH e Irisbus. Ambé 2 679 451 veïculs de totei tipes produchs en 2007, lo grope Fiat si classa au 8en reng mondiau detràs Toyota, General Motors, Volkswagen, Ford, Honda, PSA. Lei chifras mòstran una auça de mai de 12% durant l'an 2006, per una chifra d'afaires de 58,5 miliards d'euros.
Après lo decès d'Umberto Agnelli lo 27 de mai de 2004, Luca di Montezemolo, a l'epòca president de Ferrari, siguèt nomat president de Fiat ; John Elkann, felen de Gianni Agnelli, ne'n siguèt nomat vicepresident.
Lo grope subissèt una pèrda d'esplecha de 979 milions d'èuros en 2003 e de mai d'un miliard en 2004, çò que representa lo pièger an dau sègle d'existéncia de la societat. Despuei, la situacion s'es notablament redreiçada. D'efèct, tre sa rompedura ambé l'american General Motors a la fin de l'an 2004, Fiat Group retrobèt totplen rapidament sa santat financiera. En 2005, gràcias au succès de sei modèls nòus Panda II e Grande Punto, lei resultats venguèron positius. Lei resultats a la fin dau tresen trimèstre de 2007 mòstran una progression de 17,8% per Fiat Auto e superiora a 23% per IVECO e CNH.
En 2007, lei parts de mercat dau grope aumentèron fòrça, especialament dins lo sector automobil onte passan 32% en Itàlia e 9% en Euròpa. Despuei lo començament de l'an 2007, Fiat Auto es davant Renault. La Nòva Fiat 500 que siguèt presentada lo 4 de julhet de 2007, exactament 50 ans après lo legendari "potet de iaort" de 1957, renforcèt encara lei posicions de la marca : reculhèt mai de 50 000 comandas avans sa presentacion oficiala. En un an de temps, passèt 200 000 comandas. Quant a la creissença dei divisions dei camions IVECO e dei materiaus agricòlas e de construccion CNH, passa lei 17% annuaus.