Ernest Hemingway
Ernest Hemingway | |
![]() | |
Naissença | 21 de julhet de 1899, Oak Park |
---|---|
Decès | 2 de julhet de 1961, Ketchum, Idaho |
Prèmis | |
Prèmi Nobel de Literatura (1954) |
Ernest Hemingway (n. en 1899, m.1961) foguèt un important escrivan american del sègle XX. Recebèt lo Prèmi Nobel de Literatura en 1954.
Biografia
[modificar | Modificar lo còdi]Hemingway nasquèt lo 21 de julhet de 1899 dins la vila d'Oak Park, una localitat situada dins l'estat nòrd-american d'Illinois, filh d'un mètge que li ensenhèt a pescar e caçar quand èra pichonèl. A l'escòla, fondèt e dirigiguèt un jornal sonat "The Trapeze", a mai se son interès principal se centrava sus l'espòrt. En 1917 comencèt a trabalhar, coma jornalista, al "Kansas City Star", e tre la debuta de l'an seguent partiguèt per Itàlia, e participèt a la Primièra Guèrra Mondiala, coma menaire d'ambulàncias. Del temps que demorèt al front patiguèt una ferida. Puèi foguèt condecorat e promogut lòctenent. En 1919 tornèt als Estats Units ont faguèt lo jornalista per mantun jornal de Chicago e Toronto (Canadà), ont publiquèt sos primièrs contes. En 1926, publiquèt The Sun Also Rises que faguèt la celebritat de las fèstas de la Sant Fermin de Pampalona.
![](http://upload.wikimedia.org/wikipedia/commons/thumb/b/bc/Bundesarchiv_Bild_183-84600-0001%2C_Ivens_und_Hemingway_bei_Ludwig_Renn%2C_Chef_der_XI._Internationalen_Brigaden.jpg/250px-Bundesarchiv_Bild_183-84600-0001%2C_Ivens_und_Hemingway_bei_Ludwig_Renn%2C_Chef_der_XI._Internationalen_Brigaden.jpg)
Del temps de la Guèrra Civila Espanhòla trabalhèt coma correspondent de guèrra a Madrid, ont se sentiguèt fòrtament implicat dins la causa republicana, que fin finala ne venguèt propagandista. L'experiéncia en Espanha li serviguèt en 1940 per escriure una de sas òbras màgers, For Whom the Bells Toll ("Per qui sonan las campanas"), situada dins las montanhas de Segòvia durant los preparatius de la batalha de Guadalajara. Son estada en Espanha faguèt d'el un aficionat a la tauromaquia.
Fòrtament alcoolic e ja qu'aviá paur de venir baug, foguèt internat dins un bon nombre d'espitals psiquiatrics. En saber qu'èra malaut de cancèr se suïcidèt amb un fusilh lo 2 de julhet de 1961 a Ketchum, vila de l'estat d'Idaho.
Òbras seleccionadas
[modificar | Modificar lo còdi]Novèlas
[modificar | Modificar lo còdi]
Racontes autobiografics[modificar | Modificar lo còdi] |
Istòrias cortas[modificar | Modificar lo còdi]
|