Vesthavet valkrins
Vesthavet valkrins (lulesamisk: Viestarmera válggabijrra, nordsamisk: Viesttarmeara válgabiire, bokmål: Vesthavet valgkrets) er ein valkrins ved Sametingsvala i Noreg frå og med valet i 2009.[1] Krinsen vert også kalla valkrins 5. Stemmerett i krinsen har dei som er busette der og er innførte i manntalet til Sametingsvalet. I 2017 var 1 788 personar registrerte i manntalet i området.[2]
Krinsen femner kommunane Dyrøy, Salangen, Lavangen, Gratangen, Skånland, Ibestad, Harstad og Kvæfjord i Troms fylke og Andøy, Øksnes, Bø, Sortland, Hadsel, Vågan, Vestvågøy, Flakstad, Moskenes, Værøy, Røst, Lødingen, Tjeldsund, Evenes, Narvik, Ballangen, Tysfjord, Hamarøy, Steigen, Sørfold, Bodø, Fauske, Saltdal, Gildeskål, Beiarn og Meløy i Nordland fylke.[1]
I 2017 vart det vald inn fem sametingsrepresentantar frå krinsen.[3] Sametinget skal til saman ha 39 representantar.
Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar.[4] Vesthavet valkrins tilsvarar dei tidlegare krinsane Sør-Troms, med unntak av Sørreisa kommune som no høyrer til Gáisi valkrins, Nordre Nordland og Midtre Nordland.[5]
Parti og vallister som stilte til Sametingsvalet i 2017 i Vesthavet valkrins
[endre | endre wikiteksten]
Desse partia og vallistene stiller til Sametingsvalet i 2017 i krinsen.[6]
- Árja
- Arbeidarpartiet
- Framstegspartiet
- Høgre
- Norske Samers Riksforbund
- Samenes Folkeforbund
- Senterpartiet
- Šiella
Referansar
[endre | endre wikiteksten]- ↑ 1,0 1,1 Lov om Sametinget og andre samiske rettsforhold (sameloven). på nettstaden lovdata.no
- ↑ «Sametingets valgmanntall 2017», www.sametinget.no, arkivert frå originalen 26. februar 2019, henta 26. februar 2019
- ↑ Mandatfordelingen. Sametinget. Henta frå https://www.sametinget.no/Valg/Valgordningen-og-valgkretsene Arkivert 2019-02-26 ved Wayback Machine. den 25.2.2019.
- ↑ «Ny valgordning» på nettstaden til Det norske sametinget[daud lenkje]
- ↑ Sametingsvalget 2009: «5. Viesttarmeara válgabiire/Vesthavet valgkrets» på nettstaden til NRK Sameradioen
- ↑ «Valgkrets 5 Vesthavet», www.sametinget.no, arkivert frå originalen 13. januar 2018, henta 26. februar 2019
