Trygve Bratteli
Trygve Bratteli | |||
![]() | |||
Fødd | 11. januar 1910 Nøtterøy kommune | ||
---|---|---|---|
Død | 20. november 1984 (74 år) | ||
Statsborgar av | Noreg | ||
Parti | Arbeidarpartiet | ||
Yrke | politikar, sjølvbiograf, minister | ||
Utdanna ved | Universitetet i Oslo | ||
Ektefelle | Randi Bratteli | ||
Barn | Ola Bratteli, Marianne Bratteli | ||
Alle verv |
|
![](http://upload.wikimedia.org/wikipedia/commons/thumb/6/66/Bratteli_grav.jpg/220px-Bratteli_grav.jpg)
Trygve Bratteli (11. januar 1910–20. november 1984) var ein norsk politikar som representerte Det norske Arbeidarpartiet. Han var statsminister frå 1971 til 1972 og frå 1973 til 1976.
Bratteli var fødd på Nøtterøy i Vestfold. Etter folkeskulen var han delvis arbeidslaus, delvis visargut til 1926, og han deltok på kvalfangst i Antarktis i åra 1926 til 1927.[1] Han arbeidde som bygningsarbeidar i Vestfold fylke og hadde fleire tillitsverv i AUF i åra frå 1928 til 1933.
I 1934 var Bratteli redaktør av avisa Folkets Frihet i Kirkenes, og ei tid redaktør av Arbeiderungdommen, og sekretær i AUF til 1940.
I åra 1940-42 arbeidde Trygve Bratteli som tømmermann i Kristiansund.
Han vart arrestert av den tyske okkupasjonsmakta i 1942. Han vart halden som Nacht und Nebel-fange i konsentrasjonsleirar frå 1943 til 1945, i Sachsenhausen ved Oranienburg nær Berlin og i Natzweiler i Elsass).
Etter krigen vart Bratteli i 1945 sekretær i Det norske Arbeidarpartiet.[2] Han vart formann i Forsvarskommisjonen av 1946. I mai 1950 vart han vald som stortingsrepresentant og var representant fram til 1981. Han var finansminister frå november 1951 til januar 1955, og frå desember 1956 til april 1960. Deretter var han samferdsleminister til januar 1964.
Han var formann i Arbeidarpartiet si stortingsgruppe frå 1964 til 1971, frå 1972 til 1973, og frå 1976 til 1981. Bratteli var medlem av Nordisk Råd i fleire periodar som stortingsrepresentant. Han var òg formann for den norske delegasjonen og medlem av Nordisk Råds presidium frå 1965 til 1969. Han møtte som regjeringsrepresentant i Rådet i fleire periodar.
Han var statsminister frå 1971 men måtte gå av året etter då det vart fleirtal for nei-sida i Folkerøystinga om EF-medlemskap hausten 1972. Han vart igjen statsminister frå 1973 til 1976.
Bratteli har gjeve ut ei rad bøker, mellom desse kan nemnast Fange i natt og tåke (1980) som vart trykt i eit opplag på 180 000.
Venner Av Israel i Norsk Arbeiderbevegelse (VINA) planta ein skog til hans minne i Israel.
Sjå òg
[endre | endre wikiteksten]- Norske statsministrar
- Norske regjeringar
- Trygve Bratteli si fyrste regjering
- Trygve Bratteli si andre regjering
Kjelder
[endre | endre wikiteksten]- ↑ Helle, Egil (25. februar 2020). «Trygve Bratteli». Norsk biografisk leksikon (på norsk bokmål).
- ↑ «Trygve Bratteli». Store norske leksikon (på norsk bokmål). 21. mars 2018.
Bakgrunnsstoff
[endre | endre wikiteksten]- Einskildmenn
- Fødde i 1910
- Døde i 1984
- Norske statsministrar
- Norske finansministrar
- Norske samferdsleministrar
- Ap-statsrådar
- Statsrådar i Regjeringa Torp
- Statsrådar i Regjeringa Gerhardsen III
- Statsrådar i Regjeringa Gerhardsen IV
- Leiarar for Arbeidarpartiet
- Sekretærar i Arbeidarpartiet
- Leiarar i AUF
- Stortingsrepresentantar frå Ap
- Stortingsrepresentantar for Oslo
- Stortingsrepresentantar 1950-1953
- Stortingsrepresentantar 1954-1957
- Stortingsrepresentantar 1958-1961
- Stortingsrepresentantar 1961-1965
- Stortingsrepresentantar 1965-1969
- Stortingsrepresentantar 1969-1973
- Stortingsrepresentantar 1973-1977
- Stortingsrepresentantar 1977-1981
- Norske forfattarar av erindringsbøker
- Norske konsentrasjonsleirfangar under andre verdskrigen
- Nacht und Nebel-fangar
- Gravlagde på Vestre gravlund
- Folk frå Nøtterøy