Karen Nilsen
Karen Nilsen | |
Statsborgarskap | Noreg |
Fødd | 3. mars 1861 Nordmarka |
Død |
1939 (78 år) |
Yrke | lyrikar, skribent, lærar |
Karen Louise Nilsen (3. mars 1861–1939) var ein norsk lærar, forfattar og lyrikar som nådde stor popularitet i si samtid.
Liv og virke
[endre | endre wikiteksten]Karen Nilsen hadde ein beskjeden familiebakgrunn frå husmannsmiljøet i Nordmarka, og arbeidde som lærar ved folkeskulen i Kristiania. Til debutarbeidet sitt, diktsamlinga Til beslægtede sjæle, fekk ho kunsthistorikaren og forfattaren Lorentz Dietrichson til å skrive føreordet. Dimed var det trygt for Alb. Cammermeyers forlag å gje ut boka. Diktsamlinga vart populær, og kom ut i tre opplag. Temaet Til beslægtede sjæle går igjen i fleire av diktsamlingane hennar. Ho vart den mest produktive og bestseljande kvinnelege lyrikaren i si tid. Trass populariteten nådde ho ikkje noko større vørde i det litterære miljøet.
Kvinders sange frå 1895 er ei påkosta praktutgåve med illustrasjonar av den svenske biletkunstnaren og illustratøren Jenny Nyström.
Kvinneperspektivet står sentralt i lyrikken til Nilsen. Kvinner vert skildra i ulike livssituasjonar, og som offer for mannleg svik, last og dobbeltmoral. Om framandkjensla til sinnet brukar ho sjølv omgrepet «granens søster». Forfattarskapen hennar var konsentrert om perioden 1892–1902, med ein «attpåklatt» i form av diktsamlinga Mens dagene glider – nye digte – til beslægtede sjæle, som vart gjeven ut i 1909. Ifølgje meldaren i Morgenposten bar versa hennar «Bud om et fromt og prøvet Kristensind og en barnlig fortrøstningsfuld Tro».[1]
Ved sida av bokutgjevingane fekk Nilsen publisert ei rekkje dikt i tidsskriftet Urd bortimot år 1900.[2] Bidraga hennar vart også publisert i serien Lyngblomster.[3]
Familie
[endre | endre wikiteksten]Karen Nilsen (Nilsdatter) var dotter av leiglendingen Nils Olsen og Andrine Hansdatter Sandungen.[4][5] Ho gifta seg ikkje.
Bibliografi
[endre | endre wikiteksten]- 1892: Til beslægtede sjæle, Cammermeyer, Kristiania, ny utgåve 1903.
- 1894: Gransus – nye digte – til beslægtede sjæle, Cammermeyer, Kristiania.
- 1895: Kvinders sange, med 16 tegninger av Jenny Nyström, Cammermeyer, Kristiania.
- 1897: Kvinder – Margrete, Cammermeyer, Kristiania.
- 1898: En sjæls historie, Cammermeyer, Kristiania.
- 1902: Sigrid Bergne – fortælling, Cammermeyer, Kristiania.
- 1909: Mens dagene glider – nye digte – til beslægtede sjæle, Cammermeyer, Kristiania.
Kjelder
[endre | endre wikiteksten]- ↑ Morgenposten 1909.11.23. 1909. s. 2.
- ↑ Bidrag av og om norske kvinnelige forfattere i norske tidsskrift 1835-1900. Forfatterne. 1984. s. 41-42.
- ↑ Jarlsberg og Larviks Amtstidende 1904.12.07. 1904. s. 2.
- ↑ SAO, Vestre Aker prestekontor Kirkebøker, F/Fa/L0003: Ministerialbok nr. 3, 1857-1868, s. 229
- ↑ Folketelling 1900 for 0301 Kristiania kjøpstad, Tellingskrets: 311, Bosted by: 0008 Bjergstien 12, Leilighet: 06
- Denne artikkelen bygger på «Karen Nilsen» frå Wikipedia på bokmål, den 10. mars 2023.
Bakgrunnsstoff
[endre | endre wikiteksten]- Norsk kvinnelitteraturhistorie. Pax. 1988. s. 140 ff. ISBN 8253014309.
- Norsk kvinnelitteraturhistorie. Pax. 1990. s. 272. ISBN 8253014988.
- Dette skrev kvinner. Skolen. 1984. s. 160-161. ISBN 8257900109.