Joachim Frich

Joachim Frich
Statsborgarskap	Noreg
Fødd	17. juli 1810 Bergen
Død	29. januar 1858 (47 år) Christiania
Yrke	kunstmålar, illustratør
Joachim Frich på Commons

Joachim Christian Geelmuyden Gyldenkrantz Frich (17. juli 1810–29. januar 1858) var ein norsk kunstmålar. Frich var ein kjend kunstnar i si samtid, mellom anna fordi han budde i Noreg (Kristiania). Han vert rekna som ein sentral kunstnar i den nasjonalromantiske stilen.

Dragter fra Borgens Præstegjæld i Søndmør, 1845

Liv og gjerning

Frich var frå Bergen, son av ein kjøpmann. Han var elev ved kunstakademiet i København, før han studerte vidare hos J. C. Dahl i Dresden og deretter i München. Frich var ein av dei fyrste kunstmålarane som valde å slå seg ned i Noreg.

Trykk etter Joachim Frich sitt måleri Fra Norangfjord på Sunnmøre (1848).

Heilt frå unge år var han på ei rekke reiser i Noreg. Basert på skisser frå desse turane laga han ei mengd akvarellar av norske folkedrakter, desse danna grunnlaget for Aagot Noss si bok Joachim Frichs draktakvarellar (1973).

I seinare år vart Frich påverka av Düsseldorfskulen, noko som førte til ein gyllen grunntone i bileta og meir teatralske motiv. Han vart mest kjend for ein serie med seks målarstykke av norske landskap i lystslottet Oscarshall på Bygdøy i Oslo, måla i 1850, og kanskje særleg for dei mange illustrasjonane han laga til Christian Tønsbergs bøker Norge fremstillet i Tegninger (1846 og 1848).

Han døydde i Kristiania.

Bakgrunnsstoff

Wikimedia Commons har multimedia som gjeld: Joachim Frich

Kjelder

• Norsk Allkunnebok, IV. Bandet. 1952.
• Bokmålswikipedia