Jevpatoria

Jevpatoria
Євпаторія, Евпатория, Kezlev
by
Utsyn over Jevpatorija
Flagg våpen
Land	Ukraina
Region	Krimhalvøya
Høgd	10 moh.
Koordinatar	45°12′13″N 33°21′41″E
Areal	120 km²
Folketal	123 456  (2011)
Folketettleik	1 029 / km²
Tidssone	EET (UTC+2)
- Sommartid	EEST (UTC+3)
Postnummer	97400 — 97490
Retningsnummer	+380-6569
Tidlegare namn	Kezlev (Gezlev) (til 1784)
Jevpatoria 45.2°N 33.358333333333°E / 45.2; 33.358333333333
Kart som viser Jevpatoria. Kart som viser Jevpatoria.
Wikimedia Commons: Yevpatoria
Nettstad: http://www.kalamit.info/

Jevpatoria er ein by på Krimhalvøya i Ukraina. Han ligg 65 km nord for Sevastopol. Byen har kring 125 000 innbyggjarar (2011).

Byen er ein bade- og kurstad og har ein næringsmiddelindustri. Byen har ein stor moské frå 1552 og ei gresk-ortodoks domkyrkje.

Historie

Byen vart grunnlagd som ein gresk koloni på 500- eller 400-talet f.Kr., og vart erobra av Mithradates VI Evpator av Pontos, som byen fekk namnet sitt etter, i første hundreåret f.Kr. Byen kom så under romarar, austromarar og gotarar. I mellomalderen vart byen under namnet Gözleve hamneby for Krim-khanatet, og var den nest største byen på Krim etter hovudstaden til tatarkhanen, Bakhtsjisaraj.

Frå slutten av 1700-talet vart Jevpatoria den viktigaste tilhaldsstaden for karaittane på Krim. Karaittane var ei jødisk sekt med utspring i Mesopotamia på 700-talet. Dei kom til Krim frå Egypt og Palestina på 1200-talet som følgje av det første krosstoget.

Kjelder

• Jevpatorija. I Store norske leksikon.

---

• Denne artikkelen bygger på «Yevpatoria» frå Wikipedia på engelsk, den 16. september 2012.

Bakgrunnsstoff

• Yevpatoriya Biletgalleri Arkivert 2010-04-13 ved Wayback Machine. (russisk)