Barra

For andre tydingar av oppslagsordet, sjå Barra i Gambia.

Barra Lokalt namn Barraigh, Eilean Bharraighⓘ
Geografi
Stad	Atlanterhavet
Koordinatar	56.9833°N 7.4667°W / 56.9833; -7.4667
Øygruppe	Ytre Hebridane
Areal	58,75 km²
Høgaste punkt	Heaval (383 moh.)
Administrasjon
Land	Skottland
Region	Ytre Hebridane
Største busetnad	Castlebay
Demografi
Folketal	1078 (2001)
Folketettleik	18,3 /km²

Barra (skotsk-gælisk Barraigh, Eilean Bharraigh) er ei øy i Ytre Hebridane i Skottland. Innbyggjarane er hovudsakleg gælisktalande og bortsett frå den nærliggande Vatersay er ho den sørlegaste av dei busette øyane i øygruppa.

Geografi

I 2001 hadde øya 1078 innbyggjarar. Ho har eit areal på 58,75 kvadratkilometer og den største landsbyen er Castlebay (Bàgh a' Chaisteil). Barra har i dag vegsamband til naboøya Vatersay (Eilean Bhatarsaigh) via ei vegfylling.

Vestsida av øya har kvite sandstrender med skjelsanddekt machair bakom. På austsida finn ein fleire berglendte viker. Barra har vakker natur, mange sjeldne planter og rikt dyreliv.

Kisimul Castle ved Castlebay ligg ved i bukt på øya og har slik gjeve landsbyen namnet sitt.

Andre stader på øya er ruinane av ei kyrkje og eit museum ved Cille Bharra, fleire festninga frå jernalderen og seinare strukturar som er grave ut.

Historie

MacNeil-klanen har sterke band til Barra og hevdar dei er etterkomarar etter O'Neill-familien frå Ulster.

Alexander av Islay gav øya til MacNeill-klanen i 1427. Klanen hadde øya fram til 1838, då Roderick MacNeil, den 40. høvdingen i klanen, selde ho til oberst Gordon of Cluny. Gordon dreiv dei fleste innbyggjarane bort frå øya for å nytte ho til sauehald. Mange av innbyggjarane flytta då til fastlandet, Australia, New Zealand, USA og Canada. Barra kom tilbake til MacNeill-familien i 1937. I 2003 tok staten over øya, og ho vil verte gjeven attende til øybuarane om dei nokon gong krev det.

Galleri

• 
  Castlebay på Barra
• 
  Traigh Eais
• 
  Solnedgang frå Traigh Eais
• 
  Den sanddekte rullebanen på Barra
• 
  Barra lufthamn
• 
  Twin Otter tar av frå Barra lufthamn
• 
  Castlebay og Heaval, frå Vatersay

Kjelder

• Denne artikkelen bygger på «Barra» frå Wikipedia på engelsk, den 25. februar 2010.
  • Wikipedia på engelsk oppgav desse kjeldene:

Bakgrunnsstoff

Commons har multimedium som gjeld: Barra

• Lokal musikk frå Barra
• Utforsk Isle of Barra
• Isle of Barra
• Barra destilleri