As-Suwayda
As-Suwayda | |||
السويداء | |||
by | |||
Det romerske amfiteateret
| |||
Land | ![]() | ||
---|---|---|---|
Guvernement | As Suwayda guvernement | ||
Distrikt | As-Suwayda-distriktet | ||
Koordinatar | 32°42′N 36°34′E / 32.700°N 36.567°E | ||
Folketal | 73 641 (2004)[1] | ||
Tidssone | EET (UTC+2) | ||
Retningsnummer | 16 | ||
![]() As-Suwayda 32°42′00″N 36°34′00″E / 32.7°N 36.566666666667°E | |||
Wikimedia Commons: As-Suwayda |
As-Suwayda (arabisk السويداء, as-Suwaydā’), òg skrive Sweida, er ein hovudsakleg drusarar-by sørvest i Syria, nær grensa til Jordan.
Han er hovudstaden i Muhafazat as-Suwayda', eit av dei 14 guvernementa i Syria, som grensar til Jordan i sør og Daraa guvernement i vest og Rif Dimashq i nord og aust.
Demografi
[endre | endre wikiteksten]Innbyggjarar er hovudsakleg busett av drusarar med ein større gresk-ortodoks minoritet.
Innbyggjartalet i byen var 73 641 i 2004.
Historie
[endre | endre wikiteksten]![](http://upload.wikimedia.org/wikipedia/commons/thumb/b/b8/As_Suwayda%27s_town_square.jpg/220px-As_Suwayda%27s_town_square.jpg)
Byen vart grunnlagd av nabatearane som Suada. Han vart kjend som Dionysias (gresk Διονύσιας) i hellenistisk og romersk tid, etter vinguden Dionysus og byen ligg i eit område som i antikken var ein kjend vinregion.
Namnet Dionysias erstatta det første nabatear-namnet Suada i 149 evt. etter nabatearane flytta seg lenger sør, under helleniseringa av Koilesyria på den tida.
Dionysias var ein del av den romerske provinsen Arabia Petraea, og fekk rettar som civitas under regjeringstida til Commodus mellom 180–185.
Dionysus vart dyrka i dei same nabateiske templa som var tileigna Dushara. Denne praksisen med å dyrke både dei lokale og hellenske gudane var vanleg i det hellenistiske Syria.
Dette namnet vart hengande ved under Austromarriket, då byen var styrt av ghassanidar. Dionysias vart så eit bispesete i eit underbispedøme under Bosra. Han vart nemnt i Synecdemus av Hierocles. Etter den arabiske erobringa vart han eit bispesete.[2]
Yaqut al-Hamawi noterte i 1220-åra at As Suwaida var «ein landsby i provinsen Hauran».[3]
I nyare tid vart Dionysias først identifisert som Sweida av William Henry Waddington.
Arkeologi
[endre | endre wikiteksten]Mange arkeologiske funn finst i den gamle delen av byen:
- Dionysus-Dushara-tempelet: åtte rikt dekorerte søyler står framleis frå tempelet.
- St. Sergius basilika: bygd på 400-talet evt. Han har bysantinske arkitekturelement, med eit kloster kring seg. Basilikaen var tileigna St. Sergius.
![](http://upload.wikimedia.org/wikipedia/commons/thumb/f/f6/As-Suwayda_The_Arch_of_Dionysias.jpg/220px-As-Suwayda_The_Arch_of_Dionysias.jpg)
- Bogen til den mindre kyrkja: sjølve kyrkja ligg i ruinar. Ein boge som framleis står vert lokalt kalla Al Mashnaqa, med dekorasjonar med druemotiv.
- Amfiteateret: vart nyleg oppdaga, sør for agoraen.
Byen har mange gamle reservoar, tårn og gamle romerske hus som framleis er busett av lokale innbyggjarar.
Mange delar av gamlebyen er framleis ikkje grave ut, som den romerske akvedukten, eit kjegleforma reservoar og eit større romersk amfiteater.
Kjelder
[endre | endre wikiteksten]- Denne artikkelen bygger på «As-Suwayda» frå Wikipedia på engelsk, den 4. juli 2014.
- Wikipedia på engelsk oppgav desse kjeldene:
- le Strange, Guy (1890). Palestine Under the Moslems: A Description of Syria and the Holy Land from A.D. 650 to 1500. Committee of the Palestine Exploration Fund.
- ↑ as-Suwayda folketal[daud lenkje]
- ↑ http://www.newadvent.org/cathen/05009a.htm Dionysias in the Catholic Encyclopedia.
- ↑ le Strange, 1890, s. 540