Þingvallavatn

Þingvallavatn
innsjø
Þingvallavatn
Land	Island
Innsjøtype	Reservoar, naturleg innsjø
Tilsig	Villingavatnsá, Ölfusvatnsá og Öxará
Utløp	Sog
Areal	83,7 km²
Største djupn	114 m
Koordinatar	64°11′N 21°09′W
Øyar	Sandey
Þingvallavatn 64.1875°N 21.135°W / 64.1875; -21.135
Wikimedia Commons: Þingvallavatn

Þingvallavatn (utt. thing-vatla-vatn med trykk på fyrste staving) er den største naturlege innsjøen på Island med areal på 83,7 km² (Þórisvatn er demt opp til kraftmagasin og har dermed blitt større). På det djupaste er Þingvallavatn 114 meter. På nordsida av vatnet blei Alltinget danna i 930.

Det meste av tilsiget i innsjøen kjem frå berggrunnen, i tillegg renn det tre småelvar uti, Villingavatnsá, Ölfusvatnsá og Öxará. Ut av vatnet renn elva Sogið, den største oppkomselva på Island. Det lever tre fiskeslag i Þingvallavatnet, av dei fem slaga ferskvassfisk ein finn på Island. Dei tre er røye, aure og trepigga stingsild. I Þingvallavatnet er er det fire variantar av røye, flest i verda. Alle desse er berre funne i dette vatnet.

Innsjøen er ein del av nasjonalparken Þingvellir og ligg sørvest på Island. Det vulkanske opphavet til øyane i innsjøen er tydleg. Sprekkdanninga rundt innsjøen, mellom anna Almannagjá som er den største av dei, indikerer at dei europeiske og amerikanske jordskorpeplatene møter kvarandre.

Sjå òg

• Innsjøar på Island

Kjelder

• Thingvellir.is - fiskurinn Arkivert 2007-08-16 ved Wayback Machine. lese desember 2005
• Þingvallavatn Arkivert 2007-08-08 ved Wayback Machine. lese desember 2005
• Þórisvatn lese desember 2005