देउखुरी

देउखुरी
प्रदेश राजधानी
देउखुरी देउखुरी
निर्देशाङ्क: २७°५०′३२.२″उ ८२°४५′४१.९″पू
देश	नेपाल
प्रदेश	लुम्बिनी प्रदेश
जिल्ला	दाङ जिल्ला

देउखुरी नेपालको लुम्बिनी प्रदेशको प्रादेशिक राजधानी हो जसको निर्णय २०७७ असोज २० गते भएको थियो। दाङ उपत्यकाको भित्री तराईमा देखुरी क्षेत्र बनाइनेछ। राप्ती गाउँपालिका, गढवा गाउँपालिका र शीतगङ्गा नगरपालिका लाई मिलाएर राजधानी बनाइनेछ। तीन स्थानीय तह अहिले दुई फरक जिल्ला दाङ र अर्घाखाँची जिल्लामा रहेका छन्। योजनाबद्ध सहर राप्ती नदीको किनारमा अवस्थित छ।

भूगोल

पश्चिम नेपालमा राप्ती उपत्यकाको रूपमा चिनिने देउखुरी उपत्यकाको मुख्य नदी राप्ती नदी नै हो अन्य साना ठूला नदी तथा खोलाहरू पनि अन्तत उपत्यका भित्रै या उपत्यका बहिर निस्केर राप्ती मै मिल्दछन। दाङ उपत्यकाको पूर्व तथा दक्षिणमा पर्ने यो उपत्यका पनि अन्न भण्डारका रूपमा चिनीएको छ। राप्ती नदीले चिरेर गएको यो उपत्यका लाई नेपालको सबभन्दा लामो महेन्द्र राजमार्गले समेत बिचैबाट काट्दै गएकाले शिक्षा स्वास्थ्यको पनि विकास हुँदैछ साथै लमही, भालुवाङ तथा कुसुम जस्ता वाणीज्य केन्द्रको पनि विकास हुदै गइरहेको छ।