Maria Jepsen

Maria Jepsen (* 19. Januar 1945 in Bad Sebarg) weer van 1992 bit 2010 de Bischopsche vun’t Sprengel Hamborg vun de Noordelvsche Kark.

Na ehr Abitur 1964 in Bad Sebarg studeer Maria Jepsen Ooltphilologie un Evangeelsche Theologie in Tübingen, Kiel un Marburg. Se maak ehr Eerst Theologisch Examen in Kiel 1970 un keem as Vikarsche na Lemsahl-Mellingstedt. 1972 maak se ehr Tweet Theologisch Examen un keem denn as Pastoorsche na Meldörp. 1977 hett se op de Pastoornstell in Leck wesselt, wo se bet 1990 bleev. 1991 wörr se Propstin in Hamborg-Horborg. An’n 4. April 1992 denn sett sik Maria Jepsen in de Bischopswahl as Nafolger vun Peter Krusche dör un wörr de eerste Fro as lutherschen Bischop op de hele Welt. 2002 wörr se vun de Synood för noch mal teihn Johr in't Amt wedderwählt. Siet Juli 2003 is Fro Jepsen ok Liddmaat in’n Raat vun’n Lutherschen Weltbund.

An' 16. Juli 2010 is se vun hör Amt torüchtreden, nahdem der Tietschrift Der Spiegel an' 10. Juli 2010 berichtet harr, dat Maria Jepsen all 1999 över sexuelle Övergreep vun en Pastor ut Ahrensborg an Minnerjohrigen in hör Kark informiert wurrn weer, aber nix dorgegen ünnernommen harr.