Gerd Müller

Gerd Müller (2006)

Gerhard „Gerd“ Müller (* 3. November 1945 in Nördlingen; † 15. August 2021 in Wolfratshausen) weer en düütsch Footballspeler.

Mit 365 Doren in 427 Partien is de as „Bomber der Nation“ beteekend Müller Rekorddoorschütten vun de Football-Bundsliga un gellt wegen sien besünners goot Körperbeherrschung un Fähigkeit to Antizipatschoon as en vun de best Störmer vun all Tieden. 1970 wurr he mit den Ballon d’Or as Europas Footballer vun dat Johr uttekent.

As Speler vun den FC Bayern München (1964 bit 1979) wunn Müller veer düütsch Meesterschapen, veermal den DFB-Pokal, dreemal den Europapokal vun de Landsmeester, eenmal den Europapokal vun de Pokalsieger as ok eenmal den Weltpokal. Mit de düütsch Natschonalmannschap wurr he 1972 Europameester un 1974 Weltmeester. För Düütschland hett he in 62 Lännerspelen 68 Doren schaaten.

Sien Loopbahn fung 1958 bi den TSV 1861 Nördlingen an, wo he bit 1964 bleev. Dornah wessel he to FC Bayern München. 1979 is he in de USA wesselt, to Fort Lauderdale Strikers.

Nah dat Karriereenn’n weer he van 1992 bit 2014 as Co-Trainer in‘n Trainerstaff vun de tweet Mannschap vun Bayern München tätig.

Later is he an Demenz krank wurrn.

Ehrungen

2014 wurr he in de Hall of Fame vun den Düütschen Sport upnommen.

Literatur

• Udo Muras und Patrick Strasser: Gerd Müller. Der Bomber der Nation. Riva Verlag, München 2015, ISBN 978-3-86883-700-1.
• Hans Woller: Gerd Müller oder wie das große Geld in den Fußball kam. Beck, München 2019, ISBN 978-3-406-74151-7.

Weblinks

Gerd Müller. Mehr Biller, Videos oder Audiodateien to’t Thema gifft dat bi Wikimedia Commons.

• DNB-Katalog
• Gerd Müller in de Datenbank vun Fußballdaten.de
• Gerd Müller bi weltfussball.de
• Gerd Müller in de Hall of Fame vun den düütschen Sport
• Gerd Müller in de Hall of Fame vun den FC Bayern München
• Gerd Müller up nasljerseys.com (englisch)
• The Ambry, ehmalges Restaurant vun Gerd Müller
• Gerd Müller up SoccerDBData.com