Abiy Ahmed
![](http://upload.wikimedia.org/wikipedia/commons/thumb/b/b8/Abiy_Ahmed_at_the_African_Union_2018.jpg/220px-Abiy_Ahmed_at_the_African_Union_2018.jpg)
Abiy Ahmed Ali (amharisch: አብይ አህመድ አሊ, Oromo Abiyyi Ahimad Alii; * 15. August 1976 in Beshasha, Kaffa) is en äthiopisch Politiker. He is siet den 2. April 2018 Ministerpräsident vun sien Land.
2019 wurr hüm insbesünnere för sien Utsöhnenspolitik mit dat Nahberland Eritrea de Freedensnobelpreis tospraaken.
Leven
[ännern | Bornkood ännern]Herkunft un Familie
[ännern | Bornkood ännern]Abiy Ahmed entstammt ut de veerte Ehe vun sien muslimsch Vader Ahmed Ali, de to den Oromo gehört, mit Tezeta Wolde, en ut dat Volk vun de Amhara stammend äthiopisch-orthodoxen Christin. Dat Paar har noch fiev wiedere Kinner un vun sie Vaders Siet hett Abiy Ahmed noch söben wiedere Haflgeschwister.
Abiy is mit Zinash Tayachew verheiraadt. Dat Paar harr sück bi dat äthiopsch Militär kennen lehrt. Se hemm dree Döchter. Abiy snackt de indigenen Spraaken Oromo, Amhara, Tigrinya as ok Engelsch.
Kindheit, Ausbildung und militärische Laufbahn
[ännern | Bornkood ännern]Abiy is in sien Gebortsoort Beshasha upwussen, wo he ok de Grundschool besöcht hett un sien Familie sall dor hooch ansehn ween hemm. He hett de Sekundarschool in de dicht bi liggend Stadt Arago besöcht. Sien Vader wurr ünner de Herrschap vun de Derg in Haft nommen.[1] De Jöögd vun Abiy sall stark vun de Stört vun de Staatsbaas Mengistu Haile Mariam in‘n Mai 1991 präägt wurrn ween. Bi den folgenden Upstand wurr keem sien öldst Bröer to Dood. Abiy hett sück mit 15 Johr de politischen Fraktschoon vun de Demokraatsche Organisatschoon vun dat Oromovolk (OPDO) anslooten,[1] de sück binnerhalv vun de Revolutschonäre Demokraatsche Front dvun de Äthiopischen Völker (EPDRF) för de Belange vun dat Oromo-Volk insett. 1993 is he de äthiopisch Armee bitreeden, wo he en technische Utbillen kreeg un in Feernmeldeeenheiten insett wurr. Abiy deen 1995 as Deel vun en UN-Freedensmission in Ruanda as ok in’n äthiopisch-eritreischen Grenzkrieg (1998–2000) un sall in de Offiziersränge upsteegen ween. Af den 2000er-Johren hett he sück in sien Heimatregion en Naam as Vermittler tüschen Christen un Muslimen maakt. Wiels sien Tiet bi dat Militär hett Abiy en Bachelor-Studium in Computer- un Kommunikatschonstechnik (2001) as ok en Upbaustudium in Kryptographie in dat süüdafrikaansch Pretoria (2005) maakt un afslooten.
2011 hett he dorto noch en Masterstudium in „Transformational Leadership“ an de Londoner University of Greenwich afslooten un in de Hööftstadt vun Äthiopien Addis Abeba kreeg he 2013 en Master of Business Administration an dat Leadstar College of Management and Leadership. 2017 folg denn de Doktertitel (Ph.D.) an de Universität Addis Abeba för en regionale Fallstudie över de Lösung vun interreligiöös Konflikte in sien Heimatregion. Footend up sien Dokterarbeit Social Capital and its Role in Traditional Conflict Resolution in Ethiopia: The Case of Inter-Religious Conflict in Jimma Zone State ab dat Institute for Peace and Security Studies[2] hett Abiy in‘n August 2017 in dat Horn Of Africa Bulletin den Artikel Countering Violent Extremism through Social Capital: Anecdote from Jimma, Ethiopia.[3] herutbrocht.
Politisch Loopbahn
[ännern | Bornkood ännern]Direkter vun de INSA un Wessel in de Politik
[ännern | Bornkood ännern]Tüschen 2007 un 2010 weer Abiy stellvertredend Direkter vun de Information Network Security Agency (INSA), an deren Upbau he bedeeligt weer. De Behörde överwaakt de gesamte Telekommunikatschoon vun Äthiopien un wurr vun Journalisten as Instrument vun de Regeeren to dat Ünnerdrücken vun oppositschoneller Kräfte bewert. Bi de Parlamentswahlen in Äthiopien 2010 errang Abiy en Afordnetenmandat för de OPDO in dat Ünnerhuus, wiels sück de EPRDF meest all Parlamentssitten sekern kunn; fiev Johr later wurr he nochmal wählt. Wiels dat in Äthiopien to gewaltsamen Utnannersetten tüschen de beid gröttst Volksgruppen Oromo un Amharen keem, weer Abiy af 2015 för een Johr Wetenschapsminister ünner Ministerpräsident Hailemariam Desalegn. Nah sien Rückträe hett sück de as jung Moderniseerer ansehn Abiy in verscheeden Positschonen um de regionale Entwicklung vun sien Heimatregion kümmert un steeg 2017 to’n Generalsekretär vun de OPDO up. Politisch hett he ok mit de Natschonal-Demokraatsche Beweegen vun de Amharen (ANDM) tosommen arbeit.
Upstieg to’n Ministerpräsidenten
[ännern | Bornkood ännern]Wegen de johrenlang landswiet Proteste geev Ministerpräsident Hailemariam Desalegn in‘n Februar 2018 sien Rückträe bekannt. Abiy wurr in de Folge Parteivörsitter vun de OPDO, nahdem sien populärer, aber ut formalen Grünnen nich in Fraag kommend Vörgänger Lemma Megersa den Posten an hüm aftreeden harr. An‘n 27. März 2018 wurr Abiy in geheim Wahl to’n neen EPRDF-Vörsitter wählt. Söss Saag later, an’n 2. April, wunn he as eerst Oromo de Wahl to’n Ministerpräsidenten. Abiy hett 8 vun de 28 Ministerien uplööst un hett de Hälft vun de Ressorts mit Fruen besett, dorünner dat Ministerium för Verteidigung (Ministerin: Aisha Mohammed), för Hannel, Verkehr un strategische Planung as ok dat för Polizei und Geheimdienst toständige „Freedensministerium“.[4]
Ofschons Skeptiker de Arbeit vun Abiy bi de INSA hervörhaaben deen un hüm as dragend Figur vun dat bestahn System ansehn deen, hett he en gauen Reformkurs inleit, de sülvst sien Kritiker överraschen dee. Bit Anfang Juni 2018 hett he den Utnahmetostand in dat Land uphaaben, hett politische Fangene free laaten un hett sück för de Öffnung vun staatlich Firmen insett. Sien Regeeren hett ok ankünnigt, den Besluss vun en vun de Vereente Natschonen ünnerstütt internatschonalen Schiedskommission över den Grenzverloop vun Äthiopien un Eritrea ut dat Johr 2002 „vullstännig“ umtosetten un sück ut den umstreeden Rebeeden torüchtotrecken.[5]
An‘ 23. Juni 2018 geev dat bi en Kundgeeven in Addis Abeba en Anslag mit en Granate up hüm, bi de mindst twee Minschen to Dood keemn un 156 wiedere besehrt wurrn. Abiy leet sück aber vun de nah eegen Angaven „gut orchestrierten Anschlag“[6] in sien Reformvorhebben aber nich uphollen. Anfang Juli 2018 hett he nah en Drapen mit den eritreischen Präsidenten Isayas Afewerki in Asmara mitdeelt, dat nah johrteihntlang Feindschap de Wedderupnahm vun de diplomatisch Betrecken tüschen Äthiopien un Eritrea vereenbart wurr. So is plaant, Botschoppen un Grenzen weer uptomaken as ok Floogverbinnen weer intorichten un de Habens togänglich to maken. Bi de Ankunft vun Abiy in Asmara weer dat to en symbolträchtig Umarmung tüschen de beid Politiker kommen – en, de kört tovör noch as undenkbor gullen harr.[5]
In‘n Oktober 2018 full he binah en Komplott ut Riegen vun dat Militär to’n Opfer. Abiy hett doruphen wichtige Funktschonäre vun dat Militär, dorünner den Generalstaffschef, entlaaten. In de Bevölkerung wurrd he vun breet Deelen ünnerstütt.
2019 wurr Abiy „för sien Bemööhen um Freeden un internatschonale Tosommenarbeit insbesünnere för sien entslooten Initiative to dat Lösen vun den Grenzkonflikts mit dat benahberte Eritrea“ de Freedensnobelpries toerkannt.[7]
Uttekungen
[ännern | Bornkood ännern]- 2019: Hessisch Freedenspries för dat Beenden vun den langen un blöötigen Konflikt in sien Heimat[8]
- 2019: Freedensnobelpries
Weblinks
[ännern | Bornkood ännern]- Zelalem Girma: Ethiopia in Democratic, Transformational Leadership. In: AllAfrica.com. 3. April 2018 (engelsch).
Enkeld Nahwiesen
[ännern | Bornkood ännern]- ↑ a b David Signer: Der rätselhafte Abiy Ahmed. In: NZZ.ch. 23. November 2018, afropen an’n 26. November 2018.
- ↑ Zelalem Girma: Ethiopia in Democratic, Transformational Leadership. In: AllAfrica.com. 3. April 2018, afropen an’n 7. August 2018 (engelsch).
- ↑ Abiy Ahmed: Countering Violent Extremism through Social Capital: Anecdote from Jimma, Ethiopia. (pdf, 866 kB) In: Horn Of Africa Bulletin. 29/4, Juli 2017, S. 12–17, afropen an’n 11. Oktober 2019 (engelsch, wiedergegeben auf africaportal.org).
- ↑ Bartholomäus Grill: Aufbruch der Frauen, Der SPIEGEL, Band 9, 2019, Sieden 96–98
- ↑ a b Nach jahrzehntelanger Feindschaft: Äthiopien und Eritrea nehmen Beziehung auf. In: tagesschau.de. 8. Juli 2018, afropen an’n 11. Oktober 2019.
- ↑ Addis Abeba: Tödliche Explosion nach Ansprache von Präsident Abiy. In: Spiegel Online. 23. Juni 2018, afropen an’n 11. Oktober 2019.
- ↑ The Nobel Peace Prize for 2019: Announcement. In: nobelprize.org. 11. Oktober 2019, afropen an’n 11. Oktober 2019 (engelsch).
- ↑ Ehre für einen „Hoffnungsträger“ und „Reformer“. In: hessenschau. 23. September 2019, afropen an’n 11. Oktober 2019.