Naasjonoale Dodenweerdenken
Joarlijks is op 4 maai de Naasjonoale Dodenweerdenken. Man weerdenkt aal börgers en militèren van t Keunenkriek van de Nederlanden, dij woar den ook ien de wereld omkommen binnen sunt t oetbreken van de Twijde Wereldkraig (man gaait hierbie oet van 10 maai 1940) en ien kraigsitewoatsies en bie vredesoperoatsies aargendwoar aans ien de wereld.
Tot 1961 tou haar de weerdenken allend betrekken op de Nederlaandse slachtoffers van de Twijde Wereldkraig. Vanôf 1961 worden op 4 maai ook de gevallenen tiedens aander militère konflikten (zo as de politsjonele aksies ien Nederlaands-Indie) en vredesoperoatsies (zo as ien Libanon of Bosnie) weerdocht.
De weerdenkens bestoan oet n plechteghaid, volgd deur kraansleggens bie t Naasjonoal Monumìnt op de Daam ien Amsterdaam deur de keunegin en vertegenswoordegers van de regeern, de kriegsmaacht, verzetsbewegen, Indonezie en allerlaai organisoatsies en groepereens ien t geselschop. Om aacht uur soavonds worden twij menuten stilte holden veur de noadochten aan dijent dij ien en/of deur n kraig omkommen binnen. Op 4 maai 1994 wuiren veur t eerste moal de vlagen dij doarveur haalfstok hongen, rezen tiedens t speulen van t Wilhelmus.
Ook op aander stees ien Nederlaand worden plechtegheden holden en kraanzen en blommen lègd, zo as op de Woalsdörpervlakte ien n Heeg, Grebbeberg ien Rhenen en honderden aander stees woar groaven of monumìnten aan de slachtoffers en de bezetten heugen.
Ain dag loater, op 5 maai wordt de bevraaiden van de Duutse bezetten (1940-1945) vijerd.
Leegsaksisch
[bewark | bronkode bewarken]- Grunnegs: Naasjonoale Dodenweerdenken
- Stellingwarsf: Nationaole Dodenherdaenking
- Veluws: Nasiona(o)le Dooienherdenking/Dodenherdenking