Amperialismo
Amperialismo ye la política de spanson i domínio territorial, cultural i eiconómico dua nacion subre outras, ó subre ua ó bárias regiones geográficas.
L amperialismo cuntemporáneo puode ser tamien chamado cumo neoquelonialismo, por tener muitas aparecenças cul regime bigorado antre ls seclos XV i XIX, l quelonialismo.
Esta prática stá registrada na stória de la houmanidade atrabeç de muitos eisemplos de ampérios que se zambolbírun i, an muitos causos, fúrun anequilados ó sustituídos por outros. Inda assi, l cunceito, deribado dua prática assente na teorie eiquenómica, solo surgiu ne l ampeço de l seclo XX.
L cunceito de amperialismo moderno
[eiditar | eiditar código-fuonte]Ne l final de l seclo XIX i ampeço de l seclo XX, la eiquenomie mundial bibiu grandes mudanças. La tecnologie de la Reboluçon Andustrial oumentou inda más la porduçon, l que gerou ua grande necidade de mercado cunsumidor para esses perdutos i ua nuoba corrida por matérias primas.
La cuncepçon de amperialismo fui perpetrada por eiquenomistas almanes i angleses ne l ampeço de l seclo XX. Este cunceito custituiu-se an dues caratelísticas fundamentales: l ambestimiento de capital sterno i la porpiadade eiquenómica monopolista. “Un paíç amperialista era un paíç que dominaba eiquenomicamente l outro”, i desse modo la capitalizaçon de las naciones amperialistas als poucos se ampliaba, assi cumo la ‘absorçon’ de ls países dominados, pus monopólios, mano-de-obra barata i abundante i mercados cunsumidores lhebában al ciclo de l nuobo quelonialismo, que ye l perduto de la spanson custante de l amperialismo.
Ls países amperialistas dominórun muitos pobos de bárias partes de l planeta, an special de ls cuntinentes africano i asiático. Mas, la maior parte de ls capitalistas i de la populaçon desses países subrepunian-se tenendo cumo afirmatiba que sues açones éran justas i até benéficas a la houmanidade an nome de la eideologie de l porgresso. Dessa forma, tenien 3 bisones splicatibas: l etnocentrismo, baseado na eideia de que eisistian pobos superiores a outros (ouropeus superiores a asiáticos, andígenas i africanos, eisemplos clássicos), de la mesma forma l racismo i l darwinismo social que anterpretaba la teorie de la eiboluçon la sue maneira errónea, afirmando la heigemonie de alguns subre outros pula seleçon natural.
Assi, ne l final de l seclo XIX i l ampeço de l XX, ls países amperialistas se lhançórun nua corrida pula cunquista global, l que zamcadeou ribalidade antre ls mesmos i cuncretizou l percipal motibo de la Purmeira Guerra Mundial, dando percípio a la “nuoba era amperialista”.
Lhiberalismo i amperialismo
[eiditar | eiditar código-fuonte]L purmeiro studo sistemático de l amperialismo apareciu an 1902 cun "Amperialismo", de l outor anglés John Hobson, para quien l fenómeno se debie a la acumulaçon de capital scedente que debie ser sportado. Serien motibaçones amportantes de l spansionismo la busca de nuobas fuontes de matérias-primas i de mercados. La oureginalidade de la obra de Hobson cunsiste an atribuir al amperialismo raízes eiquenómicas, l que dou las bases para la anterpretaçon marxista.
Para l eiquenomista Joseph Schumpetener, que an sue obra más coincida, Capitalism, Socialism and Democracy (1942), cunclui que l capitalismo acabarie por sgotar-se i dar lhugar a algua forma de cuntrole centralizado de la eiquenomie, i que la política amperialista nun ten relaçon cula natureza de l capitalismo, que ye pacifista an eisséncia. L spansionismo se debe a un ampulso atábico de lhuita, remanescente an struturas i camadas sociales pré-capitalistas, que depénden para sue subrebibéncia de guerras i cunquistas.
L Amperialismo de l Seclo XIX
[eiditar | eiditar código-fuonte]![](http://upload.wikimedia.org/wikipedia/commons/thumb/8/89/Colonisation2.gif/350px-Colonisation2.gif)
Ls percipales países que adotórun la prática de l amperialismo
- Reino Ounido
- Fráncia
- Bélgica
- Eitália
- Almanha
- Pertual
- Spanha
- Países Baixos
- Japon
- Rússia
- Stados Ounidos
- Ampério Outomano
Alguns eisemplos de l Amperialismo Británico
[eiditar | eiditar código-fuonte]África de l Sul, Guerra de l Bóeres
[eiditar | eiditar código-fuonte]La atual África de l Sul era ua region dominada por houlandeses que éran ls bóeres. Cula çcubierta de minas de diamante na region, la Anglaterra querie dominar i splorar esse território, dando ampeço la Guerra de l Bóeres pula dominaçon del. La Anglaterra ganhou la guerra i cunsequentemente l domínio efetibo de l mesmo, dando ourige a la Ounion Sul-Africana.
Índia, Rebolta de l Sipaios, Gandhi i Amperialismo Británico
[eiditar | eiditar código-fuonte]La Índia fui más un paíç afetado pul Amperialismo Británico, que ampuso atrabeç de la formalidade l domínio melitar i cultural atrabeç de la justificatiba de l Darwinismo Social i de l Ourocentrismo (Ouropa cumo centro de l mundo i cultura superior a las outras).
Cula fin d'acabar cul amperialismo británico na Índia la populaçon fizo la Rebuolta de l Cipaios, an que nacionalistas andianos apoiados pula populaçon lhocal i pul eisército de la Índia reibindicában l dreito andiano a la lhibardade. Mas la rebuolta fui sufocada pula Anglaterra. Más tarde, Mahatma Gandhi aperpuso ua lhuita sin armas i sin sangre derramado atrabeç de l boicote de barios perdutos angleses.
La Cunquista de l Sudeste Asiático i l Ampério Japonés
[eiditar | eiditar código-fuonte]La cunquista de la Ásia fui-se als poucos, purmeiramente cul abrir de alguns portos an pequeinhas ilhas durante l seclo XVIII i antigas quelónias spano-houlandesas nas Filipinas (cedida als Stados Ounidos pula Spanha depuis) i ilhas de la Andonésia (houlandeses).
Mas la zanfreada sploraçon que se dou por estas bandas fui a partir de la Rússia, que custruiu ua camino de fierro lhigando la Rússia ouropéia até sues bordas de l Pacífico Ouriental, cul oubjetibo de anfluenciar i dominar la Mongólia i la China.
Yá la antrada de l Japon ne l grupo de l países amperialistas fui por presson de l Stados Ounidos i de l Reino Ounido de tiempos. Sob muita presson de l amaricanos, l Japon gobernado formalmente por un monarca, mas quien tenie plenos poderes era l quemandante de las Fuorças Melitares Japonesas, l Xogun, decidiu abrir alguns portos pa ls países oucidentales. Esso causou ua rebuolta por bários motibos na ilha, coincido cumo Restauraçon Meiji, adonde restauraba plenamente ls poderes de l Amperador, que fizo l Japon dar un salto ne l zambolbimiento andustrial i eiquenomico de l paíç. Esso fizo cun que la cuncorréncia antre Reino Ounido, Fráncia, Rússia i ls Stados Ounidos quedasse más acirrada i ancluísse l Japon na çputa amperialista.
Para tanto, l eisército japonés ambadiu la China i oubtubo sucesso an sues missones, aneixando al sou território la region correspondente a la Manchúria, las atuales Coréias i la Ilha de Formosa. Na tentatiba de spulsar ls japoneses, ls chineses buscórun apoio - an bano - de la Rússia. Este paíç tubo de andenizar l Japon.
L Reino Ounido ampeçou sue ambestida, atrabeç d'acuordos comerciales cul Amperador de la China. An 1839, l Amperador proíbe l quemércio de Ópio an sou território, cujo era comercializado pul Reino Ounido na Índia. Mas ls británicos nun seguírun las ordes i cuntinórun a comercializar la droga. Cumo puniçon l gobierno chinés afunda alguns nabios británicos.
Este fato sirbe de pertesto pa l Reino Ounido declarar guerra a la China. Cun ua marina superior la de la chinesa l Reino Ounido bence, i cumo pagamiento al bencedor la China tubo que ceder la Ilha de Hong-Kong i abrir dibersos portos.
Cul domínio meridional de la China, la Andochina cedida pula Fráncia, debido a la Guerra de l siete Anhos, l Reino Ounido cunquistou la heigemonie tamien de l Sudeste Asiático. Nesse decorrer de tiempos acuntecírun bárias rebuoltas, ua mui amportante acunteciu na Índia, mas eilha fui sufocada, i assi ls británicos abocánhan de beç la Índia antegrando-a cumo parte de sou Ampério Quelonial. Yá ne l anho de 1895, la China sofre sue pior houmilhaçon, la partilha de sou território an árias de anfluéncia antre: Reino Ounido, Fráncia, Japon, Almanha i Rússia, esso gerou la Rebuolta de l Boxers.
Para bencer essa batailha, las poténcias ouropéias i nipónica, tubírun que se ounir i cun muita lhuita cunseguírun bencé-la. Yá ls Stados Ounidos requelonizórun las Felipinas i cunquistórun i aneixórun ilhas cumo l Habaí antre outras.
An 1884, tubo ampeço la Cunferéncia de Berlin, que reuniu repersentantes de poténcias ouropéias para pormober la "partilha amigable" de l cuntinente africano. Las maiores beneficiadas cula partilha fúrun la Fráncia i la Anglaterra, cun maior númaro de quelónias an árias eiquenomicamente más antressantes. La Cunferéncia de Berlin nun cuntou cun partecipaçon de nanhun repersentante africano, la partilha fui feita sin qualquiera cunsulta ó ua partecipaçon de ls pobos que serien atengidos pulas decisones, sin lhebar an cunta ls aspetos culturales i étnicos de cada pobo.