Харцгероде

Харцгероде
Градска куќа Градска куќа
Харцгероде
Управа
Земја	Германија
Покраина	Саксонија-Анхалт
Округ	Харц
Градоначалник	Хорст Шене
Основни податоци
Површина	165 км2
Надм. височина	400 м
Население	7.698 (31 декември 2022)
- Густина	47 жит/км2
Други информации
Часовен појас	CET/CEST (UTC+1/+2)
Рег. табл.	HZ
Пошт. бр.	06493
Повик. бр.	039484
Портал	www.harzgerode.de
Местоположба на град Харцгероде во рамките на округот Харц
Карта
Координати	51°38′32″N 11°8′39″E

Харцгероде (германски: Harzgerode) — град во округот Харц во Саксонија-Анхалт, Германија.

Географија

Во него влегуваат следниве:

• Харцгероде
• Алексисбад
• Данкероде
• Гинтерсберге
• Кенигероде
• Мегдешпрунг
• Нојдорф
• Шило
• Зилберхите
• Зиптенфелде
• Штрасберг

Харцгероде се наоѓа во источниот дел од планините Харц, јужно од Кведлинбург. Поврзан е со Гернроде преку железничка линија со тесни колосеци наречена железничка линија Долина Зелке (Selketalbahn).

Историја

Населбата била изградена во врска со Бенедиктанската опатија Хагенроде во долината на Зелке, во која кралот Ото III ѝ доделил пазарни, монетарни и царински права во 993. Следната година местото било спомнато како Хацаканрот (Hazacanroth). Ги изгубило своите монетарни права во 11-от век, но неговите градски права ги повратило во 1338.

Со обновениот суверенитет на Анхалт во 1535, градот станал административен центар на двојнио Амт за Харцгероде и Гинтерсберге. Истовремено, Анхалт била повторно поделена во неколку кнежевства од синовите на принцот Јоаким Ернест од Анхалт. Како последица, територијата на амтовите на Харцгероде/Гинтерсберге станала шестот кнежевство и Харцгероде станал резиденционале град. Седиштето на принцот бил во замокот Харцгероде, изграден во средината на 16 век. Градот бил седиште на кнежевството Анхалт-Бернбург-Харцгероде од 1635 до 1709.

Замокот Хајнрихсберг се наоѓа во близина на градскиот кварт Мегдешпрунг, како и урнатините на Замокот Анхалт по кој целата покраина го добила нејзиното име.

На 1 август 2009, градовите Гинтерсберге и Харцгероде (со нивните села Алексисбад, Мегдешпрунг (Харцгероде) и Зилберхите) заедно со општините Данкероде, Кенигероде, Шило, Зиптенфелде и Штрасберг станале дел од новиот округ Харцгероде. На 1 септември 2010 Нојдорф (Харц) бил исто така припоен.

Градски пожари

Поради својата заштитена локација, градот не страдал многу од многуте воени конфликти, но бил постојано уништуван од пожари. Пред 1503 имало голем пожар. Во 1635 (на денот на летото) секоја зграда во градот била разорена со исклучок на седум куќи. На 30 јуни 1722, 42 куќи изгореле. На 23 октомври 1817 година, 52 куќи изгореле.