Ромбоид

Ромбоид
Ромбоид е паралелограм кој не ниту ромб ниту правоаголник
Вид	Четириаголник
Рабови и темиња	4
Група на симетрија	C2
Плоштина	h·a
Обем	2a+2b
Својства	испакнат

Во геометријата, ромбоид е четириаголник кој има два пара паралелни страни (т.е. е паралелограм), но соседните страни не се исти (т.е. не е ромб) и нема внатрешен агол од 90° (т.е. не е правоаголник).  Од друга страна, поимот паралелограм вклучува и ромбоиди, ромбови, правоаголници и квадрати.

Ромбоид е паралелограм кој не е ромб, ниту правоаголник, ниту квадрат.

Формули и особини на ромбоид

Види и паралелограм.

• Ромбоид е паралелограм
  • Спротивните страни се складни (со иста должина).
  • Спротивните (внатрешните) агли се складни (со иста големина).
  • Соседните агли се суплементни (збирот им е 180°).
• Ромбоид не е ромб.
  • Соседните страни на ромбоид не се складни.
  • Дијагоналите на ромбоид не ги преполовуваат внатрешните агли.
• Ромбоид не е правоаголник.
  • Соседните агли на ромбоид не се складни. (Бидејќи ромбоидот е паралелограм, збирот на соседните агли е 180°. Доколку беа складни би биле по 90° и фигурата би била правоаголник.)
  • Дијагоналите на ромбоид не се складни.

Симетрија

• Ромбоидот нема осна симетрија.
• Ромбоидот како паралелограм има вртежна симетрија од 2-ри ред.

Впишана и опишана кружница

• Ромбоидот нема ниту впишана, ниту опишана кружница, т.е. не е ниту тангентен четириаголник ниту тетивен четириаголник.

Поврзани теми

• Паралелограм
• Ромб
• Четириаголник, Многуаголник