Капитолски музеи
![](http://upload.wikimedia.org/wikipedia/commons/thumb/d/d8/CampidoglioEng.jpg/350px-CampidoglioEng.jpg)
Капитолските музеи (итал. Musei Capitolini) се група уметнички и археолошки музеи на ридот Капитол во Рим сместени на плоштадот Кампидољо. Музеите се сместени во три палати кои го образуваат трапезоидниот плоштад. Планот за плоштадот го направил Микеланџело Буонароти во 1536. Историјата на музеите може да се следи наназад до 1471, кога папата Сикст IV ја подарил колекцијата од важни антички бронзени скулптури на народот на Рим и ги сместил на ридот. Оттогаш, музејската колекција постојано растела и вклучувала антички статуи, натписи и други артефакти; подоцна, колекции на средновековна и ренесансна уметност, колекција на скапоцени камења, монети итн. Музеите се во сопственост и управувани од градот Рим.
Во центарот на плоштадот денес се наоѓа статуа на коњаник, која е копија на оригиналната римска статуа на Марко Аврелиј. Оригиналната статуа се наоѓа во музејот. Многу римски статуи биле уништени како паганско наследство во текот на вековите во Рим, оваа преживеала бидејќи се мислело дека го претставува Константин I Велики, заштитникот на христијанството.
Згради
[уреди | уреди извор]Капитолските музеи се три главни згради на плоштадот Кампидољо поврзани со подземна галерија под плоштадот. Трите главни згради се:
- Палата на сенаторите, изградена во 12. век и изменета според дизајнот на Микеланџело,
- Палата на конзерваторите, изградена во средината на 16. век и редизајнирана од Микеланџело,
- Нова Палата, изградена во 17. век со идентична фасада како Палатата на конзерваторите наспроти неа.
Покрај тоа, Палатата Кафарели-Клементино од 16. век, која се наоѓа позади плоштадот, била додадена на музејскиот комплекс во раниот 20. век.
Палата на конзерваторите
[уреди | уреди извор]Овде се сместени колекции на антички скулптури, најмногу Римски, но и антички грчки и египетски. Главните скалила содржат импресивен релјеф во мермер во чест на Марко Аврелиј. На вториот кат е сместена и познатата Етрурска волчица која според легендите ги одгледала Ромул и Рем - основачите на Рим.
На третиот кат се сместени колекции од применета уметност, монети, накит, скапоцени камења и медали.
Нова палата
[уреди | уреди извор]Двата ката на Новата палата се исполнети со статуи, инскрипции, саркофази, бисти, мозаици и други римски артефакти.
Во салата на Галот може да се види статуата на Галот на умирање, статуата на Купидон и Психа, Капитолската Венера, и други познати дела.
Новото крило
[уреди | уреди извор]![](http://upload.wikimedia.org/wikipedia/mk/thumb/3/3a/Etrurskata_volcica_-_Kapitolinski_muzei.jpg/250px-Etrurskata_volcica_-_Kapitolinski_muzei.jpg)
Во новата сала со стаклен покрив - Салата на Марко Аврелиј, создадена со покривање на една внатрешна градина од палатата е сместена статуата на Марко Аврелиј во бронза, која го прикажува како коњаник. Во оваа сала се и темелите на храмот на Јупитер, кој се издигал над Стариот Рим и доминирал со своите огромни димензии. Во ходниците пред салата се изложени скапоцени грчки и етрурски вазни кои се подарок од Августо Кастелани во средината на 19. век.
Колекција
[уреди | уреди извор]Други познати скулптури во музејот:
- Познатата „Медуза“ од Бернини.[1] Архивирано на 13 ноември 2007 г.
- Колос на Константин
-
Медуза од Бернини
-
Капитолска Венера
-
Галерија
-
Галерија
Наводи
[уреди | уреди извор]![]() |
„Капитолски музеи“ на Ризницата ? |
- Официјална страница на Капитолските музеи Архивирано на 15 ноември 2006 г.
- Истражувачка страница на Капитолските музеи Архивирано на 6 јануари 2002 г.
|