Графика
![](http://upload.wikimedia.org/wikipedia/commons/thumb/5/58/Adam_Eva%2C_Durer%2C_1504.jpg/220px-Adam_Eva%2C_Durer%2C_1504.jpg)
Графика (γραφω; пишувам, гребам) е една од ликовните дисциплини. Нејзините основни изразни средства се: линијата, површина, густината на бојата. Главниот и основен принцип во графиката е балансот помеѓу црното и белото. Графиката може да биде и во боја, но сепак, акцентот не е во колоритот како во сликарството. Изразните мотиви и претстави во графиката се со истиот опсег и содржина како и во останатите ликовни техники.
Историја
[уреди | уреди извор]Почетоците на графиката датираат уште од палеолитот забележани во првобитните живеалишта - пештерите.
Вистински процут на графиката во Европа доживува во средниот век. Најзначајните графички уметнички дела се откриваат во творештвото на: Албрехт Дирер, Петер Паул Рубенс, Рембрант Херменсон ван Рајн, а подоцна кај Франциско Хосе де Гоја, Оноре Домје, Анри де Тулуз-Лотрек, Винсент ван Гог, Пабло Пикасо. Денес, графиката е меѓу позначајните ликовни медиуми, која по постапката и начинот на реализацијата се развива во најразлични изразни и технолошки форми.
На Исток, особено во Кина и Јапонија графиката има многу подолга традиција. Првите печатени дела во Кина датираат од крајот на 2 век. Изработката на графиката во овие две земји е донесена до совршенство, особено со педантноста, студиозноста, прецизноста и сложената занаетчиска постапка која обединува и печатење на графики во боја.
Видови на графики
[уреди | уреди извор]Поделбата на графиките, зависи од начинот на нивното печатење како и техниката и технологијата за нејзиното реализирање. Во суштина постојат три методи за реализација на графичкото дело:
Техника на висок печат
[уреди | уреди извор]Оваа техника на висок печат е обработка на плочата - матрицата на која што линиите и формите што сакаме да ги втиснеме на хартијата се на површината од матрицата а оние што не треба да бидат отпечатени, втиснати се под површината на матрицата.
Техника на длабок печат
[уреди | уреди извор]Оваа техника подразбира - цртежот што сакаме да го втиснеме на хартијата од матрицата да се врежува во плочата. При печатењето, површината на плочата останува чиста и без боја, а врежаните линии и форми се исполнети со боја која потоа се втиснува на хартијата. За графички подлоги, матрици, вообичаено се користат плочи од бакар, цинк, алуминиум, плексиглас. Цртежите се внесуваат на два начина: механички или хемиски.
- Бакрорез[3]
- Мецотинта[4]
- Сува игла[5]
- Бакропис[6]
- Акватинта[7]
- Мека превлака[8]
- Резерваж[9]
- Колаграфија[10]
Техника на рамен печат
[уреди | уреди извор]Техниката на рамен печат подразбира печатење на цртежот и формите преку рамна плоча.
Галерија
[уреди | уреди извор]![](http://upload.wikimedia.org/wikipedia/commons/thumb/7/7c/Jean-Baptiste_Le_Prince%2C_Le_Berceau.jpg/205px-Jean-Baptiste_Le_Prince%2C_Le_Berceau.jpg)
![](http://upload.wikimedia.org/wikipedia/commons/thumb/9/9b/Goya_War3.jpg/205px-Goya_War3.jpg)
Литература
[уреди | уреди извор]- Матко Паиќ, „Пристап кон ликовното дело“, Загреб, 1968
- „Графики мал формат и останати техники“ - Клер Хено, 10 Порт Ројал[15].
Надворешни врски
[уреди | уреди извор]- Les procédés de gravure Архивирано на 2 јули 2019 г.
- Petit lexique des techniques de l'estampe Архивирано на 17 септември 2019 г.
![]() |
„Графика“ на Ризницата ? |
- ↑ Woodcut in Art
- ↑ What is a Linocut
- ↑ bakrorez
- ↑ Mezzotinta
- ↑ „SUHA IGLA“. Архивирано од изворникот на 2019-09-28. Посетено на 2019-10-01.
- ↑ bakropis
- ↑ Ofort ja akvatinta
- ↑ „graficke-tehnike“. Архивирано од изворникот на 2019-09-17. Посетено на 2019-10-01.
- ↑ Резерваж
- ↑ „архивски примерок“. Архивирано од изворникот на 2019-09-28. Посетено на 2019-10-01.
- ↑ Les techniques de l'estampe
- ↑ Hectographs
- ↑ Screen Printing
- ↑ What is Photolithography
- ↑ „Estampes“ (PDF). Архивирано од изворникот на 2016-06-01. Посетено на 2019-10-01.