Јован Кировски

Јован Кировски
Кировски (лево, со Кајл Бекерман) во април 2007
Лични податоци
Полно име	Јован Кировски
Роден на	18 март 1976(1976-03-18)
Роден во	Ескондидо, Калифорнија, САД
Висина	&100000000000001850000001,85 м
Позиција	Напад
Младинска кариера
1992	Манчестер Јунајтед
Кариера*
Години	Клуб	Наст.	(Гол.)
1993–1996	Манчестер Јунајтед	0	(0)
1996–2000	Борусија Дортмунд	20	(1)
1998–1999	→ Фортуна Келн (позајм)	23	(2)
2000–2001	Спортинг Лисабон	5	(0)
2001–2002	Кристал Палас	36	(5)
2002–2004	Бирмингем	23	(2)
2004–2005	Лос Анџелес Галакси	48	(12)
2005–2008	Колорадо Рапидс	61	(12)
2008	Сан Хосе Ертквејкс	9	(0)
2009–2011	Лос Анџелес Галакси	56	(6)
Вкупно		281	(40)
Репрезентација
1996	САД 23	3	(1)
1994–2004	САД	62	(9)
Тренер на екипи
2012–	Лос Анџелес Галакси (асистент)

Јован Кировски (роден на 18 март 1976 година во Ескондидо, Калифорнија) — американски фудбалер со македонско потекло кој моментално работи како асистент тренер во Лос Анџелес Галакси.

Клупска кариера

Во 1992, Кировски се приклучил на младинскиот состав на Манчестер Јунајтед и со тоа стана првиот Американец кој заиграл во тој клуб. Откако не добил работна дозвола во Премиер лигата, во 1996 тој потпишал за германскиот Бундеслигаш Борусија Дортмунд во кој поминал четири сезони. Во сезоната 1998/99 тој бил позајмен на второлигашот Фортуна Келн.

Во 2000 година Кировски потпишал за португалскиот Спортинг Лисабон, но повторно, не останал долго време во клубот, и после две сезони се вратил назад во Англија во екипата на Кристал Палас. Во 2002, тој потпишал за Бирмингем, но после сезона и пол заминал во САД потпишувајќи за Лос Анџелес Галакси. На 23 јануари 2012, Кировски се повлекол од фудбалот како играч, но останал како тренер во истиот фудбалски клуб.

Меѓународна кариера

Кировски дебитирал за американскиот состав на 18-годишна возраст на 19 октомври 1994 против Саудиска Арабија. Тој бил дел од репрезентацијата на САД на Летните олимписки игри во 1996 како и на Купот на конфедерации во 1999 и 2003.

Тренерска кариера

Веднаш после неговото повлекување, Кировски станал помошен тренер на Лос Анџелес Галакси.. Во 2013 клубот го назначил за технички директор.