Islam di Japang
![](http://upload.wikimedia.org/wikipedia/commons/thumb/0/00/Tokyo_Camii.jpg/200px-Tokyo_Camii.jpg)
Islam di Japang biasonyo dianut dek urang Turki, Arab, Melayu, jo Indonesia nan malakukan studi atau bakarajo di Japang.[rujuakan?] Islam dalam bahaso Japang adolah イスラム教 (bahaso Japang: isuramukyou)
Sijarah
[suntiang | suntiang sumber]Antaro 1877 jo Parang Dunia II
[suntiang | suntiang sumber]Hubuangan Islam jo Japang ini dikatoan masih baru jikok dibandiangkan hubuangan agamo iko jo nagara-nagara nan lain di saluruah dunia.
Indak ado etongan nan nyato tantang hubuangan-hubuangan antaro agamo Islam jo Japang atau carito sajarah tantang Islam di Japang malalui panyabaran agamo, salain babarapo hubuangan nan tasuruak antaro panduduak-panduduak Japang jo urang-urang Muslim dari nagara lain sabalun taun 1868.
Agamo Islam dikatahui untuak partamo kali dek panduduak Japang pado taun 1877 sabagai sabagian pamikiran agamo barat dan pado sakitar taun itu, kahidupan Nabi Muhammad ditajamahan dalam bahaso Japang. Iko mambantu agamo Islam manampekan diri dalam pamikiran intelek urang Japang, tapi hanyo sabagai ciek pangatahuan jo pamikiran.
Hubuangan nan pantiang lain dibuek pado taun 1890 katiko Turki Usmaniyah mangirim utusan nan manompang sabuah kapa nan dinamokan "Ertugrul" ka Japang untuak tujuan manjalin hubuangan karajosamo antaro kaduo nagara sarato untuak saliang mampakenalkan urang Muslim jo urang Japang. Kapa nan mambaok 609 urang panumpang dalam palayaran pulang ka nagaranyo tabanam sarato 540 panumpang tewas.
Duo urang Japang Muslim partamo nan dikatahui iyolah Mitsutaro Takaoka nan mamaluak Islam pado taun 1909 jo maambiak namo Omar Yamaoka sasudah manunaikan haji di Makah, sarato Bumpachiro Ariga nan pado wakatu nan labiah kurang samo alah pai ka India untuak badagang nan kudian mamaluak Islam di bawah pangaruah urang-urang Muslim di sinan sarato maambiak namo Ahmad Ariga. Bagaimanopun, kajian-kajian iko alah mambuktikan bahwa saurang Japang nan dikana sabagai Torajiro Yamada mungkin marupoan urang Japang Muslim nan patamo katiko inyo malewati nagara Turki disebabkan turuik badukocito jo korban tewas dalam kacelakaan mauik Ertugrul. Inyo maambiak namo Abdul Khalil sarato pai ka Makah untuak naiak haji.
Bagaimanapun, kahidupan komunitas Muslim nan bana indak bamulo sahinggo baratuih-ratuih palarian Muslim Turki, Uzbekistan, Tajikistan, Kirghizstan, Kazakhstan dan Tatar Turki nan lain dari Asia Tangah jo Rusia, pangaruah Revolusi Bolshevik katiko Parang Dunia I. Urang-urang Muslim nan diagiah palinduangan di Japang manatap di babarapo palabuahan utamo di sakitar Japang sarato mandirikan komunitas-komunitas Islam. Sagalintia urang Japang mamaluak Islam malalui hubuangannyo jo urang-urang Muslim iko.
Malalui pambantuakan komunitas-komunitas Muslim iko, babarapo buah musajik alah didirikan. Musajik nan paliang utamo di antaronyo iolah Musajik Kobe nan didirikan pado taun 1935, jo Musajik Tokyo nan didirikan pado taun 1938. Bagaimanapun, urang Japang Muslim indak maambiak bagian dalam pangalolaan musajik-musajik ko dan indak ado urang Japang nan manjadi imam, jo pangacualian Syaikh Ibrahim Sawada, imam pada Ahlulbayt Islamic Centre di Tokyo.[1]
Satalah Parang Dunia II
[suntiang | suntiang sumber]![](http://upload.wikimedia.org/wikipedia/commons/thumb/8/8d/Kobe_mosque01_2816.jpg/250px-Kobe_mosque01_2816.jpg)
Katiko Parang Dunia II, salah satu "Ledakan Islam" dimulai dek kalompok militer di Japang malalui pandirian pusat-pusat studi untuak mangkaji Islam jo Dunia Muslim. Pilot-pilot tampua Japang nan pai ka nagara-nagara Asia Tenggara sabagai tentara samaso Parang Dunia II diajakan untuak mangucapkan "La ilaha illa Allah" digunokan katiko pesawat-pesawat inyo ditembak jatuah di kawasan-kawasan iko supayo inyo indak dibunuah. Sabuah pesawat Japang alah dikataoan ditembak jatuah jo pilotnyo diamankan dek panduduak satampek. Apobila pilot itu mengucap kato-kato "ajaib" itu, mereka maraso terharu katiko panduduak-panduduak itu baubah sikap taadoknyo, jo mampalakukannyo jo baik. Alah dikatoan bahwa pado wakatu tu, labiah dari 100 buah buku jo jurnal mangenai Islam alah ditabikan di Japang. Bagaimanapun, pusek-pusek pangkajian iko samo sakali indak dikatuai atau diurus dek urang-urang Muslim jo tujuannyo bukan untuak panyebaran Islam. Tujuan nan sabananyo adolah untuak manambah wawasan militer jo pangatahuan nan diparaluan manganoi Islam jo urang Muslim karano tadapek komunitas-komunitas Muslim nan gadang di kawasan-kawasan nan diduduki dek angkatan militer Japang di nagara RRT jo nagara-nagara Asia Tenggara. Dek karano itu, jo barakhianyo parang pado tahun 1945, pusek-pusek pangkajian iko mailangan samo sakali.
Ado ciek lai "Ledakan Islam", kali iko salapeh krisis minyak 1973. Media massa Japang alah maagiah panabikan nan gadang tentang Dunia Muslim, jo khususnyo ka Dunia Arab, akan pentingnyo nagara-nagara iko taadok ekonomi Japang. Jo panabikan iko, banyak urang Japang nan indak mampunyoi secuil pangatahuan tentang Islam mampunyoi paluang untuak malek rukun Islam ka-5, Haji di Makah sarato untuak mandanga panggilan Azan (panggilan Islam untuak Shalat) jo pambacoan Al-Quran. Salain itu banyak urang Japang nan mamaluak Islam sacaro tarang-tarangan katiko itu, tadapek juo banyak upacara Islamisasi massal nan tadiri dari bapuluah-puluah ribu urang. Bagaimanapun, salapeh krisis minyak selesai, kabanyakan pamaluak Islam Japang maninggaan agamo itu. Urang-urang Turki marupoan komunitas Muslim nan paliang gadang di Japang hinggo akhia-akhia iko.[rujuakan?]
Era Modern
[suntiang | suntiang sumber]Pado maso kini ko katiko Japang manjadi salah satu tujuan pandidikan, usahojo wisata nan populer, banyaknyo urang nan karajo, pelajar jo wisatawan muslim turuik mampangaruahi pakambangan Islam disinan. Minister Sato, Wakil Duta Besar untuak Indonesia manyatoan: "Di Japang pado taun saribu sambilan ratuih tigo puluahan (1930-an), hanyo ado duo masajik, namun kini ko alah tadapek labiah dari saratuih musajik. Masyarakat Islam nan ado di Japang, paliang banyak urang Indonesia, kamudian urang Pakistan, Bangladesh, jo Iran. Pusek Islam jo Asosiasi Muslim Japang di Tokyo manjadi pusat studi Islam jo Bahaso Arab bagi warga Japang, nan banyak manarik paratian warga mudo Japang. Akumulasi dari babagai usaho nan ketek saparti iko, dapek maagiah andil bagi dunia nan labih damai."[2]
Bandara-bandara internasional di Japang bausaho manjadi labiah ramah ka umaik Islam jo manyadioan fasilitas jo ruang ibadah di tangah kanaikan tajam pangunjuang dari dunia Islam manyusul kalonggaran dari pamarintah Japang tentang peraturan untuak mangaluaan visa pado Juli 2013.[3]
Kyoto, barencana juo manjadi kota nan ramah taadok muslim. Pasca pambebasan visa pado Juli 2013, jumlah pangunjuang muslim asal Malaysia ka Japang maningkek jo mandorong pamarintahan di Kyoto mancari caro untuak mamanuahi kabutuhan inyo. Kyoto mamiliki kalompok studi di bawah Asosiasi Muslim Kyoto. Asosiasi nan tagak sajak taun 1987 iko mausahoan supayo muslim dapek mangunjuangi musajik jo baibadah di dalamnyo, manyadioan ruangan jo patunjuak arah kiblat, maagiah juo informasi takait tampek-tampek makan halal nan di Kyoto.[4][5]
Pasatuan Muslim Japang
[suntiang | suntiang sumber]Sarangan Japang taadok Chino jo nagara-nagara Asia Tenggara samaso Parang Dunia II maasiakan hubuangan-hubuangan antaro urang-urang Japang jo urang-urang Muslim. Inyo nan mamaluak agamo Islam malalui hubuangan-hubuangan itu kamudian maasaskan Persatuan Japang Muslim di bawah pimpinan Allahyarham Sadiq Imaizumi pado taun 1953. Persatuan tersebut iolah organisasi Japang Muslim nan pertama.
Katua kaduo pasatuan iko iolah Allahyarham Umar Mita. Mita marupoan urang Islam nan tipikal bagi generasi tuonyo nan mampalajari Islam di wilayah-wilayah nan diduduaki dek Kakaisaran Japang. Malalui hubuangan-hubuangannyo jo urang-urang Cino Muslim, inyo mamaluak Islam di Beijing. Saat Mita baliak ka Japang salapeh parang, inyo manunaikan haji, jo marupoan urang Japang patamao sasudah paperangan untuak babuek demikian. Mita mambuek juo tajemahan Al-Quran bahaso Japang untuak patamo kali. Dek itu, hanyo salapeh Parang Dunia II baru tadapek sabuah komunitas di Japang.
Urang Japang Muslim
[suntiang | suntiang sumber]Indak tadapek sensus nan bisa diliek tentang bilangan urang Japang Muslim di Japang. Sabagian urang manyatoan bahwa bilangannyo hanyo dalam babarapo ratuih. Katiko ditanyo, Abu Bakr Morimoto manjawek, "Bakato jujur, hanyo saribu. Dalam pangartiannyo nan paliang umum, jiko awak mamasuakkan mereka nan mamaluak Islam tatapi indak mangamalkan agamo iko, umpamonyo hanyo untuak perkawinan, bilangannyo mungkin dalam babarapo ribu.".
Tatapi tadapek juo kalamahan dari segi urang-urang Islam Japang nyo juo. Tadapek pabedaan orientasi antaro generasi nan tuo jo generasi nan baru. Bagi generasi nan tuo, Islam disamoan jo urang Islam Malaysia, Indonesia, China, dan sabagainyo. Tatapi bagi generasi baru, nagara-nagara Asia Tenggara indak baaitu menarik hati disababkan orientasi barat inyo dek itu, inyo labiah dipangaruhi dek Islam di nagara-nagara Arab.
Katiko malewati nagara-nagara Muslim, kata-kata bahwa urang-urang Muslim Japang adolah kumpulan agamo minoritas sairiang manimbuakan masalah daripado para hadirin, "Barapokah jumlah urang Muslim di Japang?" Jawaban iko adolah: "Satu daripado saratuih ribu."
Dakwah di Japang
[suntiang | suntiang sumber]Statistik manunjuakkan bahwa di sakitar 80% dari jumlah panduduak Japang adolah panganuik Buddha atau Shinto, sadangkan Islam hanya 0,095% atau hanya bajumlah 121.062 urang. Bilangan pandakwah nan bapotensi dalam komunitas Muslim di Japang masih saketek, nan tadiri dari para pelajar dari babagai jinih pekerjaan nan batumpu di kota gadang saparti Hiroshima, Kyoto, Nagoya, Osaka jo Tokyo.
Tadapek keperluan nan lanjuik untuak urang-urang Muslim batahan dari tekanan-tekanan jo godaan-godaan gaya iduik modern nan labiah manggoda. Urang-urang Muslim maadoki juo kasulitan taadok komunikasi, parumahan, pandidikan anak, makanan halal, sarato kasusasteraan Islam, jo saholah iko maalangi kagiatan-kagiatan dakwah di Japang.
Tanggapan salah taadok ajaran Islam nan dikenalan dek media-media barat paralu diluruihan jo caro nan labiah rancak nan maambiak kira ciri penting masyarakat Japang sabagai salah satu nagara nan paliang indak buto huruf di dunia. Bagaimanapun, disebabkan pasebaran urang Muslim nan saketek bana, tajemahan Alquran dalam bahaso Japang indak mudah didapati. Hampia indak adonyo kasusasteraan Islam di dalam toko-toko buku atau perpustakaan-perpustakaan umum, kacuali babarapo esai jo buku dalam bahaso Inggirih nan dijua pado harago nan kurang tajangkau.
Dek itu, indaklah mangajuikan untuak mandapati bahwa pangatahuan urang awam Japang tentang agamo Islam hanya diadaokan kapadp babarapo istilah nan bakaitan djo poligami, Sunni jo Syiah, Ramadhan, Haji, Nabi Muhammad, jo Allah. Jo kesan-kesan nan samakin tarang tentang kasadaran kewajiban komunitas-komunitas Islam sarato panilaian nan rasional, Umat Muslim alah manunjuakkan tanggungan nan labiah kuek taadaok palaksanaan kagiatan-kagiatan dakwah jo caro nan labiah teratur.
Rujuakan
[suntiang | suntiang sumber]- ↑ "Alquran 10". Alquran2007.com. Diarsipkan dari versi asli tanggal 2012-02-13. Diakses tanggal 2010-05-02.
- ↑ "Ceramah oleh Minister Sato, Wakil Duta Besar untuk Indonesia "Hubungan Islam dan Jepang"". www.id.emb-japan.go.jp. Diakses tanggal 2014-01-05.
- ↑ "Airports in Japan striving to become friendlier to Muslims". http://asia.nikkei.com. 2013-12-22. Diarsipkan dari versi asli tanggal 2013-12-31. Diakses tanggal 2014-01-11. Hapus pranala luar di parameter
|publisher=
(bantuan) - ↑ "archive copy". Diarsipkan dari versi asli tanggal 2014-01-11. Diakses tanggal 2021-03-11.
- ↑ "Kyoto aims to be Muslim-friendly city". www.japantimes.co.jp. 2013-12-22. Diakses tanggal 2014-01-11.
Pautan lua
[suntiang | suntiang sumber]- Ceramah tentang Hubungan Islam dan Jepang oleh Wakil Duta Besar Jepang untuk Indonesia
- Islam-Soalan Lazim Jepang Archived 2006-09-05 di Wayback Machine. – tapak web Islam Jepang yang memberi daftar yang menyeluruh mengenai rujukan dan sumber Islam dalam bahasa Jepang.
- Islamic Website Jepang – web Islam Jepang yang terkenal.
- Pusat Islam Jepang Archived 2009-08-04 di Wayback Machine.