Lengua russa
{{{nom}}} ({{{nom nativ}}}) | |
---|---|
Oltre denominazion : | |
Parlada in : | |
Rejon : | |
Parlants : | |
Ranking : | 8 (maderlengua) |
Classifegazion jenetega : | {{{fameia}}} |
status ofiçal | |
Lengua ofiçala de : | {{{nazion}}} |
Regolad de : | {{{regolad}}} |
codex de la lengua | |
ISO 639-1 | ru |
ISO 639-2 | rus |
ISO 639-3 | {{{iso3}}} |
SIL | rus |
varda anca: lengua |
![](http://upload.wikimedia.org/wikipedia/commons/thumb/7/7f/Ru%C5%A1tina_ve_sv%C4%9Bt%C4%9B.svg/220px-Ru%C5%A1tina_ve_sv%C4%9Bt%C4%9B.svg.png)
El russ (nòmm nativ русский язык, russkij jazyk ['ru.skʲɪj jɪ.'zɨk] sculta (Jutt·infurmaziòn)) l'è ona lengua indo-europea che la fà part di lengov slav orientai. El russ l'è putòst spantegaa, anca per via del sò status de lengua franca in de l'Union Sovietica, e l'è parlaa da pressapòch 180 million de person coma lengua mader, e da alter 120 million coma seconda lengua. L'è ona lengua offizial in Russia, Bielorussia, Kazakistan, Kirghizistan, Tagikistan, in de la region moldava de la Gagauzia, e in di staa minga recognossuu internazionalment de l'Abcasia, Ossezia del Sud, e de la Transnistria. L'è minga offizial ma parlaa de tant anca in de l'Ucraina, in Lettonia, in Estonia e on poeu anca in tucc i alter nazion ch'eren part de l'Union Sovietica o del Patt de Varsavia. L'è l'ottava lengua al mond per numer de parlant maderlengua e la sèttima pussee parlada in tutt.
I lengov pussee sumejant a hinn l'ucraínn e 'l bieloruss, ch'insèma al russ fann su el grupp di lengov slav orientai.
Caratteristiga del russ l'è la distinzion intra i fonem consonantegh palatalizzaa e minga palatalizzaa, i primm ciamaa consonant mòll (мягкие согласные, mjágkije soglásnyje) e i alter ciamaa consonant dur (твёрдые согласные, tvjórdyje soglásnyje). Questa distinzion chi la se troeuva per quasi tucc i consonant e l'alternazion di duu tip de consonant l'è important in la morfologia. El russ el gh'ha cinch vocai (ses, se la vocal <ы> [ɨ] l'è minga considerada coma on allòfon de <и> [i]) ch'hinn faa differentement a seconda de la posizion de l'accent tonegh, posizion minga prevedibil e minga scrivuda, foeura di cas dova l'è necessaria ona distinzion tra duu paròll, coma му´ка (múka, dolor) e мука´ (muká, farina).