Castilia
![](http://upload.wikimedia.org/wikipedia/commons/thumb/e/ea/Provinzen_kastilien.svg/297px-Provinzen_kastilien.svg.png)
Castilia (en espaniol Castilla) es un rejion istorial espaniol no multe bon definida . On ave consetas e definis diferente de Castilia, e par causa ce oji no ave reconose ofisial, lo no ave fronteras clar definida. Istorial, la Rena de Castilia ia ocupa la area. A pos la rena ia uni con sua renas visina deveninte la Corona de Castilia e, a pos, la Rena de Espania cuando lo ia uni con la Corona de Aragon e la Rena de Navara, la defini de Castilia ia comensa cambia. Sua capital istorial es Burgos. Oji, on usa esta nom per defini la rejion composada de la comunias autonom de Castilia e Leon, Castilia-La Manga e Comunia Madrid. Castilia ueste e Leon, Albacete, Cantabria e Rioja es frecuente incluida en la defini, e esta es controversa par causas istorial e la senti forte de identia cultural unica de esta rejiones.
Etimolojia
[edita | edita la fonte]Castilia (nomida en la prima documentos en espaniol antica como Castella o Castiella) sinifia, seguente sua etimolojia, "tera de casteles". La istoristes arabi ia nomi lo Qashtāla قشتالة e sua nome ave la defini de "tera semida de casteles". La terma ta veni de la latina castellum, diminutiva de la terma castrum, fortres de la Iberia preroman. La prima usa de la terma Castilla ia es en 15 setembre 800, en un documento apocrifa de la oji desapareda monceria de Santa Emerterio de Taranco de Mena, locada en la Vale de Mena, a norde de la provinsia de Burgos. La nom de Castilla apare en un documento notarial par cual la abade Vitulo ia dona alga teras. En esta documento apare scriveda:
Bardulia quae nunc vocatur Castella
Bardulia cual oji es nomida Castilia