Akre
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
|
Akko, en ivrit, llamada Akka en turko i arabo, i Akre en lingua djudeo-espanyola, es una sivdad ala beira de la Mar Mediterraneo, serkana a la sivdad de Haifa. Se topa enel Distrito Nord de Israel. Durante la Tresera Krusada era yamada "San Juan de Akre".
Istorya
[trocar | trocar el manadero]Es una de las sivdades ma antikas del mundo i se kree ke fue fondada serka del anyo 1500 A.E.K. Enel anyo 700 A.E.K. la sivdad kedo basho el kontrolo de los asiryos. Enel anyo 332 A.E.K la sivdad iva pasar a formar parte del emperio de Aleksandro Magno. El Rey de Ayifto Ptolomeo II Filadelfo konkisto la sivdad en el syeklo II A.E.K. i troko el su nombre para la sivdad ser yamada Ptolemaïs.
Diskues de ke el Imperio Romano se iva separar en Imperio Romano de Oryente i en Emperio Romano de Oksidente, Akre kedo arientro del Emperio de Oryente, ke diskues era yamado el Imperio Bisantino.
Enel anyo 638 la sivdad kedo basho kontrolo de los arabos. Diskues la fueron konkistando otros puevlos: Balduino I de Yerushalayim en 1104; Saladino I, sultan de Ejipto i Surya la rekonkisto en 1187, ma poko dempues, enel anyo 1191 kedo en manos de los krusados (en la Tresera Krusada) i fue antonses kuando le trokaron el nombre a San Juan de Akre. Berenguela de Navarra bivio en la sivdad mientras el su espozo, Rikardo Korason de Leon gerreyava en kontro de los sarrasenos.
Enel anyo 1291, los sarrasenos akosaron la sivdad, ke tuvo ke rendirse.
Enel anyo 1517, yegan los turkos, los kualos tomaron la sivdad.
Enel anyo 1799, el almirante britaniko William Sidney Smith kodro una aliansa entre el Reyno Unido i el Emperio Ottomano en kontro de la invasion franseza en Ayifto. Aislado en Oryente desde la viktorya britanika de Abukir, Napoleon Bonaparte trata de desvelopar una revelion surya en kontro de los turkanos i, empesando el 20 de Marso, somete Akre a un sitio de dos meses ke, finalmente, iva tenerke deshar el 21 de Mayo. La sivdad antonses ottomana, kon adjuda de los britanikos, pasa a ser la unika ke Napoleon trato de konkista, ma no pudo.
Enel anyo 1918, los inglezes se apoderan de Akre. Dempues de la fraktura del Emperio Ottomano, Akre keda komo parte de la Palestina basho kontrolo de Gran Bretanya.
El 4 de Mayo de 1947 munshos prezos djudios ke ivan perteneser a grupos zionistas se escapan de la prizion de Akre.
El 17 de mayo de 1948, en la Gerra de Independensia de Israel, huersas de la Hagana toman Akre, ke va kedar finalmente komo parte del estado djudio. Komo konsekuensia de la gerra, Akre pierde tres katrenas partes de la su povlasion araba. Desde antonses Akre es renombrada kon el su nombre ebreo, Akko.
Oy endia Akre dezvelopa una emportante aktividad endustrial en asero. Tiene endemas una buena flota de naves pishkadoras i endemas es sivdad turistika.
Akre es una de las sivdades misturadas de Israel, en las kualas una mayoria de djudios i una menoria de arabos biven en paz, ansina komo Ramla, Lod, Haifa i Yerushalayim i otras povlasiones chikas.
![](http://upload.wikimedia.org/wikipedia/commons/thumb/2/21/Puertoakko.jpg/500px-Puertoakko.jpg)
![](http://upload.wikimedia.org/wikipedia/commons/thumb/4/4f/%D7%A2%D7%9B%D7%95_%D7%9E%D7%91%D7%98_%D7%9E%D7%93%D7%A8%D7%95%D7%9D.jpg/304px-%D7%A2%D7%9B%D7%95_%D7%9E%D7%91%D7%98_%D7%9E%D7%93%D7%A8%D7%95%D7%9D.jpg)
Sin embargo, el 8 de Oktobre de 2008 afito en Akre una serie de enfrentamientos entre arabos i djudios ke eskaparon el 10 de Oktobre. Los enfrentamientos empesaron la noche de Yom Kippur, kuando el otomobil de un arabo i el su ijo eran atakados por un grupo de mansevos djudios, los kualos akusaron a los arabos de azer barulyo kon intension en midio de la fiesta djudia. El arabo aresivio adjudo de un grupo de mansevos arabos, lo ke empeso una pelea. Kuando se yego a eskuchar por toda la sivdad de ke un arabo iva ser amortado, sienes de arabos i djudios salieron a las kalejas, destruyendo merkatos i arabas, i lansando pyedras entre grupos. El governo uzo unos 700 polisias para amatar los enfretamientos, ke desharon tres feridos. El presidente yisraeliano Shimon Peres demando kalma a los vezinos i politikos de la sivdad, tanto arabos komo djudios.[1][2]
Arte
[trocar | trocar el manadero]La Sivdad vieja de Akre es Patrimonio Mondial de la Umanidad desde el anyo 2001. Una de las sus fraguas mas konosidas es la Mishkita de Djezzar Pasha (syeklo XVIII).
Ver endemas
[trocar | trocar el manadero]Sivdades Ermanadas
[trocar | trocar el manadero]Pisa, Italia
Bregenz, Austria
Canton, Ohio, Estatos Unitos d'Amerika
Deerfield Beach, Florida, Estatos Unitos d'Amerika
Recklinghausen, Almania
Bielsko-Biała, Polonia
Referensias
[trocar | trocar el manadero]- ↑ Despliegue policial en ciudades judeo-árabes de Israel por disturbios en Acre. Yahoo! Noticias México
- ↑ Vuelve la calma a San Juan de Acre después de tres días de violencia. EcoDiario.es.
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.