Thaddaeus Zieliński
![Thaddaeus Zieliński: imago](http://upload.wikimedia.org/wikipedia/commons/thumb/e/e1/Tadeusz_Zieli%C5%84ski_poczt%C3%B3wka_%28cropped%29.jpg/150px-Tadeusz_Zieli%C5%84ski_poczt%C3%B3wka_%28cropped%29.jpg)
Obitus: 8 Maii 1944; Schondorf am Ammersee
Patria: Imperium Russicum, Second Polish Republic
Thaddeus Stephanus Zieliński (Polonice Tadeusz Stefan Zieliński; Russice Фаддей Францевич Зелинский, tr. Faddej Francevič Zelinskij), qui dicitur etiam Eheu (in familia nobili Polonica natus die 14 Septembris 1859 in vico Skrypcynci apud Umanam[1] tunc gubernii Kioviensis Imperii Russici et nunc regionis Circassiensis Ucrainae – mortuus est die 8 Maii 1944 in Schöndorf Bavariae superioris) fuit scriptor, philologus et antiquitatis studiosus Russicus et Polonicus.
Vita et opera
[recensere | fontem recensere]Thaddeus Zieliński, alumnus Universitatis Lipsiensis, anno 1880 in hac universitate gradum doctoris philosophiae pro dissertatione sua de annis ultimis secundi belli Punici obtinuit. Anno 1883 dissertationem pro gradu magistri in Universitate Petropolitana defensit et factus est privatim docens in facultate historico-philologica universitatis illius. Anno 1887 dissertationem de comoedia Atticae antiquae pro gradu doctoris philologiae classicae in Universitate Dorpatensi defensit. Autumno eiusdem anni professor extraordinarius et anno 1890 professor ordinarius cathedrae philologiae classicae Universitatis Petropolitanae factus est, annis ab 1906 ad 1908 etiam decanus facultatis historico-philologicae ibi fuit. Anno 1893 socius correspondens Academiae Scientiarum Petropolitanae electus, ab extremo anno 1916 eius socius honoratus fuit. Res novas Russiae anni 1917 damnavit, et anno 1918 in rem publicam Polonicam sui iuris venit, ubi ad officium professoris et praefecti cathedrae philologiae classicae Universitatis Varsoviensis invitatus fuit. Quum anno 1920 in Russiam revenit, anno 1922 terram illam in perpetuum modum liquit et in Poloniam emigravit, ubi denuo in Universitate Varsoviensi favebat operi. Anno 1933 socius Academiae Litterarum Polonicae electus est. Anno 1939, Universitate Varsoviensi secundi belli mundani causa dissoluta, Zieliński in Bavariam ad filium suum movit, ubi ad mortem suam colebat.
Plus quam 800 opera scientifica (praesertim de litteris Graecis et Latinis et religionibus Aevi Classici) Russice, Polonice, Theodisce et Latine scripsit et in lucem edidit. Etiam opera Ciceronis, Ovidii, Sophoclis et Titi Livii in Russicam interpretavit.
Notae
[recensere | fontem recensere]- ↑ J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
Lege etiam
[recensere | fontem recensere]- Biogramy uczonych polskich, Część I: Nauki społeczne, zeszyt 3: P-Z (pod redakcją Andrzeja Śródki i Pawła Szczawińskiego), Ossolineum, Cracoviae 1985
- Mała encyklopedia kultury antycznej (pod redakcją Kazimierza Kumanieckiego, Kazimierza Michałowskiego i Lidii Winniczuk), Państwowe Wydawnictwo Naukowe, Cracoviae 1990 (wydanie VII)
- R. Zaborowski, Tadeusz Zieliński (1859-1944) - sa vie et son œuvre in: Annales du Centre Scientifique à Paris de l’Académie Polonaise des Sciences 12, 2009, pp. 207-222 [on line: https://web.archive.org/web/20120314205410/http://www.academie-polonaise.org/images/stories/pliki/PDF/Roczniki/R12/zaborowski.pdf]
Nexus externi
[recensere | fontem recensere]![]() |
Lexica biographica: • Deutsche Biographie • Большая российская энциклопедия • • Teuchos |
- Viri
- Nati 1859
- Mortui 1944
- Philologi Poloniae
- Philologi Russiae
- Incolae Imperii Russici
- Alumni Universitatis Lipsiensis
- Alumni Universitatis Monacensis
- Alumni Universitatis Vindobonensis
- Interpretes Graeco-Russici
- Interpretes Latino-Russici
- Professores Universitatis Petropolitanae
- Professores Universitatis Varsoviensis
- Socii Academiae Scientiarum Borussicae
- Socii Academiae Scientiarum Russicae