Mariopolis

Haec commentatio rem de regionibus Ucrainicis a Foederatione Russica annexis tractat. Non omnes notiones de Ucraina subiugata sunt accessibiles, et illae accessibiles possunt e propaganda oriri.

Vide etiam paginam discretivam: Mariopolis (discretiva).

Mariopolis^[1], vulgo Mariupol' (Ucrainice Маріуполь), est urbs circiter 500 000 incolarum et magnus portus ad Paludem Maeotidem in regione Donetskensi Ucrainae (Re Publica Populari Donetskensi) sita. In ostio Istriani fluvii iacet. Multi locutores linguae Graecae Ponticae Mariopolim incolunt.

Mariopolis est urbs artibus dedita, praecipue metallurgiae et machinis fabricatis.

Historia

Adamacha vel Domacha Cosacorum Zaporoviensium castellum loco Mariopolis erat. Non satis clarum est, an Baly Sarai urbs Tarttariae Minoris hoc loco vel alio propinquo situa erat. Anno 1778 Paulopolis (Pavlovsk, Pavlograd) urbs Russica hic aedificari coepit; anno 1779 Mariopolis nomen accepit (in honorem Mariae Theodori filiae, Pauli imperatoris uxoris). Anno 1780 Graeci orthodoxi e Tartaria Minore deducti hic collocati sunt. Circuli gubernii Asoviensis Mariopolis caput erat. Bello Crimaeano destructa erat. Ferrivia anno 1882 aedificata. Saeculo XIX exeunte permultae fabricae metallis producendis Mariopoli construebantur. Annis tricesimis saeculo XX Azovstal' fabrica maxima chalybi producendo in litore marino ad ostium Istriani fluvii construebantur (anno 2022 destructa). Annis ab 1948 ad 1989 nomen Andreae Ždanov coenonistae urbs ferebat.

Per incursionem Russicam in Ucrainam anno 2022, Mariopolis atrociter et saevissime oppugnabatur.^[2]

Notae

↑ Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 510. Pleniter Mariopolis Graecorum. Vel Cremnae, — Orbis Latinus, 1861, pp. 66, 258, de Cremnis, Κρημνοί, urbe Graeca Maeotidis a Herodoto memorata (IV 20), cuius reliquiae nunc inventae sunt loco Taganrogii, v. Cremni^(d). In editione "Orbis Latini anni 1972 abest.
↑ "Mariupol: Why Mariupol is so important to Russia's plan," BBC.com.

Nexus externi

Vicimedia Communia plura habent quae ad Mariopolim spectant.

Situs geographici et historici: Locus: 47°7′50″N 37°33′50″E • OpenStreetMap • GeoNames • Thesaurus Getty • Большая российская энциклопедия

Situs interretialis urbis proprius.

[1] Alexii Scatebrani Initia eloquentiae Latinae (Солопов А.И. Начала латинской стилистики. М., 2008), p. 510. Pleniter Mariopolis Graecorum. Vel Cremnae, — Orbis Latinus, 1861, pp. 66, 258, de Cremnis, Κρημνοί, urbe Graeca Maeotidis a Herodoto memorata (IV 20), cuius reliquiae nunc inventae sunt loco Taganrogii, v. Cremni^(d). In editione "Orbis Latini anni 1972 abest.

[2] "Mariupol: Why Mariupol is so important to Russia's plan," BBC.com.

[1]

[2]