Guadalaxara (Mexicum)
![Guadalaxara (Mexicum): insigne](http://upload.wikimedia.org/wikipedia/commons/thumb/5/59/Coat_of_Arms_of_Guadalajara_%28Mexico%29.svg/85px-Coat_of_Arms_of_Guadalajara_%28Mexico%29.svg.png)
Locus: 20°40′36″N 103°20′51″W
Numerus incolarum: 1 460 148
Zona horaria: UTC-6
Situs interretialis
Nomen officiale: Guadalajara, Γουαδαλαχάρα (Μεξικό), 과달라하라 (멕시코), 瓜达拉哈拉 (墨西哥), Гвадалахара, Quadalaxara, グアダラハラ (メキシコ), גוודלחרה (מקסיקו), გვადალახარა, غوادالاخارا, กวาดาลาฮารา (ประเทศเม็กซิโก), Atemaxac
Gestio
Procuratio superior: municipium Guadalaxara
Geographia
Territoria finitima: Zapopan, Tlaquepaque, Tonalá, Ixtlahuacán del Río
Coniunctiones urbium
Guadalaxara,[1][2][3] Hispanice Guadalajara, anno 1550 condita, est urbs Mexici et caput civitatis Xalisci. Hic 1 495 189 incolarum anno 2010 habitant. Guadalaxara enim est tertia Mexici urbs quo ad numerum incolarum pertinet, prima Mexicopoli, secunda Monterrey.
Nomen ab urbe Hispaniae homonymam deducitur. Ibi enim natus erat Nunnius Bertrandus de Guzmán, qui gubernator regni seu provinciae Novae Galiciae merens exstructionem arcis imperavit ad terras circumiacentes subiugendas. Castellum igitur nomine "villa de Guadalaxara" anno 1532 ad locum Nochistlán a Christophoro de Oñate positum est, anno insequenti propter aquae caritatem ad Tonalá motum, anno 1537 iussu Nunnii de Guzmán ad Tlacotán. Ibi anno 1542 titulus urbis a rege Carolo I datus est. Bello autem populorum Americanorum mox saeviente urbicula fere deleta est. Anno 1550 rursus condita est ad locum Atemajac appellatum ubi etiam hodie floret.
Eo praesidium provinciae Novae Hispaniae anno 1559 constitutum est eodemque anno sedes episcopalis positum est. Oppida Mezquitán, Analco, Mexicaltzingo in Guadalaxaram anno 1669 contributa sunt. Ibi anno 1792 Regalis Universitas Guadalaxarensis condita est. Ab anno 1823, libertate Mexici nacta, Guadalaxara caput civitatis Xalisci confirmata est. Proelia hic anno 1811 de libertate, anno 1866 contra oppugnatores Francicos facta sunt.
Guadalaxara media civitate Xalisco iacet in valle Atemajac, ad pedem montium eminentissimorum zonae neovolcanicae quae ab incolis Sierra Nevada appellatur, in illa regione latissima quae "inferior" appellatur sive Hispanice el Bajío. Ad septentrionem partem urbes Zapopan et Ixtlahuacán haud longe distant, sed ad orientem stant urbes Tonalá et Zapotlanejo et ad austrum Tlaquepaque.
Notae
[recensere | fontem recensere]![](http://upload.wikimedia.org/wikipedia/commons/thumb/2/25/Mapa_ZMG.svg/220px-Mapa_ZMG.svg.png)
- ↑ Iohannes Iacobus Hofmannus, Lexicon universale (1698) ~
- ↑ Vb. adiect. "Guadalaxarensis" (vide pars 1 p. 7 et passim apud Google Books). Vide et titulum operis Acta et decreta Concilii Provincialis Guadalaxarensis primi annis Domini MDCCCXCVI et MDCCCXCVII Guadalaxarae celebrati (Romae, 1905)
- ↑ Vb. adiect. "Guadalaiarensis": "Archidioecesis Guadalaiarensis" e The Hierarchy of the Catholic Church (situs a Davide M. Cheney elaboratus) (Anglice)
Nexus externi
[recensere | fontem recensere]![]() |
Vicimedia Communia plura habent quae ad Guadalaxaram spectant. |
- "Guadalajara resource page: Jalisco's capital of culture and festivals" (2011) apud Mexconnect
- "Mariachi hace vibrar a Guadalajara" (2 Septembris 2008) apud Terra
Angelopolis in California • Angelopolis in Mexico • Antoniopolis • Calgaria • Civitas Iuarezensis • Dallasium • Didacopolis • Dominicopolis • Ecatepec de Morelos • Guadalaxara • Havana • Hustonia • Leon • Managua • Mexicopolis • Mons Regius • Monterrey • Nezahualcóyotl • Novum Eboracum • Philadelphia • Phoenix • Portus Principis • Sicagum • Tigiuana • Torontum • Urbs Guatimalensis • Zapopan