Georgius Arreaza
![Georgius Arreaza: imago](http://upload.wikimedia.org/wikipedia/commons/thumb/1/14/Canciller_Jorge_Arreaza_%28cropped%29.jpg/150px-Canciller_Jorge_Arreaza_%28cropped%29.jpg)
Georgius Arreaza, vulgo plene Jorge Alberto Arreaza Montserrat (Caracis natus die 6 Iunii 1973) est eruditus et politicus Venetiolae.
Alumnus est universitatis centralis Venetiolanae in urbe nativa, ubi postea professor fuit, universitatisque Cantabrigiensis in Anglia. Uxorem duxit Rosam Virginiam, filiam natu maiorem praesidis Hugonis Chávez. Iussu huius minister a scientia meruit a die 27 Novembris 2011, quo officio usque ad 21 Aprilis 2013 functus est. Praeses vicarius patriae fuit, novo praeside Nicolao Maduro, a die 19 Aprilis 2013 usque ad 6 Ianuarii 2016. Ab eodem praeside minister ab evolutione oecologica factus est die 19 Februarii 2017, deinde cancellarius i.e. minister a rebus externis die 2 Augusti 2017.
Bibliographia
[recensere | fontem recensere]- Ludmila Vinogradoff, "La hija mayor de Chávez, Rosa Virginia, y su marido no se separan del presidente" in ABC internacional (15 Februarii 2013)
Michael Angelus Burelli Rivas 1994 • Iosephus Vincentius Rangel 1999 • Ludovicus Alphonsus Dávila 2002 • Iosephus Rodríguez Iturbe 2002 • Ludovicus Alphonsus Dávila 2002 • Roy Chaderton 2002 • Iesus Pérez 2004 • Alí Rodríguez Araque 2004 • Nicolaus Maduro 2006 • Elias Jaua 2013 • Raphael Ramírez 2014 • Delcy Rodríguez 2014 • Samuel Moncada 2017 • Georgius Arreaza 2017 • Felix Plasencia 2021 • Carolus Faría 2022 • Yván Gil Pinto 2023 Capsae cognatae: Praesides Venetiolae | |