Fridericus Gulielmus IV (rex Borussiae)
![Fridericus Gulielmus IV (rex Borussiae): imago](http://upload.wikimedia.org/wikipedia/commons/thumb/4/43/Friedrich_Wilhelm_IV_von_preussen_1847.jpg/150px-Friedrich_Wilhelm_IV_von_preussen_1847.jpg)
![Fridericus Gulielmus IV (rex Borussiae): subscriptio](http://upload.wikimedia.org/wikipedia/commons/thumb/5/53/Friedrichwilhelmivk%C3%B6nigvonpreu%C3%9Fen.svg/150px-Friedrichwilhelmivk%C3%B6nigvonpreu%C3%9Fen.svg.png)
Obitus: 2 Ianuarii 1861; Potestampium
Patria: Regnum Borussiae
Familia
Coniunx: Elisabeth Ludovika of Bavaria
Proles: no value
Familia: House of Hohenzollern
Memoria
![](http://upload.wikimedia.org/wikipedia/commons/thumb/4/43/Friedrich_Wilhelm_IV_von_preussen_1847.jpg/220px-Friedrich_Wilhelm_IV_von_preussen_1847.jpg)
Fridericus Gulielmus IV (natus 15 Octobris 1795, mortuus 2 Ianuarii 1861) rex Borussiae fuit.
Familia et iuventus
[recensere | fontem recensere]Fridericus filius maximus Friderici Gulielmi III regis Borussiae et Ludovicae de Megalopoli-Strelicia natus est. Cum avus eius Fridericus Gulielmus II 1797 mortuus est, Fridericus Gulielmus duos annos natus heres regni factus est. Anno 1823 Elisabetham Ludovicam de Bavaria, filiam Maximiliani I regis Bavariae in matrimonium duxit. Ex ea filios non habuit. Ei octo sorores et fratres fuerunt, inter quos et Gulielmus erat, qui post Fridericum Gulielmum regnavit.
Rex
[recensere | fontem recensere]Post mortem patris 7 Iunii 1840 rex Borussiae factus est. Anno 1847 dietam civitatis convocavit, sed constitutionem flagitatam negavit. Anno 1848 cives Borussiae libertatem maiorem poposcerunt et patriam Germaniam unitam, sed Fridericus Gulielmus id negavit, quamquam initio populari tumultui cedebat. Honorem imperatoris, qui ei a concilio nationali oblatus erat, negavit, quod, ipse dei gratia rex legitimus, a ceteris principibus nominari voluit, et eiusdem regni theodisci coronam repudiavit ut talem circulum imaginarium e caeno ac luto confectum.[1] Anno 1849 constitutionem Borussiae ipse dedit, quam populi maioritas non probavit.
Morbus et mors
[recensere | fontem recensere]Anno 1857 rex aliquot sanguinis ictibus afflictus est. Itaque fratrem Gulielmum vicarium regni fecit. 2 Ianuarii 1861 mortuus est. Gulielmus I frater ei successit.
Notae
[recensere | fontem recensere]- ↑ theodisce einen solchen imaginären Reif aus Dreck und Letten gebacken (epistula die 13 Decembris 1848 ad legatum Bunsen scripta)
Bibliographia
[recensere | fontem recensere]- David E. Barclay, Frederick William IV and the Prussian Monarchy, 1840-1861. Oxonii: Oxford University Press, 1995. ISBN 0-19-820430-2
- Peter Krüger, Julius H. Schoeps, edd., Der verkannte Monarch. Friedrich Wilhelm IV. in seiner Zeit. Berolini: Verlag für Berlin-Brandenburg, 1997. ISBN 3-930850-67-2
Nexus externi
[recensere | fontem recensere]![]() |
Vicimedia Communia plura habent quae ad Fridericus Gulielmus IV (rex Borussiae) spectant. |