Angelus Scola
![]() Cardinalis Ecclesiae Catholicae Romanae | |
![]() | |
Patriarcha Venetiarum | |
titulus Sancti XII apostoli | |
Natus | 7 Novembris 1941 |
presbyter ordinatus | 18 Iulii 1970 |
episcopus nominatus | 18 Iulii 1991 |
episcopus consacratus | 21 Septembris 1991 |
Cardinalis promulgatus | 23 Octobris 2003 |
a papa | Ioanne Paulo II |
Angelus Scola (humili loco natus Malgrati, vici Lario lacui adiacentis, iuxta Leucum in regione Italiae Langobardia die 7 Novembris 1941) est cardinalis Italicus, archiepiscopus Mediolanensis. Mense Aprili 2005 Scola conclavi adfuit, ex quo Iosephus Ratzinger et mense Martio 2013 quo Georgius Marius Bergoglio papae evaserunt et etiam primus papabilis habebatur ut Benedicto Papae XVI succederet, qui se magistratu abdicaverat die 28 Februarii 2013.
Vita
[recensere | fontem recensere]Scola iam anno 1958 presbyterem Ludovicum Giussani, postae societatis religiosae Comunione e Liberazione conditorem, cognovit. Scola multos socios inter huius societatis sodalium adhuc hodie habet, praeclarissimus inter eos est Robertus Formigoni Langobardiae praeses ab anno 1995 usque ad annum 2013, cum se propter mali exempli accusationes [1] munere removit.
Angelus Scola, qui antea machinator esse volebat, in Catholica Mediolanensi Universitate Sacri Cordis Iesu philosophiae studuit et ibi Ludovico Giussani socio fit; postea Friburgi in urbe Helvetica apud universitatem theologiae studuit et postea docuit.
Angelus Scola, iuvenis presbyter, philosophiam Silvio Berlusconi tunc aedificiorum mercatori et postea noto rerum politicarum perito Italico, et sociis eius docuit.
Anno 1991 episcopus dioecesis Grosseti nominatus est.
Die 5 Ianuarii 2002 Angelus Scola patriarcha Venetiarum factus est. Ibi conventiculam Oasi creavit quae nexibus inter religionem Christianam et Islamicam studet.
Die 27 Iunii 2011 papa Benedictus XVI, qui putabatur Scolam ut successorem eius desiderare, nuntiavit Scola in Archidioecesim Mediolanensem translatum iri.
![](http://upload.wikimedia.org/wikipedia/commons/thumb/6/6a/Angelo_scola_07_2005.jpg/220px-Angelo_scola_07_2005.jpg)
Bibliographia
[recensere | fontem recensere]- "How the Church elects a new pope" in The Tablet (21 Feb. 2013)
- John L. Allen, Jr, "Papabile of the Day: The Men Who Could Be Pope" in National Catholic Reporter (Feb.-Mar. 2013)
- Andrew Brown, "How will the next pope be chosen?" in The Guardian (5 Mar. 2013)
Notae
[recensere | fontem recensere]- ↑ Pro "scandalo": Campanini-Carboni : Vocabolario latino-italiano italiano-latino (1961)
Nexus externi
[recensere | fontem recensere]- "Scola, card. Angelo" apud Sala stampa della Santa Sede (situs Curiae Romanae diurnariis destinatus) (Italiane)
- "Angelo Cardinal Scola" e The Hierarchy of the Catholic Church (situs a Davide M. Cheney elaboratus) (Anglice)
- "Scola, Angelo" e The Cardinals of the Holy Roman Church (situs a Salvatore Miranda elaboratus apud Bibliothecas FIU) (Anglice)