Hin

Klassans Hinyow Ollvysel

Mappa a Glassans Hin Köppen-Geiger

Hin a styr studh usadow an tempredh, leythder, gwaskedh ayrgylghek, gwyns, glawans hag elvennow keweroniethel yn ranndir arenep an Bys rag termyn hir. Yn termow sempel, hin yw studh kresek rag a-dro dhe dheg bledhen warn ugens. Dyffrans yn tien yw hin ha kewer. An gewer yw an studh an ayrgylgh a dhydh dhe dhydh. An sortow a hin yw trovannel, difeythtir, temprek, penneghlek ha kresvorek.

• Hin benneghlek a’n jeves gwavow hin pur yeyn ha havow berr.
• Hinyow temprek a’s teves peswar seson. Temprek yw an brassa rann a’n powyow europek.
• Dell yw usys, hinyow difeythtir a’s teves onan po dew seson kepar hag Arabi Saoudek ha lies pow yn Afrika.
• Yn hinyow trovannel ughel yw an tempredh oll an vledhen gans onan po dew seson (gleb ha segh po gleb yn unnik). Ensamplow a gerghynedhow gans hin trovannel yw an savanna ha koswik law yn Brasil.
• An hin gresvorek yw tomm ha segh y’n hav, ha goyeyn ha gleb y’n gwav. Ensampel a bow kresvorek yw Spayn.

Elvennow a yll chanjya hin tyller yw dorles, ughder ha pellder dhyworth korfow meur a dhowr. Klassys yw hinyow dell yw usys herwydh tempredh ha kodhans. An klassans moyha kemmyn yw an klassans Köppen gwrys yn kynsa gans Wladimir Köppen. An klassans Thornthwaite usys a-dhia 1948, a wra devnydh a tempredh, kodhans hag ethen-dreusanellans. Hemm yw dhe les rag studhya pygemmys eghen a enevales usi ena. An klassans Bergeron a fogell moy war an tylleryow may teu an massow ayr dhyworta.

Hinyow a yll chanjya wosa termyn hir drefen chanjyow yn resegva an bys po shap an brastiryow. A-lemmyn yma tus ow kul an bys tomma dre tommheans ollvysel. Hemm a hwer drefen defolyans gans karbon dioksid ha methan wosa leski keunys menhesen kepar ha glow hag oyl.

• 
  Hin benneghlek yn Svalbard
• 
  Hin demprek yn Pow an Lynnyn, Pow Sows
• 
  Taiga po hin vrastiryel yeyn yn Altai yn Russi
• 
  Hin gresvorek yn Spayn
• 
  Hin an savanna, tomm gans seson gleb ha seson segh
• 
  Koswik law yn Park Kenedhlek Andewanadow Bwindi yn Ouganda
• 
  Hin dhifeythdir yn Namibi

Y tiskwedhir statystygyon hin rag pub mis, avel an kedhlow a sew rag Kemper, Breten Vyghan.

Kedhlow hin rag Kemper / 1981–2010 normalow, 1967–lemmyn pellaow
Mis	Gen	Hwe	Meu	Ebr	Me	Met	Gor	Est	Gwy	Hed	Du	Kev	Bledhen
Ughella bythkweth °C (°F)	16.9 (62.4)	18.6 (65.5)	23.3 (73.9)	27.1 (80.8)	30.3 (86.5)	35.9 (96.6)	34.9 (94.8)	35.8 (96.4)	31.1 (88.0)	26.8 (80.2)	19.7 (67.5)	17.7 (63.9)	35.9 (96.6)
Ughel kresek °C (°F)	9.4 (48.9)	9.7 (49.5)	11.9 (53.4)	13.9 (57.0)	17.0 (62.6)	19.8 (67.6)	21.7 (71.1)	21.9 (71.4)	19.8 (67.6)	16.0 (60.8)	12.4 (54.3)	10.0 (50.0)	15.3 (59.5)
Dedhyek kresek °C (°F)	6.8 (44.2)	6.7 (44.1)	8.5 (47.3)	10.1 (50.2)	13.1 (55.6)	15.8 (60.4)	17.7 (63.9)	17.8 (64.0)	15.8 (60.4)	12.8 (55.0)	9.5 (49.1)	7.4 (45.3)	11.9 (53.4)
Isel kresek °C (°F)	4.2 (39.6)	3.8 (38.8)	5.2 (41.4)	6.3 (43.3)	9.2 (48.6)	11.7 (53.1)	13.6 (56.5)	13.6 (56.5)	11.8 (53.2)	9.7 (49.5)	6.6 (43.9)	4.7 (40.5)	8.4 (47.1)
Isella bythkweth °C (°F)	−10.1 (13.8)	−8.4 (16.9)	−7.0 (19.4)	−2.2 (28.0)	0.3 (32.5)	3.9 (39.0)	6.6 (43.9)	6.9 (44.4)	4.2 (39.6)	−1.2 (29.8)	−4.6 (23.7)	−7.2 (19.0)	−10.1 (13.8)
Kodhans kresek cm (inches)	151.1 (5.95)	120.4 (4.74)	98.9 (3.89)	90.2 (3.55)	90.2 (3.55)	59.3 (2.33)	67.2 (2.65)	64.6 (2.54)	86.9 (3.42)	130.1 (5.12)	139.7 (5.50)	151.6 (5.97)	1,250.2 (49.22)
Dedhyow kodhans kresek (≥ 1 mm)	16.4	13.0	13.7	12.4	11.3	8.8	9.6	9.5	9.6	14.8	15.9	15.8	150.8
Ourys howlsplann misek kresek	65.9	85.7	126.5	170.7	194.2	215.9	194.3	194.0	177.3	111.5	77.9	70.1	1,683.8
Source 1: Météo France
Source 2: Meteociel