Рандстад

Рандстад (нидерл. Randstad — тогъай шахар; неда — Рандстад Голланд) — Нидерландланы кюнбатышында кёб аралыкълы шахар агломерация-конурбацияды, аннга къралны эм уллу шахарлары киредиле — Амстердам, Роттердам, Гаага эм Утрехт. Аны чеклеринде Нидерландланы эм магъаналы шахарлары орналгъанды: Амстердам - ара шахар, Гаага парламент бла правительствону эмда халкъла арасы къуралышланы резиденциясы, Роттердам - дунияда эм уллу тенгиз портладан бири; Лейден — Европада эм къарт университет шахарладан бири.

Къыбыла, Шимал Голландия, Утрехт эм Флеволанд провинциялада орналыбды.

Агломерацияны аты картада агломерацияны формасы 60 километрлик радиусулу тёгерек болгъаны ючюн берилгенди, бу тогъайны къыйырлары урбанизация басхан шахар джерлешимледиле, арасында уа эл мюлк районду, ол ара Голландияны «джашил ёзеги» — нидерл. Groene Hart) атны джюрютеди. Эл мюлкню магъанасы тюшерек болса да, ол ёзекни рекреация магъанасы уллуду. Рамстанд бла шахарчыкъланы арасында джашил ырджы зонала къурулуб сакъланадыла.

Рандстадны адам саны 7 миллиондан асламыды, ол Нидерландланы халкъыны юч этиб биринден асламды. Аладан 4 миллиону урбанизация болгъан зоналада джашайдыла.

Конурбацияда 2006 джылдан бери ортакъ дженгил рельсалы улоу RandstadRail джюрюйдю.