სერხიო რამოსი
![]() რამოსი 2019 წელს | |||
პირადი მონაცემები | |||
---|---|---|---|
სრული სახელი | სერხიო რამოს გარსია | ||
დაბადების თარიღი | 30 მარტი, 1986 | ||
დაბადების ადგილი | კამასი, ესპანეთი | ||
სიმაღლე | 184 სმ | ||
სათამაშო პოზიცია | მცველი | ||
საკლუბო ინფორმაცია | |||
მიმდინარე კლუბი | სევილია | ||
ნომერი | 4 | ||
ახალგაზრდული კარიერა | |||
1996–2003 | სევილია | ||
პროფესიონალური კარიერა* | |||
წლები | გუნდი | მატჩი | (გოლი) |
2003–2004 | სევილია ატლეტიკო | 26 | (2) |
2004–2005 | სევილია | 39 | (2) |
2005–2021 | რეალ მადრიდი | 469 | (72) |
2021– | პარი სენ-ჟერმენი | 0 | (0) |
2023– | სევილია | 20 | (3) |
ეროვნული ნაკრები | |||
2002 | ესპანეთი 17-წლ. | 1 | (0) |
2004 | ესპანეთი 19-წლ. | 6 | (0) |
2004 | ესპანეთი 21-წლ. | 6 | (0) |
2005–2021 | ესპანეთი | 180 | (23) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 30 მარტი, 2024 |
სერხიო რამოს გარსია (ესპ. Sergio Ramos García [ˈserxjo ˈramos ɣarˈθi.a]; დ. 30 მარტი, 1986; კამასი, ესპანეთი) — ესპანელი ფეხბურთელი. საფეხბურთო კლუბ „სევილიას“ ცენტრალური მცველი. ითვლება ყველა დროის ერთ-ერთ საუკეთესო მცველად.[1]
კარიერა
[რედაქტირება | წყაროს რედაქტირება]საკლუბო
[რედაქტირება | წყაროს რედაქტირება]სერხიომ ფეხბურთის თამაში 14 წლის ასაკში დაიწყო „სევილიას“ საფეხბურთო აკადემიაში. ადრეულ ასაკშივე თავისი მონაცემებით გააკვირვა მწვრთნელები და კლუბის ხელმძღვანელები. 2002 წელს გადაიყვანეს „სევილია ბ-ში“, სადაც 1 წლის განმავლობაში ითამაშა. ამ ხნის განმავლობაში მან ჩაატარა 26 შეხვედრა და 1 გოლი გაიტანა. რამოსმა მალევე მიიპყრო სევილიას მთავარი გუნდის ხელმძღვანელთა ყურადღება და უკვე შემდეგ სეზონში მიიწვიეს ადგილობრივი კლუბის ძირითად შემადგენლობაში. 2003 წელს ლა ლიგაში მისი დებიუტი შედგა, სერხიომ 2 წლის განმავლობაში ითამაშა „სევილიაში“, სადაც 39 თამაში ჩაატარა და 2 გოლი გაიტანა. დასამახსოვრებელი აღმოჩნდა მისი გოლი „რეალ მადრიდის“ კარში. პირველ გუნდში თამაშისას სერხიო მთელმა მსოფლიომ გაიცნო, მის თამაშს თვალყურს ადევნებდნენ ევროპული გრანდების აგენტები.
რამოსმა მადრიდელების ყურადღებაც მიიპყრო. 2005 წლის ზაფხულის სატრანსფერო ფანჯარაზე სამეფო კლუბმა ის 27 მილიონად შეიძინა. ამ ტრანსფერში რეალს ერთი უპირატესობა ჰქონდა — იმ დროისათვის სერხიო აცხადებდა, რომ რეალი მისი ოცნების კლუბი იყო. სამეფო კლუბში ის ფერნანდო იეროს შემცვლელად მოიზრებოდა და სიმბოლური იყო ისიც, რომ მას 4 ნომრიანი მაისური მისცეს, რომლითაც წლების განმავლობაში ასპარეზობდა იერო. რამოსმა ამ ხნის განმავლობაში მადრიდისტების დიდი მხარდაჭერა მოიპოვა.
სერხიო რეალში თავდაპირველად ცენტრალური მცველის პოზიციაზე თამაშობდა, მაგრამ შემდეგ, მას პოზიცია შეუცვალეს და განაპირა მცველად ათამაშეს. გულშემატკივრებმა მას გოლეადორი მცველი უწოდეს.
2011 წლის 17 მაისს, რამოსმა „რეალთან“ კონტრაქტი გაახანგრძლივა 2017 წლამდე და ამ კონტრაქტის მიხედვით ის წელიწადში გამოიმუშავებს 4,5 მლნ ევროს.[2]
2012 წლის 7 იანვარს, რამოსმა ჩაატარა თავისი 250-ე შეხვედრა ესპანეთის ჩემპიონატში.[3]
2014 წლის 29 აპრილს რამოსი დაეხმარა გუნდს ჩემპიონთა ლიგის ფინალში გასვლაში, შეასრულა დუბლი „მიუნხენის ბაიერნის“ კარში, ასევე დუბლი შეასრულა კრიშტიანუ რონალდუმ და შეხვედრა დასრულდა 0:4. ფინალში კი რამოსმა გადაარჩინა გუნდი წაგებას. „ატლეტიკოსთან“ მან 93-ე წუთზე თავით გოლი გაიტანა და თამაში დამატებით დროში გადაიყვანა. საბოლოოდ შეხვედრა „რეალის“ გამარჯვებით დამატებით ტაიმებში 4:1 დასრულდა.
სანაკრებო
[რედაქტირება | წყაროს რედაქტირება]რამოსი 2005 წელს გამოიძახეს ეროვნულ ნაკრებში. მისი დებიუტი ჩინეთის ეროვნული ნაკრების წინააღმდეგ შედგა. აღსანიშნავია, რომ რამოსი 18 წლის ასაკში მიიწვიეს ეროვნულში. რამოსი 2006 წლის მუნდიალის განაცხადში მოხვდა. მან ნაკრებში მიჩელ სალგადოს ადგილი დაიკავა მარჯვენა მცველის პოზიციაზე. რამოსმა ნაკრებთან ერთად მოიგო ევრო 2008 და მსოფლიო 2010. ევრო 2012-ზე რამოსი ცენტრალური მცველის პოზიციაზე თამაშობდა.
პირადი ცხოვრება
[რედაქტირება | წყაროს რედაქტირება]ჰყავს მეუღლე პილარ რუბიო, რომელზეც 2019 წელს დაქორწინდა. ჰყავთ ოთხი შვილი.
ტიტულები
[რედაქტირება | წყაროს რედაქტირება]რეალ მადრიდი
[რედაქტირება | წყაროს რედაქტირება]- ესპანეთის პრიმერა დივიზიონი:
- ესპანეთის თასი:
- გამარჯვებული (2): 2010–11, 2013–14
- ფინალისტი (1): 2012–13
- ესპანეთის სუპერთასი:
- გამარჯვებული (3): 2008, 2012, 2017
- ფინალისტი (3): 2007, 2011, 2014
- ჩემპიონთა ლიგა
- გამარჯვებული (4): 2013–14, 2015–16, 2016–17, 2017–18
- უეფა-ს სუპერთასი
- გამარჯვებული (3): 2014, 2016, 2017
- მსოფლიო საკლუბო ჩემპიონატი
- გამარჯვებული (4): 2014, 2016, 2017, 2018
ესპანეთის ნაკრები
[რედაქტირება | წყაროს რედაქტირება]- მსოფლიო ჩემპიონატი (1):
- გამარჯვებული (1): 2010
- ევროპის ჩემპიონატი (2):
რესურსები ინტერნეტში
[რედაქტირება | წყაროს რედაქტირება]![](http://upload.wikimedia.org/wikipedia/commons/thumb/4/4a/Commons-logo.svg/35px-Commons-logo.svg.png)
- ოფიციალური საიტი დაარქივებული 2012-04-30 საიტზე Wayback Machine. (ესპანური)
- პროფილი რეალ მადრიდის ოფიციალურ საიტზე (ინგლისური)
- პროფილი Transfermarkt-ზე (ინგლისური)
- პროფილი Soccerway-ზე (ინგლისური)
- სერხიო რამოსი — ფიფას ჩანაწერი[დაარქივებული]
- სერხიო რამოსი Twitter-ზე
სქოლიო
[რედაქტირება | წყაროს რედაქტირება]
|
- დაბადებული 1986
- ესპანელი ფეხბურთელები
- მადრიდის რეალის ფეხბურთელები
- ესპანეთის პრიმერა დივიზიონის ფეხბურთელები
- 2006 წლის მსოფლიო საფეხბურთო ჩემპიონატის ფეხბურთელები
- 2010 წლის მსოფლიო საფეხბურთო ჩემპიონატის ფეხბურთელები
- 2013 წლის ფიფა-ს კონფედერაციის თასის ფეხბურთელები
- 2014 წლის მსოფლიო საფეხბურთო ჩემპიონატის ფეხბურთელები
- მსოფლიო ჩემპიონები ფეხბურთში
- 2016 წლის ევროპის საფეხბურთო ჩემპიონატის ფეხბურთელები
- დაბადებული 30 მარტი
- 2018 წლის მსოფლიო საფეხბურთო ჩემპიონატის ფეხბურთელები
- უეფა-ს ჩემპიონთა ლიგის გამარჯვებული მოთამაშეები
- ევროპის ჩემპიონები ფეხბურთში