ომარ მხეიძე
ომარ მხეიძე | |
---|---|
დაბადების თარიღი |
25 აპრილი, 1935 სხვავა, საქართველოს სსრ, სსრკ |
გარდაცვალების თარიღი | 17 ივლისი, 2023 (88 წლის) |
ეროვნება | ქართველი |
მოქალაქეობა |
![]() ![]() |
ალმა-მატერი | თბილისის სახელმწიფო უნივერსიტეტი |
საქმიანობა | მოცეკვავე |
ომარ მხეიძე (დ. 25 აპრილი, 1935, სხვავა, ახლანდ. ამბროლაურის მუნიციპალიტეტი — გ. 17 ივლისი, 2023)[1]) — ქართველი მოცეკვავე. ფაზისის საერო აკადემიის ნამდვილი წევრი აკადემიკოსი. საქართველოს სახალხო არტისტი (1971).
ბიოგრაფია
[რედაქტირება | წყაროს რედაქტირება]ომარ მხეიძე დაიბადა სოფელ სხვავაში, ამბროლაურის რაიონში. 1975 წელს დაამთავრა ივანე ჯავახიშვილის სახელობის თბილისის სახელმწიფო უნივერსიტეტი (ეკონომიური). 1953 წლიდან იყო საქართველოს ხალხური ცეკვის ანსამბლის წამყვანი სოლისტი (ხელმძღვანელი ჯანო ბაგრატიონი); 1954 წლიდან იყო საქართველოს ხალხური ცეკვის ანსამბლის მოცეკვავე (ხელმძღვანელები ნინო რამიშვილი, ილიკო სუხიშვილი), სადაც 30 წელი იღვაწა. იყო კინოკომპანია „ჯიმ შვანთეს“ ერთ-ერთი დამფუძნებელი; 1984–1989 წლებში თბილისის სადღესასწაულო რიტუალების სასახლის დირექტორი; ექვთიმე თაყაიშვილის სახელობის კულტურისა და ხელოვნების სახელმწიფო უნივერსიტეტის ქორეოგრაფიული კათედრის კონსულტანტი; ქართული რეპერტუარი: „ხევსურული სიუიტა“, „მხედრული“, „შეჯიბრი“, „მუხამბაზი“, „მთიელ ვაჟთა ცეკვა“, „ქაჯეთის აღება“; გასტროლები: 87 ქვეყანა ანსამბლთან ერთად.
მიღებული აქვს არაერთი წოდება, მათ შორის: „წლის ადამიანი“ (გაზეთი „რაეო“, 2005), „ქართული კულტურის ამაგდარი“ (ქ. თბილისის მერია, 2009), „ქართული კულტურის რაინდი“ (საქართველოს მწერალთა შემოქმედებითი კავშირი, 2013), საპატიო სიგელი „სახალხო სიყვარული“, როგორც ორი საუკუნის ქართული ცეკვის ლეგენდა (საერთაშორისო ორგანიზაცია „სახალხო დიპლომატია“, 2014), „საუკუნის მოცეკვავე“ (საქართველოს ქორეოგრაფიის მოღვეწეთა შემოქმედებითი კავშირი, 2014), „ხელოვნების ქურუმი“ (საქართველოს კულტურის სამინისტრო, 2015), პატრიარქ ილია მეორის ინიციატივით, ფონდმა „ქართული გალობა“, 2016 წლის 8 ივნისს, ქართული ხალხური ცეკვის პოპულაპიზაციაში შეტანილი განსაკუთრებული წვლილისათვის მიანიჭა — „ღვაწლმოსილი მოცეკვავის წოდება“. 2011 წელს თბილისის დიდ საკონცერტო დარბაზთან გაიხსნა მისი სახელობის ვარსკვლავი.
ომარ მხეიძე 2023 წლის 17 ივლისს 88 წლის ასაკში გარდაიცვალა.
ჯილდოები
[რედაქტირება | წყაროს რედაქტირება]- 2015 — საპატიო ბათუმელის წოდება მიენიჭა [2]
- 2012 — საქართველოს ეროვნული პრემია
- 2000 — თბილისის საპატიო მოქალაქე
- 1996 — ღირსების ორდენი
- 1971 — საქართველოს სსრ სახალხო არტისტი
- 1963 — საქართველოს სსრ დამსახურებული არტისტი
- ქუთაისის საპატიო მოქალაქე
- ფოთის საპატიო მოქალაქე
ფილმოგრაფია
[რედაქტირება | წყაროს რედაქტირება]- 1981 — გამოაღეთ ფანჯრები — ნოდარი (რეჟ. დევი აბაშიძე)
ლიტერატურა
[რედაქტირება | წყაროს რედაქტირება]- ქართული მუსიკის ენციკლოპედიური ლექსიკონი, თბ., 2015, გვ. 354.
რესურსები ინტერნეტში
[რედაქტირება | წყაროს რედაქტირება]- ომარ მხეიძე — საქართველოს ბიოგრაფიული ლექსიკონი
- ომარ მხეიძე — ეროვნული ფილმოგრაფია
- ომარ მხეიძე კინოფილმების ინტერნეტ-მონაცემთა ბაზაში
სქოლიო
[რედაქტირება | წყაროს რედაქტირება]- დაბადებული 25 აპრილი
- დაბადებული 1935
- გარდაცვლილი 17 ივლისი
- გარდაცვლილი 2023
- ქართველი მოცეკვავეები
- ამბროლაურის მუნიციპალიტეტში დაბადებულები
- თბილისის სახელმწიფო უნივერსიტეტის კურსდამთავრებულები
- საქართველოს ეროვნული პრემიის ლაურეატები
- თბილისის საპატიო მოქალაქეები (2000)
- საქართველოს ღირსების ორდენის კავალრები
- საქართველოს სსრ-ის სახალხო არტისტები
- საქართველოს სსრ-ის დამსახურებული არტისტები
- საპატიო ბათუმელები (2015)
- ქუთაისის საპატიო მოქალაქეები
- ფოთის საპატიო მოქალაქეები