კონკორდი
კონკორდი | |
---|---|
Air France-ის კონკორდი | |
ფუნქცია | ზებგერითი ტრანსპორტი |
წარმოება | ![]() ![]() |
შემქმნელი | BAC (დღეს BAe და BAE Systems) Sud Aviation (დღეს Airbus Group და Aérospatiale) |
პირველი გაფრენა | 2 მარტი, 1969 |
წარდგენა | 21 იანვარი, 1976 |
ჩამოწერა | 24 ოქტომბერი, 2003 (ჩამოწერის თარიღი) 26 ნოემბერი, 2003 (ბოლო გარფერა) |
სტატუსი | მოხსნილია ფრენებიდან |
მომხმარებლები | Air France British Airways Singapore Airlines Braniff International Airways |
წარმოების წელი | 1965–1979 |
რაოდენობა | 20 |
პროგ. ღირებულება | £1.3 მილიარდი |
ღირებულება | £23 მილიონი 1977 წელს £125 მილიონი 2015 წელს |
![](http://upload.wikimedia.org/wikipedia/commons/thumb/8/8a/02.03.69_1er_vol_de_Concorde_%281969%29_-_53Fi1931_-_cropped.jpg/220px-02.03.69_1er_vol_de_Concorde_%281969%29_-_53Fi1931_-_cropped.jpg)
კონკორდი (ფრანგ. Aérospatiale-BAC Concorde ან Concorde) — ტურბორეაქტიული ძრავის მქონე ზებგერითი სამგზავრო თვითმფრინავი, რომელიც გამოიყენებოდა (აქტიური იყო) 1976 წლიდან 2003 წლამდე. კონკორდი ერთ-ერთია იმ ორი ზებგერითი ტრანსპორტიდან, რომლებიც კომერციულ მომსახურებაში შევიდნენ (მეორე რუსული წარმოების ტუპოლევ ტუ 144 იყო). ანგლო-ფრანგული ხელშეკრულების თანახმად კონკორდი ორმა კომპანიამ Aérospatiale-მ და British Aircraft Corporation-მ ერთობლივი მუშაობის შედეგად შექმნეს, წარმოების მხრივაც ეს ორი კომპანია აწარმოებდა კონკორდს. მაღალი სიჩქარის გამო თვითმფრინავი მალევე გახდა პოპულარული, კონკორდს ბგერის სიჩქარეზე ორჯერ სწრაფად შეეძლო ფრენა და მისი მაქსიმალური სიჩქარე 2.04 მახი იყო. თვითმფრინავს 92-დან 128-მდე მგზავრის გადაყვანა შეეძლო, პირველი გაფრენა კი 1969 წლის 2 მარტს შეასრულა, 1976 წლის 21 იანვრიდან მომსახურებაში მიიღეს, კონკორდი 27 წლის მანძილზე ასრულებდა კომერციულ ფრენებს.
სხვადასხვა დანიშნულების ადგილებში ფრენასთან ერთად, კონკორდი რეგულარულად ასრულებდა ტრანსატლანტიკურ ფრენებს ლონდონის ჰითროუს აეროპორტიდან და შარლ დე გოლის აეროპორტიდან ჯონ ფიცჯერალდ კენედის საერთაშორისო აეროპორტამდე, ვაშინგტონ დალესის საერთაშორისო აეროპორტამდე და გრენტლი ადამსის საერთაშორისო აეროპორტამდე. ამ მარშრუტებს კონკორდი სხვა სამგზავრო თვითმფრინავებთან შედარებით ნახევარ დროში ასრულებდა. მხოლოდ 20 კონკორდი აიგო, კონკორდის განვითარება საკმაოდ სერიოზულ ეკონომიკურ ზარალთან იყო დაკავშირებული. Air France-მ და British Airways-მა კონკორდების შესაძენად მნიშვნელოვანი სამთავრობო სუბსიდიები მიიღეს. კონკორდი 2003 წლის 26 ნოემბერს ჩამოწერეს (მოხმარებიდან ამოიღეს). მისი ჩამოწერა სხვადასხვა მიზეზბმა განაპირობეს, 2000 წელს პარიზში მომხდარმა კატასტროფამ, 2001 წლის 11 სექტემბრის ტერორისტული აქტებმა, ასევე Aérospatiale-სა და British Aircraft Corporation-ის შთამომავალი ფირმის Airbus-ის გადაწყვეტილებამ, რომლის თანახმადაც მათ კონკორდის ტექნიკური მხარდაჭერა შეწყვიტეს.[1]
არსებული მოდელები
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- British Airways Concorde page
- Design Museum (UK) Concorde page
- Heritage Concorde preservation group site
- Concorde Legacy site დაარქივებული 2017-10-15 საიტზე Wayback Machine.
სქოლიო
[რედაქტირება | წყაროს რედაქტირება]- ↑ „გს | კონკორდის ფრენები დასასრულს უახლოვდება“. BBC News. 10 აპრილი, 2003. შეამოწმეთ თარიღის პარამეტრი
|date=
-ში (დახმარება)