გომის ღვთისმშობლის ეკლესია

გომის ღვთისმშობლის ეკლესია — ეკლესია სოფელ გომის აღმოსავლეთით ერთ კილომეტრზე, სასაფლაოზე. თარიღდება გვიანდელი ფეოდალური ხანით.

ეკლესია დარბაზულია (6,95 X 4,55 მ), ნაგებია ქვიშაქვის კვადრებით. ნახევრად დანგრეულია - კედლები სამი მეტრის სიმაღლეზეა შემორჩენილი. მოგვიანებით შეუკეთებიათ რიყის ქვით. შესასვლელი სამხრეთითაა. აფსიდი ნახევარწრიულია.

ძეგლი უნახავს გიორგი ბოჭორიძეს, რომელიც მას დაღალულას ღვთისმშობლის ეკლესიას უწოდებს.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 428.

რესურსები ინტერნეტში

•  კულტურული მემკვიდრეობის პორტალი, № 17701