ტომ ჰენქსი
ტომ ჰენქსი | |
---|---|
![]() | |
დაბადების სახელი | ტომას ჯეფრი ჰენქსი |
დაბადების თარიღი |
9 ივლისი, 1956[1] კონკორდი, კალიფორნია |
აქტიური | 1984 - დღემდე |
მშობლები |
მამა: ამოს მეფორდ ჰენქსი დედა: ჟანეტ მერილინი |
ოსკარი |
საუკეთესო მსახიობი კაცი 1993 — ფილადელფია 1994 — ფორესტ გამპი |
ოქროს გლობუსი |
საუკეთესო მსახიობი კაცი მიუზიკლსა ან კომედიაში 1988 — დიდი საუკეთესო მსახიობი კაცი დრამაში 1993 — ფილადელფია 1994 — ფორესტ გამპი 2000 — გარიყული |
საიტი | tomhanksland.com |
ტომას ჯეფრი ჰენქსი (ინგლ. Thomas Jeffrey "Tom" Hanks, დ. 9 ივლისი, 1956) — ამერიკელი მსახიობი და პროდიუსერი. მან თავისი კარიერა საოჯახო კომედიებში დაიწყო და მალე მიაღწია დიდ წარმარებას. 1993, 1994 წლებში მან ორჯერ მოახერხა ოსკარის აღება — მთავარი როლებისთვის ფილმებში „ფილადელფია“ (1993) და „ფორესტ გამპი“ (1994).
ბიოგრაფია
[რედაქტირება | წყაროს რედაქტირება]ტომ ჰენქსი დაიბადა 1957 წლის 9 ივლისს, კონკორდში, კალიფორნიის შტატში. მისი მამა, ამოს მეფორდ ჰენქსი, იყო შეფ მზარეული და პრეზიდენტ აბრაამ ლინკოლნის დედის, ნენსი ჰენქს ლინკოლნის ნათესავი. დედა ჟანეტ მერილინი მუშაობდა საავადმყოფოში. მშობლების გაყრის შემდეგ 1960 წელს, სამი უფროსი შვილი — სანდრა, ლარი და ტომი მამასთან ერთად დარჩნენ საცხოვრებლად. უმცროსი, ჯიმი კი დედასთან ერთად დარჩა. ორივენი ხელახლა დაქორწინდნენ. ტომის დედინაცვალს პირველი ქმრისგან ხუთი შვილი ჰყავდა. ორი წლის შემდეგ ეს ქორწინებაც გაყრით დამთავრდა და ამოს ჰენქსი იძულებული გახდა მარტოს ერჩინა შვილები. სკოლაში ტომი საკმაოდ არაპოპულარული იყო მოსწავლეებში და მასწავლებლებში. დღესაც იგი აღიარებს რომ ბავშვობაში არც თუ ისე კარგი ხასიათი ჰქონდა. 1965 წელს ამოს ჰენქსმა კიდევ ერთხელ მოიყვანა ცოლი, მისი მეუღლე იყო ფრენსის ვონგი. მას სამი შვილი ჰყავდა, მათგან ორი ტომთან ერთად ცხოვრობდა სკოლაში სწავლის პერიოდში.
ტომ ჰექნსი პატარაობიდანვე ამჟღავნებდა თავის მსახიობურ ნიჭს და ხშირად ანცვიფრებდა კიდეც გარშემო მყოფთ. ასე რომ კალიფორნიის უნივერსიტეტში, სამსახიობო ფაკულტეტზე ჩაბარება მისი მხრიდან საკმაოდ ლოგიკური ნაბიჯი იყო. მან მიატოვა სწავლა როდესაც მიიღო შემოთავაზება მსახიობთა პატარა ჯგუფისგან, კლივლენდში. კინოში მოღვაწეობა ტომმა 1980 წელს დაიწყო („მან იცის რომ თქვენ მარტო ხართ“). ოთხი წლის შემდეგ ეკრანებზე გამოჩნდა რომანტიკული კომედია „შხეფი“ ტომ ჰენქსის მონაწილეობით, სადაც ქალის მთავარ როლს ჰოლივუდის ერთ-ერთი ყველაზე ლამაზი მსახიობი დერილ ჰანა ასრულებდა. იგი თამაშობდა ქალთევზას როლს, რომელიც შემთხვევით აღმოჩნდება დიდ ქალაქში. ტომის გმირს იგი უყვარდება და ფილმის დასასრულს ორივე ოკეანეში მიდის საცხოვრებლად.
1980-იან წლებში ტომმა ათამდე ფილმში მიიღო მონაწილეობა, მაგრამ მისთვის ყველაზე წარმატებული 1990-იანი წლები გამოდგა. ფილმში „უძინარნი სიეტლში“ გამოჩნდა რომანტიკულობა, ემოციურობა, მგრძნობიარობა — ის თვისებები, რაც ხაზს უსვამდა მისი გმირის ინდივიდუალობას. ფილმმა „მათი საკუთარი ლიგა“ სხვა კუთხით წარმოაჩინა მისი ტალანტი. მოულოდნელი აღმოჩნდა ჰენქსის თამაში ფილმში „ფილადელფია“ (1993), სადაც იგი თამაშობს შიდსით დაავადებული ადვოკატის როლს. ამ ფილმმა მას ოსკარი მოუტანა. მთავარი წარმატება ჰენქსს ჯერ კიდევ წინ ელოდა. ფილმი „ფორესტ გამპი“, სადაც იგი მთავარ როლს ასრულებს, 1994 წლის ნამდვილი სენსაცია იყო. ტომის გმირი ფორესტი მიჩვეულია ყველასგან დაცინვას, რადგან აზროვნებით იგი უფრო პატარაა რეალურ ასაკთან შედარებით, თუმცა ეს არ უშლის მას ხელს ღირსეულად გადალახოს ყველა სიძნელე. ბავშვობიდან ნახევრად ინვალიდი, იგი ახერხებს გახდეს ცნობილი ფეხბურთელი, ვიეტნამის ომის გმირი, მილიონერი და ყველასათვის სამაგალითო ადამიანი. ფილმმა რამდენიმე ოსკარი აიღო, რაც მეტწილად ტომ ჰენქსის დამსახურებაა.
1996 წელს შედგა ჰენქსის სარეჟისორო დებიუტი. ყველა მოუთმენლად ელოდა ფილმ „აპოლო 13“-ის ეკრანებზე გამოჩენას, რომელიც 1977 წელს, მთვარეზე წარუმატებელ გაფრენას მიეძღვნა.
ფილმოგრაფია
[რედაქტირება | წყაროს რედაქტირება]მსახიობი
[რედაქტირება | წყაროს რედაქტირება]წელი | ქართულად | მშობლიური სახელწოდება | როლი | |
---|---|---|---|---|
1980 | ფ | მან იცის, რომ თქვენ მარტო ხართ | He Knows You’re Alone | ელიოტი |
1980 | ფ | 1982 | გულითადი მეგობრები | |
1982 | ფ | ტაქსი | Taxi | გორდონი |
1982 | ტფ | ლაბირინთები და მონსტრები | Mazes And Monsters | რობი უილინგი |
1982 | ფ | ბედნიერი დღეები | Happy Days | დოქტორ უეინ ტუიტჩელი |
1983 | ფ | ოჯახური კავშირები | Family Ties | ნედი |
1984 | ფ | შხეფი | Splash | ალენ ბაუერი |
1984 | ფ | მარტოხელა ბიჭების წვეულება | Bachelor Party | რიკ გასკო |
1985 | ფ | ადამიანი ერთ დიდ წითელ ფეხსაცმელში | The Man With One Red Shoe | რიჩარდ დრიუ ჰარლენი |
1985 | ფ | მოხალისეები | Volunteers | ლოურენს ბორნ III |
1986 | ფ | ფულის მახე | The Money Pit | უოლტერ ფილდინგ უმცრ. |
1986 | ფ | არაფერი საერთო | Nothing in Common | დევიდ ბასნერი |
1986 | ფ | ყოველთვის ვემშვიდობებით ერთმანეთს | Every Time We Say Goodbye | დევიდ ბრედლი |
1987 | ფ | ბოროტების ქსელი | Dragnet | პეპ სტრიბეკი |
1988 | ფ | დიდი | Big | ჯოშ ბასკინი |
1988 | ფ | Punchline | Punchline | სტივენ გოლდი |
1989 | ფ | ტერნერი და ჰუჩი | Turner & Hooch | დეტექტივი სკოტ ტერნერი |
1990 | ფ | ამაოების კოცონი | The Bonfire of the Vanities | შერმან მაკ-კოი |
1992 | ფ | Radio Flyer | Radio Flyer | მაიკი |
1992 | ფ | მათი საკუთარი ლიგა | A League Of Their Own | ჯიმი დუგანი |
1993 | ფ | უძინარნი სიეტლში | Sleepless in Seattle | სემ ბოლდუინი |
1993 | ფ | ფილადელფია | Philadelphia | ენდრიუ ბეკეტი |
1994 | ფ | ფორესტ გამპი | Forrest Gump | ფორესტ გამპი |
1995 | ფ | აპოლო 13 | Apollo 13 | ჯიმ ლოველი |
1995 | ანფ | სათამაშოების ისტორია | Toy Story | ვუდი |
1996 | ფ | რასაც შენ აკეთებ | That Thing You Do! | მისტერ უაიტი |
1998 | ფ | დედამიწიდან მთვარეზე | From the Earth to the Moon | მთხრობელი |
1998 | ფ | რიგითი რაიანის გადასარჩენად | Saving Private Ryan | კაპიტანი ჯონ მილერი |
1998 | ფ | თქვენთვის წერილია | You’ve Got Mail | ჯო ფოქსი |
1999 | ანფ | სათამაშოების ისტორია 2 | Toy Story 2 | ვუდი |
1999 | ფ | მწვანე მილი | The Green Mile | პოლ ეჯკომბი |
2000 | ფ | გარიყული | Cast Away | ჩაკ ნოლენდი |
2002 | ტფ | რატლზი 2 | The Rutles 2: Can't Buy Me Lunch | რესპონდენტი |
2002 | ფ | დაწყევლილი გზა | Road to Perdition | მაიკლ სალივანი |
2002 | ფ | დამიჭირე, თუ შეძლებ | Catch Me If You Can | კარლ ჰენრეტი |
2004 | ფ | ტერმინალი | The Terminal | ვიქტორ ნავორსკი |
2004 | ფ | ქალბატონის მკვლელები | The Ladykillers | პროფესორი დორი |
2004 | ფ | ელვისმა შენობა დატოვა | Elvis Has Left The Building | ელვისი |
2004 | ანფ | პოლარული ექსპრესი | The Polar Express | სანტა კლაუსი, ექსპრესის კონდუქტორი, ჰობო, გმირი ბიჭუნა, მამა |
2006 | ანფ | მანქანები | მანქანები | შერიფი ვუდი კარი |
2006 | ფ | და ვინჩის კოდი | The Da Vinci Code | პროფესორი რობერტ ლენგდონი |
2007 | ანფ | სიმფსონების ფილმი | The Simpsons Movie | მოწვეული |
2007 | ფ | ჩარლი უილსონის ომი | Charlie Wilson’s War | ჩარლზ უილსონი |
2008 | ფ | დიდებული ბაკ ჰოვარდი | The Great Buck Howard | მისტერ გეიბლი |
2009 | ფ | ანგელოზები და დემონები | Angels & Demons | პროფესორი რობერტ ლენგდონი |
2010 | ანფ | სათამაშოების ისტორია 3 | Toy Story 3 | ვუდი |
2011 | ფ | ლარი კრაუნი | Larry Crowne | ლარი კრაუნი |
2012 | ფ | დაკარგული სიმბოლო | The Lost Symbol | პროფესორი რობერტ ლენგდონი |
2013 | ფ | მისტერ ბენქსის გადასარჩენად | Saving Mr. Banks | უოლტ დისნეი |
2013 | ფ | კაპიტანი ფილიპსი | Captain Phillips | რიჩარდ ფილიპსი |
2019 | ფ | სათამაშოების ისტორია 4 | Toy Story 4 | ბაზ ლაიტერი |
პროდიუსერი
[რედაქტირება | წყაროს რედაქტირება]- 2000 — გარიყული / Cast Away
- 2002 — ჩემი დიდი ბერძნული ქორწილი / My Big Fat Greek Wedding
- 2004 — პოლარული ექსპრესი / The Polar Express (აღმასრულებელი პროდიუსერი)
- 2004 — კონი და კარლა / Connie and Carla
- 2006 — დიდებული ბაკ ჰოვარდი / The Great Buck Howard
- 2008 — მამა მია! / Mamma Mia!
- 2009 — დიდებული ბაკ ჰოვარდი / The Great Buck Howard
- 2010 — წყნარი ოკეანე (ტელესერიალი)
რეჟისორი
[რედაქტირება | წყაროს რედაქტირება]- 1996 — რასაც შენ აკეთებ / That Thing You Do!
- 2001 — ჯარისკაცთა საძმო / Band of Brothers
- 2011 — ლარი კრაუნი / Larry Crowne
სცენარისტი
[რედაქტირება | წყაროს რედაქტირება]- 1996 — რასაც შენ აკეთებ / That Thing You Do!
- 1998 — დედამიწიდან მთვარემდე (სერიალი) / From the Earth to the Moon
- 2001 — ჯარისკაცთა საძმო / Band of Brothers
- 2005 — მოგზაურობა მთვარეზე (მოკლემეტრაჟიანი) / Magnificent Desolation: Walking on the Moon 3D
- 2011 — ლარი კრაუნი / Larry Crowne
- 2011 — ელექტრო ქალაქი / Electric City
კომპოზიტორი
[რედაქტირება | წყაროს რედაქტირება]1996 — რასაც შენ აკეთებ / That Thing You Do! (სიმღერები)
ჯილდოები
[რედაქტირება | წყაროს რედაქტირება]წელი | ჯილდო | კატეგორია | ფილმი | შედეგი |
---|---|---|---|---|
1988 | აკადემიის ჯილდო | საუკეთესო მსახიობი | დიდი | ნომინაცია |
სატურნის ჯილდო | საუკეთესო მსახიობი | გამარჯვებული | ||
ოქროს გლობუსი | საუკეთესო მსახიობი | გამარჯვებული | ||
1993 | აკადემიის ჯილდო | საუკეთესო მსახიობი | ფილადელფია | გამარჯვებული |
ბერლინის კინო ფესტივალი | საუკეთესო მსახიობი | გამარჯვებული | ||
ოქროს გლობუსი | საუკეთესო მსახიობი | გამარჯვებული | ||
ოქროს გლობუსი | საუკეთესო მსახიობი | უძინარები სიეტლში | ნომინაცია | |
1994 | აკადემიის ჯილდო | საუკეთესო მსახიობი | ფორესტ გამპი | გამარჯვებული |
სატურნის ჯილდო | საუკეთესო მსახიობი | გამარჯვებული | ||
BAFTA-ს დაჯილდოება | საუკეთესო მსახიობი | ნომინაცია | ||
ოქროს გლობუსი | საუკეთესო მსახიობი | გამარჯვებული | ||
NBR-ს დაჯილდოება | საუკეთესო მსახიობი | გამარჯვებული | ||
SAG-ს დაჯილდოება | გამოჩენილი მსახიობი | გამარჯვებული | ||
1998 | აკადემიის ჯილდო | საუკეთესო მსახიობი | რიგითი რაიანის გადასარჩენად | ნომინაცია |
BAFTA-ს დაჯილდოება | საუკეთესო მსახიობი | ნომინაცია | ||
Empire-ს დაჯილდოება | საუკეთესო მსახიობი | გამარჯვებული | ||
ოქროს გლობუსი | საუკეთესო მსახიობი | ნომინაცია | ||
SAG-ს დაჯილდოება | გამოჩენილი მსახიობი | ნომინაცია | ||
გამოჩენილი მსახიობი | ნომინაცია | |||
1999 | SAG-ს დაჯილდოება | გამოჩენილი მსახიობი | მწვანე მილი | ნომინაცია |
2000 | აკადემიის ჯილდო | საუკეთესო მსახიობი | გარიყული | ნომინაცია |
BAFTA-ს დაჯილდოება | საუკეთესო მსახიობი | ნომინაცია | ||
ოქროს გლობუსი | საუკეთესო მსახიობი | გამარჯვებული | ||
NYFCC-ს დაჯილდოება | საუკეთესო მსახიობი | გამარჯვებული | ||
SAG-ს დაჯილდოება | გამოჩენილი მსახიობი | ნომინაცია | ||
2002 | Empire-ს დაჯილდოება | საუკეთესო მსახიობი | დაწყევლილი გზა | ნომინაცია |
2007 | ოქროს გლობუსი | საუკეთესო მსახიობი | ჩარლი ვილსონის ომი | ნომინაცია |
პირადი და ოჯახური ცხოვრება
[რედაქტირება | წყაროს რედაქტირება]ტომ ჰენქსი ორჯერ არის დაქორწინებული. მსახიობ სამანტა ლუისისგან ჰყავს ბიჭი და გოგო, ხოლო მსახიონ რიტა უილსონისგან ჰყავს ორი ბიჭი.
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ „Monitor“. Entertainment Weekly (1215). Time Inc. Jul 13, 2012. p. 20.
|
|
- ოსკარის მფლობელი კინომსახიობები
- დაბადებული 1957
- დაბადებული 9 ივლისი
- XX საუკუნის ამერიკელი მამაკაცი მსახიობები
- XXI საუკუნის ამერიკელი მამაკაცი მსახიობები
- ამერიკელი კინოპროდიუსერები
- ამერიკელი მამაკაცი კინომსახიობები
- ამერიკელი მამაკაცი სცენარისტები
- ამერიკელი მამაკაცი ტელემსახიობები
- ამერიკელი მამაკაცი გამხმოვანებლები
- ინგლისელი ამერიკელები
- ბერძენი ამერიკელები
- კალიფორნიის შტატის უნივერსიტეტის (საკრამენტო) კურსდამთავრებულები
- კენედის ცენტრის პრემიის ლაურეატები
- პრეზიდენტის თავისუფლების მედლის მფლობელები
- პრაიმტაიმის ემის ჯილდოს მფლობელები
- საპატიო ლეგიონის ორდენის კავალერები
- ვერცხლის დათვი საუკეთესო მამაკაცი მსახიობისთვის