ერთიანი საქართველო — დემოკრატიული მოძრაობა
ერთიანი საქართველო — დემოკრატიული მოძრაობა — პოლიტიკური პარტია, შექმნილი საქართველოს პარლამენტის ყოფილი თავმჯდომარის ნინო ბურჯანაძის მიერ.
დემოკრატიული მოძრაობა — ერთიანი საქართველო | |
---|---|
![]() | |
ქვეყანა |
![]() |
ხელმძღვანელობა | |
თავმჯდომარე | ნინო ბურჯანაძე |
ისტორია | |
დაფუძნდა | 23 ნოემბერი, 2008 |
პოზიციები | |
იდეოლოგია |
კონსერვატიზმი ეკონომიკური ნაციონალიზმი |
საიდენტიფიკაციო ნომერი | 205271294 |
წარმომადგენლობითობა | |
პარლამენტი |
0 / 150 |
ფერები | |
შტაბ-ბინა |
მიქელაძის ქუჩა N11 თბილისი, საქართველო |
democrats.ge |
![](http://upload.wikimedia.org/wikipedia/ka/thumb/c/c8/Democratic_Movement_-_United_Georgia_logo.png/220px-Democratic_Movement_-_United_Georgia_logo.png)
ისტორია
რედაქტირებაპარტიის დაფუძნების განცხადება გაკეთდა 2008 წლის 27 ოქტომბერს, ხოლო დამფუძნებელი ყრილობა გაიმართა 23 ნოემბერს — ვარდების რევოლუციის მეხუთე წლისთავზე. 2009 წლის აპრილსა და მაისში მოძრაობა სხვა პოლიტიკურ პარტიებთან ერთად იყო ორგანიზატორი საპროტესტო აქციებისა პრეზიდენტ მიხეილ სააკაშვილის გადადგომის მოთხოვნით. პარტია ბოიკოტს უცხადებდა 2010 წლის თვითმართველობის არჩევნებს და მასში მონაწილეობა არ მიუღია. 2013 წლის საპრეზიდენტო არჩევნებში პარტიის თავმჯდომარე ნინო ბურჯანაძე გავიდა მესამე ადგილზე. 2014 წლის ადგილობრივი თვითმმართველობის არჩევნებში პარტიამ დაიკავა მესამე ადგილი. დემოკრატიული მოძრაობიდან თბილისის საკრებულოში შევიდნენ:ზაზა ვეკუა, თამარ ცინცაბაძე და შალვა ოგბაიძე. დეპუტატებმა თბილისის საკრებულოში შექმნეს ფრაქცია „გაერთიანებული დემოკრატიული მოძრაობა“. ფრაქციის თავმჯდომარე გახდა პარტიის გენერალური მდივანი ზაზა ვეკუა. 2016 წლის 1 სექტემბერს საკრებულოს წევრებმა დატოვეს პარტია დემოკრატიული მოძრაობა, რის გამოც ფრაქცია „ გაერთიანებული დემოკრატიული მოძრაობა“ დაიშალა.[1]
პოლიტიკური პლატფორმა
რედაქტირებადამფუძნებელთა განცხადებით, „ერთიანი საქართველო — დემოკრატიული მოძრაობა“ ეფუძნება საქართველოს ერთიანობის იდეას, ეროვნულ ღირებულებებსა და ტრადიციებს.
კონკრეტული და გრძელვადიანი პოლიტიკური პროგრამა პარტიას ჯერ არ გააჩნია. არსებობს მხოლოდ 2 დოკუმენტი: პარტიის ხედვა და მოკლევადიანი ანტიკრიზისული პროგრამა.
ორგანიზაციული სტრუქტურა
რედაქტირებაპარტიის ხელმძღვანელი ორგანოა მთავარი საბჭო. უმაღლესი თანამდებობის პირები არიან თავმჯდომარე (ნინო ბურჯანაძე) და გენერალური მდივანი (გიგლა ბარამიძე).
პარტიასთან არსებობს საკონსულტაციო ორგანო „დარბაზი“, რომელიც, ძირითადად, საზოგადო მოღვაწეებითაა დაკომპლექტებული.
შედეგები არჩევნებში
რედაქტირებასაპარლამენტო
რედაქტირებაარჩევნები | ხმები | % | მანდატები | +/– | სტატუსი |
---|---|---|---|---|---|
2016 | 62 166 | 3,53 | 0 / 150 |
ახალი | გარესაპარლამენტო |
2020 | 16 286 | 0,85 | 0 / 150 |
0 | გარესაპარლამენტო |
საპრეზიდენტო
რედაქტირებაარჩევნები | კანდიდატი | ხმები | % | შედეგი |
---|---|---|---|---|
2013 | ნინო ბურჯანაძე | 166 601 | 10,19 | მესამე ადგილი |
ადგილობრივი
რედაქტირებაარჩევნები | ხმები | % | მანდატები | +/– |
---|---|---|---|---|
2014 | 144 691 | 10,22 | 148 / 2 088 |
ახალი |
2017 | 38 898 | 2,59 | 12 / 2 043 |
136 |
2021 | 845 | 0,05 | 0 / 2 068 |
12 |
რესურსები ინტერნეტში
რედაქტირება- ოფიციალური საიტი[დაარქივებული]
- ოფიციალური საიტი[დაარქივებული]
- პარტიის დამფუძნებელი ყრილობა დაარქივებული 2011-07-24 საიტზე Wayback Machine. .