Sura

Sura utawa sajeroning kalèndher Hijriah karan Muharam iku sasi pisanan ing Kalèndher Jawa. Tumraping wong Jawa, sasi iki dianggep wigati banget amarga dadi sasi kang pisanan. Ing sasi Sura iki sawatara masarakat Jawa isih mèngeti kanthi manembah marang Gusti kang gawé urip.^[1]. Mliginé ing dina wiwitan ya iku Siji Sura, sawatara masarakat ana kang ngayahi panyucèn dhiri kanthi adus ing kali, sendhang, sagara, utawa ing ngomah lan sawengi muput ora turu. Déné golongan masarakat liyané ana kang nanggap lan nonton wayang kulit lan ana uga kang ziarah menyang panggonan suci lan nglakoni tapabrata utawa mèdhitasi. Tanggal siji Sura uga wektu kang becik kanggo ngresiki pusaka, kaya keris, tumbak lsp.^[2]. Ing kapercayan Jawa isih akèh kang percaya ora gelem nganakaké pahargyan wigati kaya déné mantu (palakrama) ing sasi Sura.

Umur sasi

Umur utawa cacahing dina ing kalèndher Jawa iku saben taun ora ajeg. Nanging kanggo sasi Sura cacahing dina ana ing taun 1 /kapisan (Alip), 2 /kapindho (Éhé), 3 /katelu (Jimawal), 4 /kapapat (Jé), 5 /kalima (Dal), 6 /kaenem (Bê), 7 /kapitu (Wawu) utawa 8 /kawolu (Jimakir) tetep padha, ya iku 30 dina. Kanggo luwih cethané, umur utawa cacahing dina ing sasi kalèndher Jawa bisa mirsani tabel ing ngisor iki:

Uga delengen

Rujukan

↑ "Joglosemar:Javanese Calendar and its Significance to Mystical Life". Diarsip saka sing asli ing 2017-09-24. Dibukak ing 2008-03-30.
↑ "Ritual pèngetan Siji Sura ing sawetara panggonan". Diarsip saka sing asli ing 2010-03-28. Dibukak ing 2008-03-30.

Pranala njaba

Joglosemar:Javanese Calendar and its Significance to Mystical Life Archived 2017-09-24 at the Wayback Machine.

Sasi jroning kalèndher hijriyah
Muharram – Safar – Rabiul awal – Rabiul akhir – Jumadil awal – Jumadil akhir – Rajab – Sya'ban – Ramadhan – Syawal – Dzulkaidah – Dzulhijjah

Artikel iki minangka artikel rintisan. Kowé bisa ngéwangi Wikipédia ngembangaké.

[1] "Joglosemar:Javanese Calendar and its Significance to Mystical Life". Diarsip saka sing asli ing 2017-09-24. Dibukak ing 2008-03-30.

[2] "Ritual pèngetan Siji Sura ing sawetara panggonan". Diarsip saka sing asli ing 2010-03-28. Dibukak ing 2008-03-30.

[1]

[2]

Tabel umur utawa cacahing dina ing Taun Jawa (Kalèndher Sultan Agung
Jeneng wulan Jawa	Jeneng wulan Islam	Taun Jawa 1,3,6,7	Taun Jawa 2.4.8	Taun Jawa 5
Sura	Muharram	30	30	30
Sapar	Safar	29	29	30
Mulud	Rabiul awal	30	30	29
Bakdamulud	Rabiul akhir	29	29	29
Jumadilawal	Jumadil awal	30	30	29
Jumadilakhir	Jumadil akhir	29	29	29
Rejeb	Rajab	30	30	30
Ruwah	Sya'ban	29	29	29
Pasa	Ramadhan	30	30	30
Sawal	Syawal	29	29	29
Sela	Dzulkaidah	30	30	30
Besar	Dzulhijjah	29	30	30