Skipanalínuviðmót
Skipanalínuviðmót[1] er viðmót til að vinna í tölvum með því að nota skrifaðar skipanir á svokallaða skipanalínu[2] til að framkvæma aðgerðir, andstætt myndrænu viðmóti þar sem notandinn framkvæmir aðgerðir með því að smella með músinni á viðföng (hnappa, valmyndir, stikur, glugga og íkon) og textaviðmóti þar sem notandinn velur úr skipunum í valmynd. Notkun skipanaviðmóts fer þannig fram að notandinn slær inn skipun og ýtir á Enter-takkann á lyklaborðinu. Forrit sem nefnist skipanatúlkur tekur þá við skipuninni, greinir hana og framkvæmir. Þegar framkvæmd skipunar er lokið skilar forritið venjulega einhvers konar úttaki í textaformi. Skipanaviðmót komu fyrst fram á sjónarsviðið á 6. áratugnum og gáfu möguleika á því að fá niðurstöður jafnóðum ólíkt lotuvinnslu (e. batch) með gataspjöldum.
Tilvísanir
[breyta | breyta frumkóða]- ↑ „Skipanalínuviðmót“. Afrit af upprunalegu geymt þann 13. ágúst 2014. Sótt 14. október 2010.
- ↑ Skipanalína Geymt 9 janúar 2008 í Wayback Machine, einnig skipanarein
