Jólasveinninn
![](http://upload.wikimedia.org/wikipedia/commons/thumb/b/b5/Santa-eop2.jpg/220px-Santa-eop2.jpg)
Jólasveinn er þjóðsagnakennd persóna sem sögð er búa á fjöllum uppi eða jafnvel á Norðurpólnum. Hann heldur svo til byggða á aðventunni til að gera sprell og ekki síður til þess að verðlauna þæg börn með gjöfum. Jólasveinar eru því persónur tengdar kristni fyrst og fremst.
Jólasveinninn þekkist í fjöldamörgum löndum hins vestræna heims, Evrópu og Ameríku. Jólasveinninn hefur síðustu áratugi iðulega verið klæddur í þykk og hlý rauð föt með hvítum loðkraga. Uppruna hins rauðklædda jólasveins má rekja til heilags Nikulásar sem var biskup í borginni Mýra í Tyrklandi á 4. öld e.Kr. Nikulás var meðal annars verndardýrlingur sæfarenda, kaupmanna, menntasetra og barna. Síðar varð hann þekktur sem gjafmildur biskup, klæddur purpuralitaðri kápu með mítur á höfði, sem deildi út gjöfum til bágstaddra en einkum til barna.
Á 4. áratug 20. aldar hóf Coca-Cola hina frægu auglýsingaherferð sína þar sem jólasveinninn var í aðalhlutverki. Ef til vill hefur sú herferð orðið til þess að festa ákveðna ímynd jólasveinsins í sessi en víst er að þessi ímynd hafði verið til um skeið og var ekki uppfinning Coca-Cola.
Sjá einnig
[breyta | breyta frumkóða]Tenglar
[breyta | breyta frumkóða]![](http://upload.wikimedia.org/wikipedia/commons/thumb/4/4a/Commons-logo.svg/30px-Commons-logo.svg.png)
* „Hvað getið þið sagt mér um jólasveina?“. Vísindavefurinn.
- „Eru jólasveinar til í alvörunni?“. Vísindavefurinn.
- „Bjó Coca-Cola-fyrirtækið bandaríska jólasveinninn til?“. Vísindavefurinn.
- Nöfn jólasveina eftir Árna Björnsson Geymt 12 mars 2007 í Wayback Machine
- Heilagur Nikúlás; grein í Lesbók Morgunblaðsins 1947
- „Andrés utan gátta fundinn“; grein af mbl.is 2020