Morgunblaðið
| Ritstjóri | Davíð Oddsson og Haraldur Johannessen |
|---|---|
| Útgáfutíðni | daglega |
| Stofnandi | Vilhjálmur Finsen |
| Stofnár | 1913 |
| Útgefandi | Árvakur hf. |
| Höfuðstöðvar | Reykjavík |
| Vefur | http://mbl.is |
| ISSN | 1021-7266 |
| Stafræn endurgerð | [1] |
Morgunblaðið er íslenskt dagblað sem kemur út alla daga vikunnar á Íslandi. Það kom fyrst út 2. nóvember 1913 og hefur verið gefið út af Árvakri hf síðan 1924. Stofnendur Morgunblaðsins voru þeir Vilhjálmur Finsen og Ólafur Björnsson, yngri bróðir Sveins Björnssonar forseta. [1] Árið 1997 hóf svo Morgunblaðið útgáfu fréttavefs á internetinu fyrst allra fréttastofa á Íslandi. Síðan hefur mbl.is verið vinsælasti fréttavefur landsins. Morgunblaðið var lengi vel málgagn Sjálfstæðisflokksins en reyndi um tíma að fjarlægjast flokkadrætti þar til Davíð Oddsson, fyrrum formaður flokksins og umdeildur forsætisráðherra var ráðinn ritstjóri árið 2009.
Ritstjórar Morgunblaðsins
- Vilhjálmur Finsen (1913-1921)
- Þorsteinn Gíslason (1921-1924)
- Jón Kjartansson (1924-1947)
- Valtýr Stefánsson (1924-1963)
- Sigurður Bjarnason (1956-1970)
- Bjarni Benediktsson (1956-1959)
- Einar Ásmundsson (1956-1959)
- Matthías Johannessen (1959-2000)
- Eyjólfur Konráð Jónsson (1960-1974)
- Styrmir Gunnarsson (1972-2008)
- Ólafur Þ. Stephensen (2008-2009)
- Davíð Oddson og Haraldur Johannessen (2009-)
Gagnrýni á Morgunblaðið
Í kafla um fjölmiðla í viðauka við skýrslu rannsóknarnefndar Alþingis sem kom út þann 12. apríl 2010 og ritaður var af sérstökum starfshópi um siðferði og starfshætti í aðdraganda hrunsins, stendur varðandi ráðningu Davíðs Oddssonar:
- „Ráðning Davíðs Oddssonar, fyrrverandi forsætisráðherra og seðlabankastjóra, sem ritstjóra Morgunblaðsins og uppsögn margra reyndra blaðamanna þar sýnir hvernig eigendur fjölmiðla geta ráðskast með fjölmiðla ef þeim sýnist svo. Markmið þeirra virðist vera að ástunda skoðanafjölmiðlun og verja sérhagsmuni fremur en að tryggja faglega og sanngjarna umfjöllun [...] Það er dapurlegur vottur um íslenska umræðusiði að þessi athugasemd hefur ekki orðið tilefni málefnalegrar rökræðu um stöðu fjölmiðla á viðsjárverðum tímum í íslensku samfélagi heldur hafa menn hlaupið í skotgrafir.“ [2]
Tilvísanir
Tenglar
- Mbl.is Vefmiðillinn mbl.is
- Morgunblaðið á Timarit.is frá upphafi og þar til fyrir 3 árum.