Petrópolis
| Petrópolis | ||
| ||
| Kelk imaji pri Petrópolis. | ||
|
| |
| Standardo | Blazono | |
| Stato: | Rio de Janeiro | |
Informo:
| ||
| Fondita ye: | 16ma di marto 1843 | |
| Latitudo: | 22°30'18"S | |
| Longitudo: | 43°10'44"W | |
| Altitudo: | 838 m | |
| Surfaco: | 795,8 km² | |
| Habitanti: | 278 881[1] (2022) | |
| Denseso di habitantaro: | 374,76 hab./km² | |
| Disto de Rio de Janeiro: | 68 km | |
| Urbestro: | Rubens Bomtempo (PSB, 2021 – 2024) | |
Mapo:
| ||
| ||
Oficala retosituo:
| ||
| https://www.petropolis.rj.gov.br | ||
.JPG)
Petrópolis esas turistala urbo en la stato Rio de Janeiro, Brazilia. Segun la demografiala kontado di 2022, ol havis 278 881 habitanti[1]. Lua tota surfaco esas 774,6 km². Ol esas la maxim populoza urbo de la montoza regiono (Região Serrana) dil stato Rio de Janeiro.
Olim somerala rezideyo dil imperiestro Pedro la 2ma di Brazilia, nun ol esas sideyo dil Nacionala Laboratorio pri Ciencala Informatiko (Laboratório Nacional de Computação Científica),[2] e sideyo di la Pontifikala Universitato di Petrópolis. Segun statistiki de IBGE (Braziliana Instituto pri Geografio e Statistiko), 96,7% de lua habitantaro savas lektar e skribar. La milda klimato dil urbo kompare urbo Rio de Janeiro anke atraktas multa turisti, nome dum semanofini.
Historio
[redaktar | redaktar fonto]
Petrópolis fondesis da Germana enmigranti ye la 16ma di marto 1843.[3] L'Imperiala Palaco (nun muzeo) esis somerala rezideyo por Braziliana imperiestro Pedro la 2ma til 1889, kande Brazilia divenis republiko.
En 1903, Brazilia e Bolivia signatesis tale nomizita kontrato di Petrópolis, segun quo Bolivia cedis la nuna stato Acre a Brazilia, kambie indemno di 2-milion pundi e signato di kompromiso pri la konstrukto di tale nomizita ferovoyo Madeira-Mamoré.
Dum la yari 1970a existis en la urbo sekreta loko, surnomizita Portugalane Casa da Morte ("domo di la morto") ube opozanti di militala rejimo Braziliana tormentesis e mortigesis.
Ye la 15ma di februaro 2022, violentoza pluvego produktis plu kam 100 morti, multa desaparinti e 269 ter-glitadi en tota urbo. Pluvis 260 milimetri dum 6 hori, plu kam la mezavalora quanto expektata por la monato di februaro.[4]
Geografio
[redaktar | redaktar fonto]
La reliefo di Petrópolis esas multe montoza e kolinoza, kun kelk arei plana ed inundebla, exemple arei proxim rivero Piabanha Lua mezavalora altitudo esas 838 metri e lua maxim alta punto esas monto Pedra do Sino[5], kun 2275 metri super la marala nivelo.
La klimato dil urbo esas tropikala di altitudo (Cfa segun la klimatala klasifikuro da Köppen). La mezavalora temperaturo en februaro (somero) esas 22,7°C, kontre ke la mezavalora temperaturo en julio (vintro) esas 16,5°C.[6]
La pluvoza sezono iras de la duimo di oktobro til la komenco di aprilo. La mezavalora yarala pluvo-quanto esas 1917 mm, e la maxim pluvoza monato esas januaro, kun mezavalore 313 mm.[6]
Kelka turistal atraktivi
[redaktar | redaktar fonto]
La maxim konocata turistal atraktivo di Petrópolis esas l'Imperiala Muzeo, olima somerala rezideyo dil imperiestro Pedro la 2ma di Brazilia. Ibe, viziteri povas vidar artal objekti, historiala moblaro, historiala pikturi la historio di Brazilia, pri la rejala familio e Braziliana nobeli, skulti, fotografuri, charioti, ceramikajo e juveli uzita da rejala familio, inkluzite l'imperiala krono uzita da Pedro la 2ma kande ilu kronizesis imperiestro di Brazilia.
Altra famoza atraktivo esas la katedralo di Santa Petrus de Alcântara, qua komencis konstruktesar en 1884 dum l'epoko imperiala, e parfinesis en 1969, kande inauguresis lua turmo. Lua projeto kreesis en 1843, e lua arkitekturala stilo esas Nov-Gotika, inspirita en anciena katedrali de la nordo di Francia. Interne ol konstruktesis l'Imperiala Mauzoleo, ube esas sepultata restaji dil imperiestro Pedro la 2ma, di lua spozino Maria Leopoldina de Austria, e di lua filiino, Isabel de Brazilia ed elua spozulo, Gaston d'Orléans, komto d'Eu.
Tale nomizita "palaco Quitandinha" konstruktesis en 1941 da Brazilian entraprezisto Joaquim Rolla por esar la maxim granda hotelo e kazino di Sud-Amerika. Ol inauguresis en 1944, tamen funcionis dum poka yari kom kazino, nam en 1946 lora prezidanto Eurico Gaspar Dutra proskriptis kazini en Brazilia. Kom hotelo, ol gastigis importanta internaciona artisti, exemple Errol Flynn, Orson Welles, Lana Turner, Henry Fonda, Maurice Chevalier, Greta Garbo, Carmen Miranda, Walt Disney e Bing Crosby. Ol anke gastigis Usana prezidanto Harry S. Truman en 1947. Tamen, pro sua chera substrukturo, ol cesis funcionar kom hotelo en 1962. Ol nun administresas da privata organizuro SESC. En 2023 inauguresis kulturala centro ibe.
Referi
[redaktar | redaktar fonto]- ↑ 1,0 1,1 População em Petrópolis (RJ) é de 278.881 pessoas, aponta o Censo do IBGE - Publikigita da G1. Dato di publikigo: 28ma di junio 2023. Idiomo: Portugalana.
- ↑ LNCC - Laboratório Nacional de Computação Científica -
- ↑ Emperor Street - Publikigita da World Digital Library. Dato di publikigo: 1860-1870. URL vidita ye 25ma di agosto 2013.
- ↑ Petrópolis. Mais de 100 mortos e número de desaparecidos ainda por apurar. Situação "quase de guerra" - Publikigita da Diário de Notícias. Idiomo: Portugalana.
- ↑ Nossas Montanhas - Publikigita da Centro Excursionista Petropolitano. URL vidita ye 25ma di januaro 2024. Idiomo: Portugalana.
- ↑ 6,0 6,1 Clima Petrópolis:Temperatura, Tempo e Dados climatológicos - URL vidita ye 25ma di julio 2024. Idiomo: Portugalana.