Irez a kontenajo

Indonezia

Redaktar ligili
De Wikipedio
Revizo de 13:40, 1 may. 2017 da Joao Xavier (diskutez | kontributadi) (kelka korektigi + texto, imaji, referi)
Indonezia
Republik Indonesia
Standardo di Indonezia Blazono di Indonezia
Nacionala himno:
Indonesia Raya
Urbi:
Chefurbo: Jakarta
Precipua urbo: Jakarta
Lingui:
Oficala lingui: Indoneziana
Guvernerio:
Tipo: Republiko
· prezidanto: Joko Widodo
Surfaco: (16ma maxim granda)
· Totala: 1 919 440 km²
· Aquo: 4,85 %
Habitanti: (4ma maxim granda)
· Totala: 237 424 363(kontado)[1] (2011)
· Denseso di habitantaro: 124.66 hab./km²
Plusa informi:
Valuto: Rupio di Indonezia
Veho-latero: sinistre
ISO: ID
IDN
360
Reto-domeno: .id
Precipua religio: islamo (majoritato)


Indonezia esas granda arkipelago qua jacas en sudestal Azia e havas kelka teritorii en Oceania. Ol havas terala frontieri kun Malaizia e Brunei an la nordo dil insulo Borneo, Estal Timor an l'esto dil insulo Timor, e Papua-Nova-Guinea, an l'esto di Nova-Guinea. Plu kam 17.000 insuli formacas lua teritorio.


Bazala fakti pri Indonezia.

Historio

 Precipua artiklo: Historio di Indonezia

Fosila skeleti di la Homo di Java indikas ke l'insuli ja habitabis 1.5 milion yari ante nun. Homo sapiens arivis en l'insuli cirkum 45,000 yari ante nun.[2] Austroneziana populi migris a la regiono cirkum 2000 aK de Taiwan. Li ekpulsis l'originala Melaneziana populi vers l'estala insuli[3] e establisis komerco kun Chinia.

Quale altra regioni de sudestal Azia, Indonezia subisis influi de Indiana kulturo. De la 2ma til la 12ma yarcento la dinastio Pallava, l'imperio Gupta, l'imperii Pala e Chola sucedante dissendis Indiana influo tra l'arkipelago. Sanskrita skriburi mencionas Dvipantara o Yawadvipa, Hindua rejio en Java e Sumatra, qua existis cirkum la yaro 200.

Indoneziana navo en Borobodur, cirkum la yaro 800.

Dum la 7ma yarcento la povoza rejio di Srivijaya prosperis e portis l'influi di Hinduismo e Budismo al insuli. La maxim ancien evidentaji di islamana religio evas de la 13ma yarcento en Sumatra. Altra regioni gradope adoptis islamo, qua divenis la precipua religio en Java e Sumatra dum la fino di la 16ma yarcento.

L'unesma Europani en la regiono esis la Portugalani, qui arivis unesmafoye en 1512. Li probis monopoligar la komerco di muskado, kariofilo e kubebo. En 1602 Nederlandani establisis Est-India Kompanio (VOC) e divenis la dominacanta potenco. Kun la bankroto di la kompanio en 1800, Nederlandana guvernerio establisis la kolonio di Nederlandana Est-Indii.

Dum granda parto di la kolonial epoko, Nederlandana kontrolo super l'arkipelago esis febla, e nur dum la 20ma yarcento la dominacajo divenis plu forta til atingar komplete la nuna teritorio di lando. Ye la 17ma di decembro 1941 Japonia komencis okupar Indonezia, e l'okupeso duris til la fino di la Duesma mondomilito. Ye la 17ma di agosto 1945, du dii pos la kapitulaco di Japoniana trupi, Sukarno deklaris Indonezia nedependanta de Nederlando e divenis lua unesma prezidanto.

Politiko

Edifico di la parlamento di Indonezia.
Prezidanto Joko Widodo

Indonezia esas prezidantala republiko. La prezidanto esas la chefo di stato e di guvernerio, ed elektesas direte dal populo por 5-yara periodo. Lu povas rielektesar unfoye por la sequanta periodo. La nuna prezidanto, depos la 20ma di oktobro 2014, esas Joko Widodo.

La parlamento havas du chambri. La Regionala Konsilantaro di reprezentanti (Indoneziana: Dewan Perwakilan Daerah) esas la supra chambro. Ol havis 136 membri, qui elektesas dal populo por 5 yari. La basa chambro esas la Populala Konsilantaro di reprezentanti (Indoneziana: Dewan Perwakilan Rakyat) kun 560 membri qui elektesas dal populo por 5 yari.

La judiciala povo kompozesas da la Supra Korto, la Konstitucala Korto, e korti publika, religiala, administrala e militistala. La Supra Korto esas la maxim alta korto di la lando, e la lasta rekursala korto por verdikti pri kriminala e civila temi.

La konstituco di Indonezia skribesis en junio, julio ed agosto 1945, ed adoptesis la sama yaro.

Geografio

La monto Punkak Jaya, en Papua, esas la maxim monto de Oceania.
La precipua volkani di Indonezia.

Indonezia jacas inter la latitudi 6ºN e 11ºN, e la longitudi 95ºE e 114ºE. Ol esas la maxim granda arkipelagala lando de la mondo, e kompozesas ek 13,466 insuli, di qui cirkume 6,000 habitesas. La disto inter la maxim westala e la maxim extala punti de lua teritorio esas 5,170 km, dum ke la disto inter la maxim nordala e la maxim sudala punti esas 1,760 km.[4] La precipua e maxim populoza insuli esas Bali, Borneo, Java, Nova Guinea, Sulawesi, Sumatra e Westala Timor. Kun plu kam 1.9 milion km² ol esas la 15ma maxim granda lando de la mondo.

Kun 4,884 metri di altitudo monto Punkak Jaya en Papua esas la maxim alta monto de Indonezia e de Oceania. La lago Toba, kun 1,445 km² en Sumatra esas la maxim granda lago di la lando. La precipua e maxim longa fluvii de la lando, Mahakam (980 km) e Barito (890 km), jacas en Kalimantan (Borneo).

Indonezia jacas an la bordi de la tektonika plaki di Pacifiko, di Eurazia e di Australia. Pro to, lando havas multa aktiva volkani (adminime 150) en lua teritorio[5] e freque subisas ter-tremi.

La klimato di la lando esas tropikala, kun influi de la monsono. La mezavalora pluvozeso varias de 1.780 mm til 3.175 mm omnayare en basa regioni, til 6.100 mm en la regioni montoza, quale la westo di Sumatra, Java, Kalimantan, Sulawesi e Papua. La humideso ordinare esas alta, cirkume 80%. La temperaturi varias poke dum la yaro. La mezavalora yarala temperatura en Jakarta esas 26-30 °C.

Ekonomio

 Precipua artiklo: Ekonomio di Indonezia

Demografio

La mapo montras la precipua etniala grupi en Indonezia.
Javaana gespozi kun tradicionala vestaro.

Segun la demografiala kontado di 2010, Indonezia havis 237.6 milion habitanti, kun mezavalora demografiala kresko di 1.9% omnayare.[6] Java esas hemo por 58% de la habitantaro.[7] En 1961, l'unesma kontado pos la nedependo montris 97 milion habitanti.[8] On kalkulas ke en 2020 la habitantaro esos 269 milion personi ed en 2050 esos 321 milioni.[9] Cirkume 8 milion Indoneziani vivas exterlande, precipue en Malaizia, Saudi-Arabia, Unionita Araba Emirati, Sud-Korea, Japonia, ed altra landi.

Cirkume 300 diferanta populi habitas Indonezia e parolas 742 diferanta lingui e dialekti.[10] L'oficala linguo esas l'Indoneziana (Bahasa Indonesia), de la familio Malaya.

La precipua rasala grupo esas la Javaani (42% de la habitantaro), qua esas dominacanta politikale e kulturale. La Sundani, la Malayani, la Madurani esas importanta minoritati ne-Javaana. Anke existas mikra komunesi di Chiniana Indoneziani, Indiani, Europani ed Arabi, precipue en l'urbala regioni. Sociala, religiala e rasala tensi stimulis komonala violento. Malgre la Chiniana Indoneziani esar nur 3 til 4% de la habitantaro, li kontrolas granda parto de la komerco e de la richeso di la lando.


La 20 maxim populoza urbi di [[{{{lando}}}]] (2010) La 20 maxim populoza urbi di Indonezia (2010)
Rango Nomo Provinco Regiono Habitantaro Rango Nomo Provinco Regiono Habitantaro
1ma Jakarta [[{{{provinco1}}}]] [[{{{regiono1}}}]] 9 588 198 11ma [[{{{nomo11}}}]] [[{{{provinco11}}}]] [[{{{regiono1}}}]] {{{hab11}}}
2ma Surabaya [[{{{provinco2}}}]] [[{{{regiono2}}}]] 2 765 487 12ma [[{{{nomo12}}}]] [[{{{provinco12}}}]] [[{{{regiono12}}}]] {{{hab12}}}
3ma Bandung [[{{{provinco3}}}]] [[{{{regiono3}}}]] 2 394 873 13ma [[{{{nomo13}}}]] [[{{{provinco13}}}]] [[{{{regiono13}}}]] {{{hab13}}}
4ma Bekasi [[{{{provinco4}}}]] [[{{{regiono4}}}]] 2 334 871 14ma [[{{{nomo14}}}]] [[{{{provinco14}}}]] [[{{{regiono14}}}]] {{{hab14}}}
5ma Medan [[{{{provinco5}}}]] [[{{{regiono5}}}]] 2 097 610 15ma [[{{{nomo15}}}]] [[{{{provinco15}}}]] [[{{{regiono15}}}]] {{{hab15}}}
6ma Tangerang [[{{{provinco6}}}]] [[{{{regiono6}}}]] 1 798 601 16ma [[{{{nomo16}}}]] [[{{{provinco16}}}]] [[{{{regiono16}}}]] {{{hab16}}}
7ma Depok [[{{{provinco7}}}]] [[{{{regiono7}}}]] 1 738 510 17ma [[{{{nomo17}}}]] [[{{{provinco17}}}]] [[{{{regiono17}}}]] {{{hab17}}}
8ma Semarang [[{{{provinco8}}}]] [[{{{regiono8}}}]] 1 555 984 18ma [[{{{nomo18}}}]] [[{{{provinco18}}}]] [[{{{regiono18}}}]] {{{hab18}}}
9ma Palembang [[{{{provinco9}}}]] [[{{{regiono9}}}]] 1 455 284 19ma [[{{{nomo19}}}]] [[{{{provinco19}}}]] [[{{{regiono19}}}]] {{{hab19}}}
10ma Makassar [[{{{provinco10}}}]] [[{{{regiono10}}}]] 1 338 663 20ma [[{{{nomo20}}}]] [[{{{provinco20}}}]] [[{{{regiono20}}}]] {{{hab20}}}

Jakarta
Surabaya 		[[Arkivo:{{{imajo3}}}|170px]]
Bandung 		[[Arkivo:{{{imajo4}}}|170px]]
Bekasi
Fonto: https://en.wikipedia.org/wiki/Indonesia


Kulturo

Religii: Islamani 88 %,Kristani 8 %, Hinduani 2 %

Oficala linguo: Cirkume 300 altra lingui e dialekti parolesas.

Referi

  1. ↑ IMF. "Indonesia". URL vidita ye la 17ma di januaro 2013.
  2. ↑ Smithsonian (2008). The great human migration.
  3. ↑ Taylor, Jean Gelman. Indonesia. New Haven and London: Yale University Press. pp. pp.8-9.
  4. ↑ Kuoni - Far East, A world of difference. Page 88. Published 1999 by Kuoni Travel & JPM Publications
  5. ↑ Volcanoes of Indonesia. Global Volcanism Program. Smithsonian Institution. URL vidita ye la 25ma di marto 2007.
  6. ↑ (19 March 2011) Fifty years needed to bring population growth to zero. Waspada.co.id. URL vidita ye la 10ma di aprilo 2011.
  7. ↑ Central Bureau of Statistics: Census 2010 (Indoneziana). Badan Pusat Statistik. URL vidita ye la 17ma di januaro 2011.
  8. ↑ Widjojo Nitisastro (2006) - Population Trends in Indonesia - . Population Trends in Indonesia. Equinox Publishing
  9. ↑ World Population Prospects: The 2012 Revision (2012). Indonesia. Population (thousands). Median variant. 1950–2100. United Nations
  10. ↑ An Overview of Indonesia. Living in Indonesia, A Site for Expatriates. Expat Web Site Association. URL vidita ye la 5 October 2006.
v · d · m
Nedependanta e dependanta teritorii en Azia
Suverena statiAfganistan • Azerbaijan • Bahrain • Bangladesh • Brunei • Bhutan • Chinia • Estal Timor • Filipini • India • Indonezia • Iran • Irak • Israel • Japonia • Jordania • Kambodja • Kazakstan • Kirgizistan • Kuwait • Laos • Libano • Malaizia • Maldivi • Myanmar • Mongolia • Nepal • Nord-Korea • Oman • Pakistan • Katar • Saudi-Arabia • Singapur • Siria • Sri Lanka • Sud-Korea • Tajikistan • Tailando • Taiwan • Turkmenistan • Turkia • Unionita Araba Emirii • Uzbekistan • Vietnam • Yemen
Stati kun restriktita agnosko Abkhazia • Republiko Arcah • Turka republiko di Norda Chipro • Sud-Osetia • Taiwan
Nesuverena teritorii, inkluzite
regioni kun specala stando en Chinia		 Australia: Insulo Christmas • Insuli Cocos (Keeling)
P R Chinia: Hong Kong • Makau
Unionita Rejio: Akrotiri e Dhekelia • Britaniana teritorio che Indiana Oceano
Obtenita de "https://io.wikipedia.org/w/index.php?title=Indonezia&oldid=912268"