Zheng He
| Zheng He | |
|---|---|
.jpg) | |
| Sexo | mascule, eunuch |
| Nascentia | 1371 (Kunming) |
| Decesso | 1433, 1435 (Nanjing) |
| Loco de reposo | Tomb of Zheng Da Chia[*] |
| Ethnicitate | Hui people[*] |
| Citatania | Ming dynasty[*] |
| Occupation | explorator[*], diplomate[*], navigator[*], eunuch[*], traveler[*] |
| Obras notabile | Treasure voyages[*] |
| Religion | Islam |
| Parentes | patre Hajji Ma[*] |
| Lingua | linguas chinese[*] |
| Identificatores | |
| ISNI | 0000000116701918, 0000000444580000 |
| VIAF | 72199054 |
| Commons | Zheng He |
Zheng He (in chinese traditional: 鄭和, Wade-Giles: Cheng Ho, anque appellate San Bao; nascite 1371 – morite 1435) es le plus famose marinero chinese e explorator qui faceva le viages collectivemente appellate le "Eunucho Sanbao al Oceano Occidental" o "Zheng He al Oceano Occidental", desde 1405 a 1433.
Zheng nasceva in 1371 del gruppo ethnic Hui e le fide moslem. Ille serviva como confidente del imperator Yongle de China (qui regnava de 1403 a 1424), le tertie imperator del dynastia Ming. Secundo su biographia in le Historia de Ming, ille esseva appellate originalmente Ma Sanbao e ille veniva de Kunyang (actualmente Jinning), in le provincia Yunnan.
Como officiero marin Zheng He se distingueva in le lucta del prince Zhu Di de attinger le summitate del poter. A ille tempore Zhu Di ordinava su admiral a ducer septe expeditiones inter 1405 e 1433. Illos iva al Oceano Pacific, al Oceano Indian, al Mar Rubie e al Golfo Persic. Le scopo del expeditiones esseva capturar un rival al throno imperial, ma anque commercio e diplomatia. Le expeditiones esseva a vices violente, e Zheng He incontrava piratas e barbaros.
Cata expedition debe, secundo fontes de alora, haber contate plus que 300 naves con circa 30.000 personas. Le naves esseva appellate juncas e habeva carcassas impermeabile, lo que non esseva usual in construction europee de naves ante le 1900s.
Le nomine San Bao ille probabilemente recipeva, proque ille rememorava de Sindbad del legendas arabe.
Zhen He ha essite interrate in un crypto foras de Nanjing in China.