Gallecia
Gallecia | |||
|
|||
Hymno: Os Pinos | |||
![]() |
|||
Nomine native | Galicia, Galicia | ||
---|---|---|---|
Classe | communitates autonome de Espania, historical nationality[*], region cultural[*], nation, realm[*], pais | ||
Pais | Espania, Imperio Roman, Kingdom of Galicia[*], Spain under the Restoration[*] | ||
Capital | Santiago de Compostela | ||
Population | 2 695 645 | ||
Area | 29 574 km² ![]() |
||
Situate in | Espania, Kingdom of Galicia[*] | ||
Coordinatas | 42°48'N, 7°54'W | ||
Linguas official | lingua gallecian, espaniol | ||
Citates gemine | Wakayama Prefecture[*] | ||
Fuso horari | UTC+01:00, UTC+02:00[*] | ||
Dominio de Internet | .gal[*] | ||
ISO 3166-2 | ES-GA | ||
Geonames ID | 3336902 | ||
Wikimedia Commons Category Galicia (Spain) |
Gallecia[1] es un communitate autonome espaniol, site al nord-west del Peninsula Iberic. Como territorio, ben que non con le limites administrative actual, Gallecia existe desde le Imperio Roman e usque al seculo XII le regno gallecian includeva le nord del actual Portugal. De facto, le adjectivo "gallecian" es ancora applicate al habitantes del nord de Portugal, appellate per alicun historicos "Galleco-portugese".
Le Gallecia actual limita geographicamente al nord con le mar Cantabric, al sud con Portugal, al west con le oceano Atlantic e al est con le Principato de Asturias e con Leon (provincias de Zamora e Leon). In Gallecia on include etiam le insulas Cíes, le insula de Ons, Cortegada, Arousa, le insulas Sisargas e le de Sálvora e Vionta. Le citate capital de Gallecia es Santiago de Compostela e le population del pais attingeva 2.730.337 in 2001. Gallecia se divide in quatro provincias (A Coruña, Lugo, Ourense e Pontevedra) e le citates le plus grande es Vigo e A Coruña.
Secundo su statuto de autonomia, adoptate in 1981, Gallecia se defini como nationalitate historic, termino recognoscite con le de region in le constitution espaniol de 1978. Assi, como Catalonia e le Pais Basc, Gallecia possede lingua e cultura proprie. Su particularitate cultural e historica lo defini como un nation integrate in le Regno de Espania. Le governamento autonome gallecian ha tunc large competentias e es eligite per le Parlamento de Gallecia.
Le linguas de Gallecia
[modificar | modificar fonte]Le communitate autonome de Gallecia ha duo linguas official: le galleco e le castiliano. Officialmente, le galleco es un lingua autonome del portugese, sed iste es largemente comprehensibile per le majoria del gallecos. Typologicamente, galleco e portugese es multo proxime e illos face parte del mesme gruppo linguistic intra le familia del linguas romanic. Ergo le galleco es, como le castiliano e le portugese, un lingua indoeuropee proveniente del latino. Plus de 70% del population in Gallecia ha le galleco como lingua materne, al minus 60% la parla habitualmente e plus de 90% la comprehende. Nonobstante, minus de 40% del population sape scriber in galleco. Illo es debite al prohibition de scriber iste lingua durante le dictatura del General Franco (inter 1936 e 1975). In consequentia, multe gallecianos ancora es analphabete hodie in lor proprie lingua. Mesmo post le fin del dictatura e del prohibitiones, le uso public e formal del gallego non ha essite satis incoragiate per le successive governamentos gallecian. Tamen, le galleco es le lingua habitual del administration gallecian, del parlamento e del universitate. Il ha un catena de television in galleco e differente radios e jornales usa iste lingua. Le apprentissage del galleco es obligatori in le establimentos educative. Ultra illo, al minus duo disciplinas debe esser inseniate in iste lingua in le scholas primari. Malgrado tote illo, le numero de parlatores de galleco non cessa de diminuer.
Le galleco se parla in tote le Communitate Autonome de Gallecia, sed anque in territorios vicin del occidente del Principato de Asturias (region Navia-Eo) e del Communitate Autonome de Castilia e León (regiones del Bierzo e del Portelas in le provincias de Leon e Zamora). In le Communitate Autonome de Extremadura, il ha un enclave de lingua gallecian in le Valle del Xálima (nord-west del provincia de Cáceres).
Geographia
[modificar | modificar fonte]Galicia ha un superfacie de 29,574 km² (11,419 millias quadrate). Su puncto le plus al nord es Estaca de Bares (43°47′N), e illo es etiam le puncto le plus al nord de Espania.[2] Su puncto le plus al sud e le parco natural de Baixa Limia-Serra do Xurés (41°49′N), in le frontiera con Portugal.[2] Le longitude le plus al est es a 6°42′W, in le frontiera inter le provincia de Ourense e le provincia leonese de Zamora; su longitude le plus al west es 9°18′W, in duo locos: le cabo A Nave in Fisterra (cognoscite in espaniol como Finisterre) e le Cabo Touriñán, ambes in le provincia de A Coruña.[2]
![](http://upload.wikimedia.org/wikipedia/commons/thumb/e/e8/Land_of_Galicia%2C_NASA_satellite_image.jpg/220px-Land_of_Galicia%2C_NASA_satellite_image.jpg)
Referentias
[modificar fonte]- ↑ Derivation: Entitates: 1. (it) Galizia (Spagna) || 2. (es) Galicia || (pt) Galiza || 3. (fr) Galice || 4. (en) Galicia (Spain) || Controlo: (de) Galicien || (ru) Галисия || - (Extra): (la) Gallaecia (Communitas autonoma)
- ↑ 2,0 2,1 2,2 Galicia 08, Xunta de Galicia, Consellaría de Cultura e Deporte.