Edward Sharpe and the Magnetic Zeros
![](http://upload.wikimedia.org/wikipedia/commons/thumb/f/fb/Edward_Sharpe_and_the_Magnetic_Zeros.jpg/355px-Edward_Sharpe_and_the_Magnetic_Zeros.jpg)
Edward Sharpe and the Magnetic Zeros Ամերիկեան ազգ-ռոք երաժշտութեան խումբ մըն են, հիմնուած Լոս Անճելըսի մէջ, Քալիֆորնիա, 2007 թուականին: Խումբը կը վարէ Ալէքս Էպըրթը:
Պատմութիւն
[Խմբագրել | Խմբագրել աղբիւրը]Խումբին անունը հիմնուած է պատմութեան մը վրայ, որ Էպըրթ գրած է իր երիտասարդութեան օրերուն, մեսիական կերպարի մը մասին, անունը՝ Էտուըրտ Շարփ: Ներշնջուելով ռոքէ, ամերիկեան ազգագրական երաժշտութենէ, եւ հոգեբաց երաժշտութենէ, խումբին պատկերը եւ երաժշտութիւնը կ'արտացոլան ԱՄՆի 60ական եւ 70ական հիփփիներու շարժման եղանակները: Խումբին առաջին ելոյթը տեղի ունեցած է 18 Յուլիս, 2007 թուականին, The Troubadour բեմին վրայ, Արեւմտեան Հոլիւուոտ, Քալիֆորնիա: Խումբին առաջին ալպոմը, Up from Below, հրապարակուած է 7 Յուլիս 2009 թուականին, Communnity Records ընկերութեան հովանաւորութեամբ, եւ կը ներառէր հանրածանօթ երգ Home-ը: Խումբը հրապարակեց իրենց երկրորդ ալպոմը՝ Here, 29 Մայիս, 2012 թուականին, եւ երրորդ ալպոմը՝ Edward Sharpe and the Magnetic Zeros, 23 Յուլիս 2013 թուականին: Իրենց չորրորդ ալպոմը՝ PersonA, հրապարակուած է Ապրիլ 2016 թուականին:
Հիմնուելէն ի վեր, խումբը տարբեր փոփոխութիւններու ենթարկուած է: Ամէնէն նշմարելին երգչուհի Ճէյտ Քասթրինոսի խումբէն հեռանալն էր 2014 թուականին:[1][2] Խումբին ներկայ անդամներն են՝ Մարք Նոզուըրթի, Օրֆէօ Մքորտ, Ճոշ Քալազօ, Քրիսթիան Լէց, Նիքօ Ակլիէթի, Սէթ Ֆորտ-Եանկ, Միչըլ Եոշիտա, Քրաշ Ռիչըրտ, Սթուըրթ Քոլ, եւ Ալէքս Էպըրթ: Խումբը նաեւ կը վարէ Big Sun կազմակերպութիւնը, որուն նպատակն է ֆինանսաւորել եւ մշակել քաղաքներու մէջ հողային տարածքներ: Իրենց առաջին մեծ ծրագիրը, «Avalon Village», Հայլընտ Փարքի մէջ է, Տիթրոյթ, Միշիկըն:[աղբիւրի կարիք ունի]
Արտաքին յղումներ
[Խմբագրել | Խմբագրել աղբիւրը]- Պաշտօնական կայքէջ Archived 2021-12-26 at the Wayback Machine.
Ծանօթագրութիւններ
[Խմբագրել | Խմբագրել աղբիւրը]- ↑ Joe Youorski (4 June 2014)։ «Jade Castrinos Booted from Edward Sharpe and The Magnetic Zeros»։ Paste Magazine
- ↑ Joe Youorski (25 March 2015)։ «Edward Sharpe And The Magnetic Zeros: Jade Quit, We Didn’t Kick Her Out»։ Musicfeeds.com.au։ «We asked her to take off one tour. So she quit and told you she was booted.»