Պենիոն դե Ալուսեմաս

Պենիոն դե Ալուսեմաս
Տեսակ	կղզի և ծովային ամրոց
Երկիր	Իսպանիա
Վարչատարածքային միավոր	Մելիլյա
Մասն է	Alhucemas Islands?
Երկարություն	0,17 կմ
Լայնություն	0,086 կմ
Մակերես	0,015 կմ²

Պենյոն-Դե-Ալուսեմաս, (իսպ.՝ Peñón de Alhucemas, արաբ․՝ صخرة الحسيمة‎‎‎‎), ոչ մեծ ժայռոտ կղզի Միջերկրական ծովի արևմտյան մասում։ Համարվում է Իսպանիայի ինքնավար տարածքներից մեկը։ Տեղակայված է Մարոկկոյի ափերից 300 մ հեռավորության վրա՝ Էլ-Խոսեյմ քաղաքի շրջանում և 84 կմ հեռավորության վրա մոտակա Մելիլյա իսպանական տարածքից։

Աշխարհագրություն և ենթակառուցվածք

Կղզու չափսերը‐ շուրջ 200 մ երկարություն և 100 մ լայնություն։ Կղզու մակերեսը շուրջ 0,015 կմ² է։ Իրենից ներկայացնում է ծալքավոր ժայռ 27 մ բարձրությամբ։ Կղզու շրջագիծը շուրջ 480 մ է։ Կղզում տեղակայված են տարբեր դարերի շինություններ։ Կան նաև ամրոցների և մարտկոցների մնացորդներ, եկեղեցի, փարոս, ﬕ քանի տներ, ինչպես նաև պահեստներով նավահանգիստ։ Խﬔլու ջուրը պարբերաբար կղզի է բերվում ցամաքից նավակներով։ Կղզում տեղակայված է իսպանական զինված ուժերի թիվ 32 հրետանային գունդը, որը մտնում է Մելիլյայի զորագնդի ﬔջ։ Կղզին ոչ ﬔծ կամրջով ﬕացած է փոքրիկ Լա‐Պուլպերա կղզյակին, որը որոշ ժամանակ ծառայել է որպես գերեզմանոց։ Երկու անմարդաբնակ կղզիների հետ ﬕասին, որոնք տեղակայված են ափից 50 մ և ժայռից 800‐900 մ հեռավորության վրա, կղզին մտնում է Ալսեմաս կղզիախմբի ﬔջ։

Կղզիներ	Կոորդինատներ	Մակերես կմ²
Պենյոն-Դե-Ալուսեմաս	35°12′48″ հս․ լ. 3°53′21″ ամ. ե.	0,015
Տիերրա կղզի	35°12′55″ հս․ լ. 3°54′08″ ամ. ե.	0,017
Դե-Մար կղզի	35°13′03″ հս․ լ. 3°54′02″ ամ. ե.	0,014
Ալուսեմաս կղզիներ	35°12′54″ հս․ լ. 3°53′47″ ամ. ե.	0,046

Պատմություն

Ֆիլիպպի ժամանակներում Պենյոն-Դե-Ալուսեմաս կղզին Մուլայ Աբդալա սուլթանի կողմից 1560 թվականին փոխանցվել է Իսպանական թագավորությանը Բերբերյան ծովահենների հարձակումները կանխելու նպատակով։ Այն զբաղեցվել է 1673 թվականի օգոստոսի 28-ին Կարլ II-ի կառավարման օրոք։ Կղզին դարձավ քրեական և քաղաքական աքսորավայր։ 1838 թվականին այստեղ տեղի ունեցավ քաղաքական բանտարկյալների ապստամբություն։ 1902 թվականին Ֆրանսիան ճանաչեց Իսպանիայի ինքնավարությունը կղզում։ Ամրոցի վրա հարձակում տեղի ունեցավ 1921 թվականին Աբդ Ալ-Կրիմի կողմից։ 1922 թվականին խորտակվեց «Juan de Juanes» լաստանավը, որը տեղափոխումներ էր կատարում դեպի Մելիլ։ Նրա մնացորդները գտնվում են կղզուց 150 մ հեռավորության վրա դեպի հյուսիս։

Արտաքին հղումներ

• Descripción del Peñón de Alhucemas en la Comandancia General de Melilla Արխիվացված 2009-12-22 Wayback Machine (իսպ.)
• Islas y Peñones en el Norte de África, en la web de Ingenieros Militares de España. Արխիվացված 2015-07-02 Wayback Machine (իսպ.)

Վիքիպահեստն ունի նյութեր, որոնք վերաբերում են «Պենիոն դե Ալուսեմաս» հոդվածին։